Markos 4:12 - Bag-ong Kasuyatan

¹² Kada matutupar sa inra kag ingsiling ni Propeta Isaias it kato nak, “ ‘Aber magpakamuyat man sinra ay indi gihapon ninra mabaoy kung ni-o kag gustong bisayahon it inra nakikita, ag aber magpakapanimati man ay indi gihapon sinra makaintyendi. Ingtugot kali it Dios sabaling maghinuysoy sinra, ag patawaron Nida.’ ”

Markos 4:12 ပူးပေါင်းရင်းမြစ်များ

Lukas 8:10

Nagsabat Sida, “Kamo yang kag gingtaw-an it pribilehiyo nak maintyendihan kag mga dating tinago nak kaayaman tungor sa paghari it Dios. Pero kag karamuan ay waya gitaw-e, kada kag tanan nak inra narurunggan ay pay mga istorya yang. Kali ay pramas matupar kag ingsiling ni Propeta Isaias it kato nak, “ ‘Aber magpakamuyat man sinra ay indi gihapon sinra makakita, ag aber magpakapanimati man ay indi gihapon sinra makaintyendi.’ ”

2 Timoteo 2:25

Sida ra ay dapat mabuot magpamisaya sa ida pagtudlo it tama sa mga nagkukuntra. Sabaling taw-an pa sinra it oportunidad it Dios nak maghinuysoy ag makaayam ag magtu-o sa kamatuuran.

Hebreo 6:6

Kada ngani kung nagbadaey sinra riling tanan, imposible ray nak pabalikon sinra sa paghinuysoy, dahil pay sinra ray mismo kag naglansang sa krus sa Anak it Dios, ag Sida ay inra ingpahud-an liwat sa atubangan it mga tawo.

Binuhatan 3:19

Kada ngani maghinuysoy kamo ag talikuran kag inro mga sala agor kali ay mapaya.

Markos 8:18

Inggwa nak gador kamo it mga mata, indi baga kamo makakita? Inggwa ra kamo it mga talinga, indi baga kamo makarungog? Waya baga ninro natatanra-e kag Ako ginghimo?