Lukas 7:29 - Bag-ong Kasuyatan

²⁹ Pagkarungog it mga tawo, ag aber mga manugsukot it buhis, diling ingsiling ni Hesus, ay nagkumporme sinra nak tama kag inghimo it Dios, dahil si Juan kag nagbawtismo sa inra.

Lukas 7:29 ပူးပေါင်းရင်းမြစ်များ

Lukas 3:12

Inggwa ra it mga manugsukot it buhis nak nagpagto kang Juan agor magpabawtismo, ag nagpangutana sinra, “Maestro, ni-o kag amo dapat nak himuon?”

Lukas 7:35

Pero aber tuyar kag inro ingsisiling, makikita gihapon ninro nak tama kag kaayaman it Dios parayan sa pagpangabuhi it tanang nagbabaton it kina.”

Pahadag 16:5

Kaling anghel nak nakatuka sa mga tubi ay nagsiling, “Ikaw nak Balaan, Ikaw gihapon ngasing ag aber it kato pa, matarong kag Imo paghusgar nak ahumanon sa inra.

Pahadag 15:3

Ag ingkikinanta ninra kag kanta ni Moises nak ulipon it Dios, pati kag kanta it kinang ingsisiling nak Anak it Karnero, nak nagsisiling, “Amo Ginoong Dios nak Makagagahom, kag Imo inghuman ay abang ado ag katitingaya. Ikaw nak Hari it tanang nasyon, kag tanan nak Imo inghuman ay matarong ag matuor.

Roma 10:3

Dahil waya sinra it pagkaayam kung pauno kag tawo ay puyde nak himuon it Dios nak matarong sa Ida pagmuyat, kada padayon yang kag inra pagtinguha nak magkainggwa it karapatan sa Ida atubangan parayan sa inra maadong buhat. Ag buko sinra hanra nak magpasakop sa Ida, agor makaagom it pagka-matarong nak ingtata-o it Dios.

Binuhatan 19:3

Nagpangutana ray sida, “Sa ni-o kamo nabawtismuhan?” Sabat ninra, “Sa bawtismo ni Juan nak Manugbawtismo.”

Binuhatan 18:25

Natudluan sida it tungor sa Rayan it Kaluwasan sa Gino-o, ag dahil ngani nak matutom kag ida pagtu-o ay nagwawali ag nagtutudlo sida it tama tungor kang Hesus, aber kag bawtismo yang nak ida naaayaman ay kag bawtismo ni Juan nak Manugbawtismo.

Mateo 5:46

Kung kag apalanggaon yang ninro ay katong nagpapalangga sa inro, niong premyo kag inro mababaton? Di baga, aber kag mga manugsukot it buhis ag iba pang mga makasal-anan ra ay nagpapalangga sa mga nagpapalangga sa inra?

Lukas 7:28

“Ingsisiling Nako sa inro, sa mga ing-anak dili sa duta ay waya pang gador it nakikilaya nak mas yabaw kisa kang Juan nak Manugbawtismo. Pero kag pinaka-kubos nak tawo sa gingharian it Dios ay mas yabaw pa kisa sa ida.”

Lukas 20:6

Pero kung magsabat kita ‘Halin sa tawo,’ abungguon kita it mga tawo hastang kamatayon, dahil sa inra pagpati nak si Juan ay usang propeta.”