Lukas 6:25 - Bag-ong Kasuyatan

²⁵ Kahahadlok kag matatabo sa inro nak mga nabusog ngasing, dahil maabot kag adlaw nak kamo ay magugutom! Kahahadlok kag matatabo sa inro nak mga nagkikinasadya ngasing, dahil maabot kag adlaw nak kamo ay masusubo ag mapanambitan!

Lukas 6:25 ပူးပေါင်းရင်းမြစ်များ

Santiago 4:9

Dapat kamo ay malisor, magtibaw ag magpanambitan sa inro mga kasal-anan. Kag inro paghayakhak ay bayduhe it pagtibaw, ag kag inro kasadya ay bayduhe it pagkasubo.

Pahadag 3:17

Siling ninro nak kamo ay mayamaney ag asinsadoy, ag wayaey kamo it kinahangyan. Pero buko ninro ayam nak sa kaklaruhan kamo rabuno ay kaluluoy, dahil sa pagmuyat it Dios kamo ay pobre, waya it pangyamit ag bulag.

1 Tesalonica 5:3

Sa oras nak nagsisiling kag mga tawo, “Ay salamat, hilwayey kita ag timunong!” ag pagkatapos gulping maabot kag disgrasya sa inra, tuyar sa gulping pagpasyapo it usang manug-anak nak kabade. Ag inding gador sinra makalikaw rili.

Epeso 5:4

Imaw ra payadu-e kag mga bisaya nak malaw-ay ag waya't puyos, pati mga pangintrimis nak inggwa't rayang kabastusan nak buko angay sa mga nagsusunor kang Kristo, kundi maging mapinasalamaton kamo sa Dios.

Lukas 13:28

“Pag makita ninro sina Abraham, Isaac, Jacob ag tanang mga propeta ruto sa gingharian it Dios, myentras kamo ay nabilin sa liwas nak ingtatabog payado, ay matinibaw nak gador kamo ag mapangpagot kag inro mga ngisi.

Lukas 12:20

“Ugaling, ingsiling sida it Dios, ‘Waya ka ig-iisip! Ngasing nak gab-i, ay abawioney Nako kag imo kabuhi. Hay, kanin-o mapapagto kag imo tanang hinipir?’

Lukas 8:53

Pero inggur-an yang Sida it mga tawo, dahil ayam ninra nak minatayey nak gador katong dalagita.

Lukas 6:24

Pero kahahadlok kag matatabo sa inro nak mga manggaranon, dahil nabatoney ninro kag inro kasadyahan dili sa duta!

Lukas 6:26

Kahahadlok kag matatabo sa inro, kamo nak gusto ay perming ingpupuri it mga tawo, dahil tuyar ra it kina kag inghimo it inro mga ginikanan sa mga buko klaro nak mga propeta!