Lukas 4:21 - Bag-ong Kasuyatan

²¹ Nagsiling Sida sa inra, “Ngasing nak adlaw, natupar kaling parti it Sagradong Kasuyatan habang inro ingpapanimatian.”

Lukas 4:21 ပူးပေါင်းရင်းမြစ်များ

Binuhatan 3:18

Pero ingsiling it Dios it kato parayan sa tanang Ida mga propeta, nak kag Kristo ay kinahangyan nak magrayan it maramong hirap, ag kali ay Ida ingtupar parayan sa inro inghuman kang Hesus.

Mateo 13:14

Kada, natumaney sa inra kag ingsiling ni Propeta Isaias it kato nak, ‘Aber magpakapanimati man kamo ay indi gihapon kamo makaintyendi, ag aber magpakamuyat man ay indi ra gihapon ninro mabaoy kung ni-o kag gustong bisayahon it inro nakikita.

Juan 5:39

“Gingpapaka-arayan nak gador ninro kag Sagradong Kasuyatan, dahil nagpapati kamo nak parayan sa inro pag-aray hina ay mapapasa-inro kag kabuhi nak waya't katapusan. Pero kaling mga bisaya it Dios ay imaw kag nagpapamatuor tungor sa Ako.

Lukas 4:20

Pagkabasa Nida rili, ay ingyungon Nida katong rolyo it kasuyatan ag ingrawat ray ruto sa manugbulig sa sinagoga ag nag-ingkorey. Ag ingpakamuyatan Sida it tanan nak rahagto sa sinagoga.

Lukas 4:22

Ingpuri Sida it tanan ag natingaya sinra sa Ida kabale-baleng mga bisaya. Ag nagsiling sinra, “Buko baga kali kag anak ni Jose nak taga-dili sa ato?”