Lukas 3:33 - Bag-ong Kasuyatan

³³ ag si Naason ay anak ni Aminadab. Si Aminadab ay anak ni Admin, ag si Admin ay anak ni Arni. Si Arni ay anak ni Esron, ag si Esron ay anak ni Pares. Si Pares ay anak ni Juda,

Lukas 3:33 ပူးပေါင်းရင်းမြစ်များ

Henesis 49:8

“Juda, ikaw kag ipagmarako it imo kahalihan, mga liog it imo kalaban ay imo mahuhuytan, masinuong kag imo mga hali sa imo atubangan.

Henesis 46:12

Si Juda ag ida mga anak nak kayake nak sina Er, Onan, Sela, Perez ag Zera, pero sina Er ag Onan namatayey ruto pa yang sa Canaan. Kaibahan ra ninra pa-Ehipto kag mga anak nak kayake ni Perez nak sina Hezron ag Hamul.

Henesis 38:29

Pero gingsuyor liwat it anak katong ida damot ag nagpuslot katong ida kakapir. Nagsiling katong paltera, “Ni-o kaling imo nauuna-una it puslot!” Kada ida ingpangayanan sida nak Perez ag sida kag panganay.

Henesis 29:35

Masunor, nagsabak ray sida liwat ag nag-anak it kayake gihapon. Kali ay ida ingpangayanan nak Juda dahil napasiling sida, “Ngasing, adayawon nako kag GINO-O.” Ag nagtungon anay kag ida pagsabak.

Lukas 3:32

Si David ay anak ni Jese, ag si Jese ay anak ni Obed. Si Obed ay anak ni Booz, ag si Booz ay anak ni Salmon. Si Salmon ay anak ni Naason,

Lukas 3:34

ag si Juda ay anak ni Jacob. Si Jacob ay anak ni Isaac, ag si Isaac ay anak ni Abraham. Si Abraham ay anak ni Tera, ag si Tera ay anak ni Nahor.