Lukas 3:14 - Bag-ong Kasuyatan

¹⁴ Ag nagpinangutana ra sa ida kag mga rahagtong sundalo, “Ay kami, ni-o kag amo dapat himuon?” Nagsabat sida sa inra, “Aya kamo gipang-agaw it mga butang nak buko para sa inro it pwersahan, ag aya ra kamo gipangwarta parayan sa pag-akusar nak waya't kaklaruhan. Imbis nak tuyar ay makuntento yangey kamo sa inro kita.”

Lukas 3:14 ပူးပေါင်းရင်းမြစ်များ

Exodo 20:16

“Indi kamo magtestigo it binakak laban sa inro isigkatawo.”

Pilipos 4:11

Buko nak inghahanapan kamo nako it bulig dahil nasanayey ako nak maging kuntento sa aber niong kamutangan.

Exodo 23:1

Padayon kaling ibang mga kasuguan nak gingsiling it GINO-O kang Moises para sa mga Israelinhon: “Indi kamo magpanira it inro isigkatawo. Indi kamo magbinakak sa pagtestigo para yang apinan kag usang tawo nak imaw kag nakasala.”

Lukas 19:8

Ag tong hagtoy Sida sa bayay ni Sakeyo, si Sakeyo ay nagtinrog ag nagsiling sa Gino-o, “Gino-o, ita-o nako sa mga pobre kag katunga it ako manggar, ag kung inggwa man ako it tawo nak ingrada sa aber niong bagay, ako kato ibalik sa ida it maka-ap-at nak pilo.”

Pahadag 12:10

Bag-o narunggan nako kag makusog nak boses halin sa langit nak nagsiling, “Kag pagluwas it Dios sa tawo ay natumaney. Kag adlaw kung sauno ipakita Nida kag Ida rakong gahom ag paghari ay nag-abotey. Imaw ra kag karapatan ni Kristo nak Ida ingparaya, ay maipapakitaey ra. Dahil kinang Satanas nak adlaw gab-i ay nagpapanira sa ato mga hali sa pagtu-o sa atubangan it Dios, sida ngasing ay inghuyogey halin sa langit.

Tito 2:3

Imaw ra kag mga maguyang nak kabade, laygaye ra sinra nak dapat maado kag inra pamatasan, indi dapat magpangsira it inra isigkatawo ag indi ra dapat maging manginginom. Kundi dapat sinra ay maayam gitudlo it kaaduhan,

Pilipos 2:15

Tumana kina pramas limpyo ag waya't kapuyaan kag inro pagpangabuhi, kada waya't masisiling laban sa inro bilang mga anak it Dios. Ngani, dapat nak kamo ay pay mga bituon nak naghahadag sa inro maadong pagpangabuhi sa tunga it inro mga kasimanwang tiko ag mayain it pamatasan,

Binuhatan 10:7

Pagkawagit it anghel, gingtawag nida kag ruha sa ida mga suguon ag imaw ra kag usang sundalo nak inggwa't kahadlok sa Dios, nak usa sa mga sundalo nak nagsiserbisyo sa ida pangsariling kinahangyan.

Mateo 8:5

Pag-abot ni Hesus sa syudad it Capernaum, inggwa it usang Kapitan it mga sundalo it Roma nak nagsuor sa Ida ag nagpangabay,

Lukas 3:10

Nagpangutana kang Juan kag mga tawo, “Ni-o ngasing kag amo ahumanon?”

Lukas 3:13

Ag nagsabat sida sa inra, “Aya kamo gisukot it subra sa dapat.”