Lukas 24:16 - Bag-ong Kasuyatan

¹⁶ Nakita ninra Sida, ugaling waya gituguti it Dios nak Sida ay makilayang raan ninra.

Lukas 24:16 ပူးပေါင်းရင်းမြစ်များ

Juan 21:4

It katong nagpapanghudag-hudagey, si Hesus ay rahagto sa baybay nagtitinrog. Naantaw Sida it mga disipulos ugaling Sida ay waya ninra nakilaya nak raan.

Juan 20:14

Pagkasiling nida it kali, nagsauli sida ag nakita nida si Hesus nak nagtitinrog, pero waya nida nakilaya nak si Hesus yaki kato.

Lukas 24:31

Ag imaw pa yang it pagkamalay ninra nak si Hesus yaki kato. Ag sa nak raan ay gulpi yang Sidang nawagit sa inra atubangan.

Markos 16:12

Masunor, nagpakita ray si Hesus sa ruha Nidang disipulos habang nagbabaktas sa bukir, pero yabot kag Ida hitsura.

Lukas 24:15

Habang sinra ay nag-iistoryahan, ingtyamparan sinra ni Hesus ag nagrungan sa inra it panaw.

Lukas 24:17

Nagpangutana si Hesus sa inra, “Ni-o katong inro ingpapag-istoryahan habang nagbabaktas kamo?” Ag napapundo sinra nak masubo kag hitsura.

Henesis 42:8

Kilaya nak gador ni Jose katong ida mga maguyáng ugaling sinra ay waya nakakilaya sa ida.