Lukas 21:25 - Bag-ong Kasuyatan

²⁵ Nagpadayon si Hesus sa Ida pagbisaya, “Makikita kag mga katitingayang tanra sa adlaw, sa buyan ag sa mga bituon. Kag mga tawo sa mga nasyon ay mahahadlok ag mapoproblemahan dahil sa subrang kusog it mga bayor ag dagundong it ragat.

Lukas 21:25 ပူးပေါင်းရင်းမြစ်များ

Pahadag 20:11

Ngasing nak nataposey kina, nakita nako kag usang marakong puting trono nak inggwa it nakaingkor raha para maghusgar. Tong nagyuaw kinang mahusgar, kag langit ag duta ay pay nagpangyasihas hastang sa mawagit, ag indiey nak gador sinra makita liwat dahil wayaey it lugar para sa inra raha.

Binuhatan 2:19

Ag mapakita Ako it mga katitingayang bagay sa langit, ag mga tanra rili sa duta, rugo, kayado, ag maramoy nak aso.

Markos 13:26

“Ag Ako nak dati pa ay ingtatawagey nak Anak it Tawo, ay makikita ninra nak nagpipilhig ag nakatungtong sa rampog nak puno it gahom ag rakong kahimayaan.

Markos 13:24

Nagpadayon si Hesus sa Ida pagbisaya, “Sa nak raan, pagkatapos it kinang tanan nak kahirapan, ‘Maruyom kag adlaw, ag indiey maghadag kag buyan.

Mateo 24:29

Nagpadayon si Hesus sa Ida pagbisaya: “Sa nak raan, pagkatapos it kinang tanan nak kahirapan, ‘maruyom kag adlaw ag indiey maghadag kag buyan. Kag mga bituon halin sa langit ay mahuhuyog, ag kag tanan sa kalangitan ay mahinudong.’ ”

Markos 15:33

Pag-abot it alas dose it adlaw, gulping nagruyom kag bug-os nak kadutaan hastang alas tres it hapon.

Mateo 27:45

Pag-abot it alas dose it adlaw, gulping nagruyom kag bug-os nak kadutaan hastang alas tres it hapon.

Lukas 21:24

Kag iba ay mamamatay parayan sa tayom it ispada, ag kag iba ay abihagon it ibang mga nasyon. Kag Herusalem ay asiraon ag arayan-rayanan yang it mga buko Hudyo nak waya it pagtu-o sa Dios hastang matapos kag panahon it inra paggahom raha kumporme sa ingtermino it Dios.”

Lukas 21:26

Ngani, madidismayo kag mga tawo sa kahadlok ag sa paghuna-huna it paabuton nak matatabo sa kalibutan, dahil kag tanan sa kalangitan ay mahinudong.