Lukas 18:42 - Bag-ong Kasuyatan

⁴² Nagsiling si Hesus, “Makakita ka. Napaado ka parayan sa imo pagtu-o.”

Lukas 18:42 ပူးပေါင်းရင်းမြစ်များ

Lukas 17:19

Ag nagsiling pa Sida, “Tinrog ag magpadayon sa imo apagtuan. Ingpaadoy ka it imo pagtu-o.”

Lukas 8:48

Ag nagsiling si Hesus sa ida, “Ding, gingpaado ka dahil sa imo pagtu-o. Pauliey it hanuyos.”

Mateo 8:3

Inghunat ni Hesus kag Ida damot ag inghuytan kaling tawo, ag nagsiling, “Oho, gusto Nako! Apaaduhon ka Nako!” Ag sa nak raan ay nawagit kag ida kitong ag naglinas kag ida anit.

Lukas 7:50

Ag nagsiling pa si Hesus sa kabade, “Naluwas ikaw dahil sa imo pagtu-o. Pauliey it hanuyos.”

Mateo 9:22

Napasauli si Hesus ag pagkakita Nida sa kabade ay napasiling Sidang, “Ding, pakusuga kag imo buot. Gingpaado ka dahil sa imo pagtu-o sa Ako.” Ag sa nak raan ay naulianey sida.

Mateo 15:28

Pagkarungog ni Hesus sa ida sabat, nagsiling Sida, “Nang, abang rako ka imo pagtu-o! Matutuman kinang imo inghahagar.” Ag katong oras rang kato ay nag-ado kag ida anak.

Lukas 18:41

“Ni-o kag gusto nimong himuon Nako para sa imo?” Nagsabat kag bulag, “Gino-o, gusto tan-a nakong makakita.”