Lukas 18:37 - Bag-ong Kasuyatan

³⁷ Inggwa't nagsiling sa ida, “Marayan dili si Hesus nak taga-Nazaret.”

Lukas 18:37 ပူးပေါင်းရင်းမြစ်များ

Mateo 2:23

Ag ruto sinra nag-istar sa banwa it Nazaret. Kada natupar kag ingpasiling it Dios parayan sa mga propeta it kato nak, “Atawagon Sidang taga-Nazaret.”

2 Corinto 6:2

Dahil ingpasuyat it Dios kag Ida gingsisiling nak, “Sa oras nak Ako inghanra para kaluy-an ka, ingrungogey Nako kag imo pangamuyo. Ngani, pag-abot it tamang adlaw nak aluwason ka, ay ingbuliganey ka Nako.” Kada, ako ingsisiling sa inro, “Panimati! Ngasingey kag tamang oras nak mapasa-imo kag kaluoy it Dios. Ngasingey kag tamang adlaw nak ikaw ay maluluwas.”

Binuhatan 4:10

ay amo gingpapasador sa inrong tanan ag sa tanang mga Israelinhon, nak sida ay nag-ado parayan sa gahom it pangayan ni Hesu-Kristo nak taga-Nazaret, nak inro ingpalansang sa krus ag ingbanhaw it Dios. Parayan ngani sa Ida kaling tawo ay nag-ado ag ngasing ay nakakatinrogey dili sa inro atubangan.

Binuhatan 2:22

“Mga kasimanwa nakong Israelinhon, panimati-i ninro kali. Si Hesus nak taga-Nazaret ay gingpamatuuran it Dios nak Sida ay Ida ingsugo. Gingpamatuuran Nida kali parayan sa mga milagro ag katitingayang buhat ag tanra nak Ida inghuman sa inro tunga parayan kang Hesus. Ayam nak gador ninro kali dahil hali mismo sa inro kali natabo.

Juan 19:19

Ingpahimo ni Pilato kag karatula nak gingpalansang sa ibabaw it Ida krus kung hariin inggwa't nakasuyat nak, “SI HESUS NAK TAGA-NAZARET, KAG HARI IT MGA LAHI IT HUDYO.”

Juan 1:45

Ginghanap ray ni Felipe kag usang tawo nak kag ngayan ay Natanael. Ag ida ingsiling sida, “Nakitaey namo kag gingpapatungran sa Kasuguan ni Moises, ag imaw ra sa suyat it mga Propeta. Kato yaki ay si Hesus nak taga-Nazaret, nak anak ni Jose.”

Lukas 2:51

Ag nagnunot Sida sa inra papauli sa Nazaret ag Sida ay naging masinunranon sa inra. Kaling tanang mga natabo ay natanom sa isip it Ida nanay.

Lukas 18:36

Katong narunggan nida nak nagrarayan kag maramong mga tawo ay nagpangutana sida kung ni-o kag natatabo.

Lukas 18:38

Kada, pumakaukaw sida, “Hesus, Inanak ni David, kaluy-i ako!”