Lukas 16:19 - Bag-ong Kasuyatan

¹⁹ Nag-istorya ray si Hesus: “Inggwa't usang manggaranon nak perming nakabisti it kulay-ubi ag iba pang mamahayong yamit, ag adlaw-adlaw ay abunda it mga malasang pagkaon.

Lukas 16:19 ပူးပေါင်းရင်းမြစ်များ

Pahadag 18:16

sa pagsiling, “ ‘Kaluluoy! Kaluluoy talaga kinang bantog nak syudad it Babilonya! Dati sida ay manggaranon ag kag mga taga-ruto ay nakasuksok it magandang baro nak kulay-ubi ag puya, nak yari sa lino, ag di maramong ribiti nak mga buyawan, mamahayong bato ag perlas.

Pahadag 18:7

Kung paunong sida ay nagpasasa ag nagminataas sa iba ay imaw ra, kag kabaydo it kali ay pagpahirap ag kalisor. Dahil siling nida sa ida sarili, ‘Haley akong naggagahom bilang reyna! Bukoey ako balo, ag indiey nak gador ako magranas it kalisuran!’

Pahadag 17:4

Ag kaling kabade ay nakasuksok it mamahayong baro nak kulay-ubi ag puya nak maramong ribiti nak mga buyawan, mamahayong bato ag perlas. Hudot nida kag usang buyawang kupa nak puno it kayainan ag kadupitan it tanang kalaw-ayan nak ida inghuman.

Lukas 16:1

Nagpadayon si Hesus it pagtudlo sa Ida mga manugsunor parayan pa gihapon sa istorya: “Inggwa't usang manggaranon nak inggwa it usang manugpasulit. Nakaabot sa ida nak ingwawaldas it katong ida manugpasulit kag ida manggar.

Markos 15:17

Ing-ubahan ninra si Hesus ag ingsuy-uban it puyang tela nak pay kapa it hari. Masunor, nagyubir sinra it usang siitong bayagon nak inghumang kuruna ag ingputong sa uyo ni Hesus.

Lukas 15:13

“Pagkalipas it pilang adlaw, ingpangbaligya it kaling putong anak kag tanang ida kapartihan ag naglayas nak raya kag ida tanang manggar papagto sa mayadong syudad, ag ruto ay ingwaldas nida kag ida tanang manggar sa malaw-ay nak pagpangabuhi.

Markos 15:20

Pagkatapos ninrang libakon si Hesus, inra ing-uba katong kapa ag ingsuksukan Sida liwat it Ida baro. Masunor, Sida ay inra ingraya sa liwas it syudad pramas ilansang sa krus.

Lukas 16:18

“Aber si-o man kag kayake nak magbuyag sa ida asawa ag mag-asawa ray sa iba, sida ay nagpapangawatan laban sa ida unang asawa. Ag aber si-o man kag kayake nak mag-asawa sa kabade nak ingbuyagan it ida asawa ay nagpapangawatan ra.”

Lukas 16:20

Ag sa liwas it inra pwertahan ay inggwa it nakahigra nak usang pobreng tawo nak kag ngayan ay Lazaro. Kag ida bug-os nak yawas ay puro galis.