Juan 9:8 - Bag-ong Kasuyatan

⁸ Pagbalik nida, nagsiling kag Ida mga kayungot ag iba pang mga nakakakita sa ida tong sida ay nagpapalimos pa, “Buko'y imaw kali katong kayake nak nagpapalimos anay?”

Juan 9:8 ပူးပေါင်းရင်းမြစ်များ

Lukas 18:35

Habang nagpapayungot sina Hesus sa banwa it Jerico, ay inggwa ruto it usang bulag nak nag-iingkor sa habig it rayan ag nagpapalimos.

Markos 10:46

Ngasing, nakaabotey sina Hesus ag Ida mga manugsunor sa banwa it Jerico. Ag tong paliwasoney sinra ruto ay nakarungan ninra kag maramong mga tawo. Sa habig it inra ingrarayanan ay inggwa't nag-iingkor nak usang bulag nak nagpapalimos. Kag ida ngayan ay si Bartimeo nak anak ni Timeo.

Lukas 1:58

It katong narunggan it mga kayungot ag mga kahalihan nida nak ingkaluy-an sida it Gino-o ay nagkinasadya sinra kaibahan sida.

Juan 9:9

Kag siling it iba ay, “Imaw ngani!” Ag kag siling ray it iba ay, “Buko ay, kahitsura yang siguro nida.” Pero nagsiling katong kayake, “Oho, ako ngani kato.”