Juan 7:43 - Bag-ong Kasuyatan

⁴³ Ngani, naparti kag mga ging-iisip it mga tawo tungor kang Hesus.

Juan 7:43 ပူးပေါင်းရင်းမြစ်များ

Juan 10:19

Dahil diling ingbisaya ni Hesus, iba't-iba ray kag ing-iisip it mga pinuno it mga Hudyo.

Juan 9:16

Siling it ibang mga Pariseo, “Katong tawo ay buko halin sa Dios dahil gingsusuway Nida kag Adlaw it Inugpahuway.” Pero siling it iba, “Pauno nak kag usang makasal-anan ay makakahimo it tuyar nak mga milagro?” Kada waya sinra nagkausa sa inra ging-iisip tungor kang Hesus.

Juan 7:12

Sari-sari kag gingbibisaya it mga tawo tungor kang Hesus. Kag iba'y nagsisiling nak, “Maadong tawo Sida.” Kag iba ray ra ay nagsisiling nak, “Buko, gingyayaag yang Nida kag mga tawo.”

Binuhatan 14:4

Kada, naparti sa ruhang grupo kag mga tawo ruto. Kag iba ay nag-apin sa mga lahi it Hudyo ag kag iba ay sa mga apostoles.

Lukas 12:51

Kabi baga ninro ay nagpaali Ako sa duta para magta-o it katimunungan sa mga tawo? Buko! Ako ing-uuma sa inro nak kag Ako raya ay pagka-buyag-buyag.

Mateo 10:35

Kada sa paabuton, dahil sa Ako, maaway-away ‘kag anak nak kayake ag tatay, imaw ra kag anak nak kabade ag nanay, ag kag umagar nak kabade ag ida panugangang kabade.