Juan 6:5 - Bag-ong Kasuyatan

⁵ Pagmuyat ni Hesus ay naantaw Nida kag abang ramong tawo nak paabuton papagto sa Ida. Kada nagpangutana Sida kang Felipe, “Hariin ara kita makakabakay it ipakaon rahang mga tawo?”

Juan 6:5 ပူးပေါင်းရင်းမြစ်များ

Mateo 15:33

Nagsabat kag Ida mga disipulos, “Riin kita mabaoy it ipakaon sa tuyar it ramong tawo rili sa lugar nak waya it kabayay-bayay?”

Juan 4:35

Buko baga kag inro perming gingsisiling ay, ‘Ap-at nak buyan pa bag-o magtig-ani?’ Pero kag Ako gingsisiling sa inro ay muyati kag maramong tawo nak nagpapayungot. Sinra ay pay tuyar sa mga uhay nak nakikita ninrong yukmoyey ag dapat anihoney!

Juan 1:43

Pagkaaga, nagdisider si Hesus nak magbalik pa-probinsya it Galileya. Ida inghanap anay katong usang tawo nak kag ngayan ay Felipe ag nagsiling Sida, “Maley, sunor sa Ako.”

Markos 6:32

Kada, nagsakay sinra sa rayapang patabok sa lugar nak waya't mga tawo.

Lukas 9:10

Pagbalik it mga apostoles, ingsiling ninra kang Hesus kag tanan nak inra nahimo. Pagkatapos ay ingnunot Nida sinra ag nagpagto it sinra yang sa usang lugar nak sakop it banwa it Betsayda.

Juan 1:44

Kaling si Felipe ay taga-Betsayda nak imaw ra kag banwa nina Andres ag Pedro.

Juan 1:45

Ginghanap ray ni Felipe kag usang tawo nak kag ngayan ay Natanael. Ag ida ingsiling sida, “Nakitaey namo kag gingpapatungran sa Kasuguan ni Moises, ag imaw ra sa suyat it mga Propeta. Kato yaki ay si Hesus nak taga-Nazaret, nak anak ni Jose.”

Juan 1:46

Nagsiling si Natanael, “Asi, inggwa't maadong tawo nak mahalin sa Nazaret!” Nagsabat si Felipe, “Maley, muyati anay ngani.”

Juan 1:48

Napasiling sa Ida si Natanael, “Asing kilaya Nimo ako?” Nagsabat si Hesus, “Bag-o pa ikaw tawagon ni Felipe, tong ruto ikaw sa nayayanrungan it puno it igos, nakitaey ka Nako.”