Juan 4:40 - Bag-ong Kasuyatan

⁴⁰ Ngani, it katong nakaabot kang Hesus kag mga Samaryanhon ay inra anay inghawiran Sida sa inra lugar. Ag nagpahawir ra Sida ruto it ruhang adlaw.

Juan 4:40 ပူးပေါင်းရင်းမြစ်များ

Pahadag 3:20

Runggi ninro, Ako ay nagtitinrog sa liwas it pwertahan ag nagpapa-tagbayay. Kung sin-o man kag nakarungog it Ako boses ag magbukas it pwertahan, Ako ay masuyor ag makaon kaibahan nida ag sida ra ay makaon kaibahan Nako.

Binuhatan 16:15

Pagkatapos it pabawtismo nida ag ida panimayay, ging-ikag nida kami nak ruto yangey sa ida bayay magdayon. Siling nida, “Kung sa inro pagmuyat, ako ay matuor nak nagtutu-o sa Gino-o, ruto yangey kamo dayon sa amo,” kada nagsugot kami.

Lukas 24:29

Ugaling ay ingpakahawiran ninra Sida sa pagsiling, “Rili yangey sa amo dayon dahil haponey ag magab-ey.” Ngani, nagdayon Sida sa inra bayay.

Lukas 8:38

Pero bag-o sinra maglarga, nagpangabay sa Ida katong tawo nak dating nasasaniban it mga mayaot nak kung maaari ay Ida panunton sida. Pero ingpapauli sida ni Hesus ag ingsiling,

Henesis 32:26

Ag nagsiling katong kayake, “Buhiey ako dahil nagpapanghudag-hudagey.” Pero nagsabat si Jacob, “Indi nako ikaw gibuhian hastang waya pa nimo ako nabibendisyune.”

Lukas 10:39

Sida ay inggwa it usang manghor nak kag ngayan ay Maria, ag kali ay nag-ingkor it nakayumpagi sa atubangan it Gino-o habang nagpapanimati sa Ida pagtudlo.

Juan 4:39

Maramong mga Samaryanhon sa banwa nak kato kag nagtu-o kang Hesus dahil sa pamatuor it katong kabade nak, “Ida nahulaan kag tanang ako mga inghimo.”

Juan 4:41

Maramo pang nagtu-o sa Ida dahil sa Ida mga gingtutudlo.

Juan 4:43

Pagkalipas it katong ruhang adlaw, nagpadayon sina Hesus pa-probinsya it Galileya.

Binuhatan 8:8

Ngani, rako nak kasadya kag nabatyagan it mga taga-Samarya.