Juan 16:21 - Bag-ong Kasuyatan

²¹ “Di baga pag nabatyaganey it usang kabade kag pagpasyapo, sida ay nalilisor dahil orasey it ida kahirapan? Pero pagkaanak nida, malilimtaney nida kag tanang hirap nak ida gingrayanan dahil sa kasadya pag makita nida kag ida anak.

Juan 16:21 ပူးပေါင်းရင်းမြစ်များ

1 Tesalonica 5:3

Sa oras nak nagsisiling kag mga tawo, “Ay salamat, hilwayey kita ag timunong!” ag pagkatapos gulping maabot kag disgrasya sa inra, tuyar sa gulping pagpasyapo it usang manug-anak nak kabade. Ag inding gador sinra makalikaw rili.

Galasya 4:27

Dahil nakasuyat sa Sagradong Kasuyatan nak, “Magkasadya ka, ikaw nak baog, aber ikaw ay kabading waya karayan it panganak. Mag-ukaw ka sa kasadya, aber ikaw ay waya nakarayan it pagpasyapo. Ag bilang kabading binadaan it asawa, mas maramo pa kag imo magiging mga anak, kisa sa mga anak it kabading perming kaibahan kag ida asawa.”

Henesis 3:16

Ag ingbisayahan ra Nida kag kabade, “Arugangan Nako kag hirap nak imo arayanan, sa imo pagpanganak, hapros ay aaguman. Sa yudo it kali, asawa'y ahanrumon gihapon, ag sida kag imo asunron.”