Juan 11:52 - Bag-ong Kasuyatan

⁵² Ag kag Ida pagkamatay ay buko yang para sa inra nasyon kundi para ra sa tanang magiging anak it Dios nak nagkalat sa tanang parti it kalibutan. Namatay Sida agor makausa sinrang tanan.

Juan 11:52 ပူးပေါင်းရင်းမြစ်များ

Juan 10:16

Ag inggwa pa Ako it ibang mga karnero nak waya pa nakakasuyor riling kulungan. Kinahangyan ra nak maraya Nako sinra rili. Apatihan ra ninra kag Ako boses ag sinra ay mapapabilang sa Ako mga sinakupan. Ag sinrang tanan ay magiging usang grupo yangey ag Ako yang kag inra magiging Manugbantay.

1 Juan 2:2

Ag usa pa, si Kristo kag ingmatay bilang inughalar agor mabaoy kag kahangit it Dios dahil sa ato mga sala, ag buko yang kag ato, kundi pati kag sala it tanang tawo hali sa kalibutan.

1 Pedro 1:1

Mga pinalanggang hali nak pinili it Dios pramas maging Ida sinakupan, nak ngasing ay nagpangkalat ag nagpapang-istar nak pay estranghero sa mga lugar it Ponto, Galasya, Capadosya, Asya ag Bitinya. Ako si Pedro nak Apostol ni Hesu-Kristo kag nagsusuyat it kali.

Pahadag 5:9

Ag sinra ay nagkakanta it bag-ong kanta nak nagsisiling, “Ikaw yang kag karapatdapat nak magbaoy it nakayungon nak kasuyatan, ag magpuksi it mga silyo nak nakahupot bilang pangsara sa ugbos it kali pramas magbukyar. Kumo Ikaw kag ingmatay, ag kag Imo rugo ay nabuhos bilang pangtubos para sa kasal-anan it mga tawo, pramas sinra ay puyding mapasag-uli sa Dios, halin sa tanang lahi, linggwahe, angkan ag nasyon sa bug-os nak kalibutan.

Roma 3:29

Ag usa pa, kag Dios ay buko Dios yang it mga lahi it Hudyo, kundi Dios ra it mga buko Hudyo,

Lukas 2:32

Sida ay magiging iwag nak mata-o it kahadagan sa mga buko Hudyo, ag mata-o it kahimayaan sa Imo piniling nasyon nak Israel.”

Santiago 1:1

Mga pinalangga nakong kahalihan nak nagtutu-o kang Hesu-Kristo, lalong-laloey kag ako mga kasimanwang Hudyo, nak nagpangkalat ag ngasing ay nag-iistar sa iba't-ibang parti it kalibutan. Ako kamo ingpapangamusta. Ako si Santiago, nak usang ulipon it Dios ag imaw ra it Ginoong Hesu-Kristo, kag nagsusuyat it kali.

Epeso 3:11

Ngani, kali kag Ida plano bag-o pa matuga kag langit ag duta nak Ida gingtuman parayan kang Kristo Hesus nak ato Gino-o.

Epeso 1:5

gingbuotey Nida nak kita ay aakuon bilang Ida mga anak parayan kang Hesu-Kristo, kumporme sa Ida kagustuhan ag kabubut-on.

Roma 4:17

Dahil nakasuyat sa Sagradong Kasuyatan, “Ahumanon ka nako nak tatay it maramong mga nasyon.” Ag natupar kina dahil si Abraham kag pinaka-tatay natong tanan sa pagmuyat it Dios. Ag kaling Dios nak Ida ingtutuuhan, Sida ra kag nagkainggwa it gahom nak magbanhaw sa mga minatay ag magtuga sa tanang butang nak waya pa.

Binuhatan 18:10

dahil kaibahan Ako nimo. Waya't mauno sa imo. Maramo kag Ako magiging katawuhan dili sa syudad.”

Juan 12:32

Pero Ako, pag naitaasey ay apapayunguton Nako sa Ako kag tanang tawo nak masunor sa Ako.”

Juan 1:29

Pagkaaga, nakita ni Juan nak Manugbawtismo si Hesus nak nagpapayungot sa ida, ag nagsiling sida, “Muyati ninro, haley kag Kordero it Dios, nak amatyon bilang inughalar nak imaw kag mabaoy it kasal-anan it tanang katawuhan!

Henesis 49:10

Kag baston it hari ay imo ahuytan. Juda kag marumaya sa rugay nak panahon hasta sa pag-abot it hari sa tanan, hariin ay sa ida masunor tanan nak nasyon.

Juan 1:12

Ugaling kag tanang mga nagbaton ag nagtu-o sa Ida ay imaw kag ingtaw-an it karapatan nak maging mga anak it Dios.

1 Juan 3:1

Abang rako kag pagpalangga it Dios nak Tatay sa ato! Ag dahil dili gingbilang kita Nida nak Ida mga anak, ag klaro talaga kina! Ugaling kumo kag karamuan dili sa kalibutan ay waya gikikilaya sa Dios nak ato Tatay, kada syempre waya ra ninra gikikilay-a kita bilang Ida mga anak.

1 Juan 3:2

Mga pinalangga, matuor nak kita ay mga anak it Dios, pero buko pa nato ayam kung ni-o kag ato magiging kahimtangan sa palaabuton. Pero ayam nato nak sa oras nak si Kristo ay magpakita sa Ida pagbalik, kita ay maging tuyar sa Ida, dahil makikita nato Sida kung si-o talaga Sida.

1 Juan 3:10

Kali kag parayan kung pauno makilaya nato kag anak it Dios ag anak ni Satanas. Kag waya gipapangabuhi it tadlong ag waya gipapalangga sa ida hali sa pagtu-o ay buko anak it Dios.

Lukas 15:8

Nagsiling pa si Hesus, “Kung inggwa it usang kabade nak inggwa't tinagong sampuyong bilog nak kwarta nak pilak ag nawagit kag usa, ni-o kag ida ahimuon? Di baga masuga sida it iwag ag magpanilhig sa suyor ag sa palibot it ida bayay, ag apakahanapon nida kato it maado hastang ida makita?