Juan 11:39 - Bag-ong Kasuyatan

³⁹ Pag-abot nina Hesus ruto, nagsiling Sida, “Paligira ninro kinang bato.” Pero si Marta, nak maguyáng it katong minatay ay nagsiling, “Gino-o, kabahoey sida dahil ap-at nak adlawey sidang nayubong.”

Juan 11:39 ပူးပေါင်းရင်းမြစ်များ

Juan 11:17

Pag-abot nina Hesus ruto sa baryo it Betanya, nak mga tatlong kilometros yang kag yado sa Herusalem ay nasaduran Nida nak ap-at nak adlawey nak nayubong si Lazaro.

Markos 16:3

Habang nagpapanaw sinra ay nagpipinangutan-an sinra, “Si-o aboy kag ato mapapangabay nak magpaliger it katong bato sa bungaran it yuyubngan?”

Pilipos 3:21

Ag pagbalik Nida, abayduhan Nida kaling ato kalibutanhong yawas it langitnong yawas nak tuyar sa Ida it katong Sida ay nabanhaw. Inggwa Sida it sarang himuon kali dahil sa Ida gahom nak sakupon kag tanan.

Henesis 3:19

Sa pagtrabaho ikaw ay apanggauson, bag-o ka magkainggwa it inro makakaon. Kali ay aagwantahon hastang imo kamatayon, hasta sa pagbalik it imo yawas sa raga, nak kung hariin ikaw ay Ako gingtuga, ikaw ay taybo yang, kada mabalik ka sa duta.”

Binuhatan 2:27

kumo indi Nimo gipabad-an kag Ako kalag nak hagto yangey sa ingpapagtuan it mga minatay. Imaw ra, indi Nimo gitugutan nak kag Imo Balaan nak Suguon ay mayunot sa yuyubngan.

Henesis 23:4

Ag nagsiling si Abraham sa inra, “Buko talaga ako taga-rili, pero hali ako giiistar. Puyde baga ako magbakay it duta dili sa inro para yuyubngan, agor maiyubong nako kag ako asawa nak namatay.”

Binuhatan 13:36

“Buko si David kag ingpapatungran it kali kundi si Hesus, dahil si David, pagkatapos nak ida matuman kag kabubut-on it Dios sa ida kabuhi, sa ida pagtaliwan dili sa duta, sida ay gingyubong sa tupar it ida ginikanan ag kag ida yawas ay ruto nagyunot.

2 Corinto 2:16

Para sa tawong aparusahan, kaling hugom ay pay mabaho nak nagpapakita nak kag inra apagtuan ay kamatayon ag kaparusahan nak waya't katapusan. Pero para sa mga maluluwas kaling hugom ay abang bangyo, ag nagpapakita nak kag inra apagtuan ay kabuhi nak waya't katapusan. Ay siong gador kag inggwa't kakayahan nak tumanon kali? Waya!