Juan 10:34 - Bag-ong Kasuyatan

^34-35 Pero ingsabat sinra ni Hesus, “Kamo kag nagbabaliwaya kung ni-o kag nakasiling sa Sagradong Kasuyatan, dahil nakasuyat it kato kag tungor sa mga pinuno nak ingbutang it Dios sa inro mga ginikanan pramas ray-on sa inra kag mga bisaya it Dios nak nagsisiling, ‘Atawagon kamo Nako nak “mga dios,” kamong mga anak it Pinaka-mataas nak Dios.’ Ag ayam ninro nak kag Sagradong Kasuyatan ay indi puyding bag-uhon.

Juan 10:34 ပူးပေါင်းရင်းမြစ်များ

Exodo 7:1

Nagsiling kag GINO-O kang Moises, “Muyati, ginghimo ka Nako nak nupay dios sa atubangan ni Paraon. Ag si Aaron nak imo maguyáng kag imo magiging propeta.

Exodo 4:16

Sida kag imo magiging manugbisaya. Aber ni-o kag Ako ibisaya sa imo, imaw kag imo ibisaya sa ida bilang propeta it Dios, ag sida ray kag mapaabot it kali sa mga tawo, imbes nak ikaw.

Exodo 22:28

“Indi ninro gipasipalahan kag Dios, o sumpaon kag pinuno ninro.

Juan 8:17

Nakasuyat mismo sa inro Kasuguan nak kag pagpamatuor it ruhang tawo ay gingbibilang nak matuor.

Juan 15:25

Pero dapat talaga kaling matabo bilang pagtupar sa nakasuyat sa inra Kasuguan nak, ‘Laban sinra sa Ako aber waya't mga dahilan.’

Juan 12:34

Nagsabat kag mga tawo, “Ayam namo halin sa amo Kasuguan nak kag ingpromisang Kristo ay padayon nak mapangabuhi hastang sa waya't katapusan. Asing masiling Ka nak kaling dati pa ay ingtatawagey nak Anak it Tawo, ay kinahangyan nak itaas? Nak siong gador talaga Sida?”

1 Corinto 14:21

Isipon ninro kag ingpasuyat it Ginoong Dios sa Sagradong Kasuyatan, “Maabot kag adlaw kung sauno kag mga tawo halin sa ibang nasyon nak nagbibisaya it ibang linggwahe ay maabot raha sa lugar it Ako katawuhan, ag sinra kag mapaayam kung ni-o kag Ako gustong ipabisaya para sa inra. Pero aber tuyar kag Ako ahimuon, indi gihapon ninra Ako'g runggan.”