Henesis 9:6 - Bag-ong Kasuyatan

⁶ “Kung sin-o man kag tawo nak mamatay sa ida isigkatawo, ay amatyon ra sida it ibang tawo, dahil kag tawo ay inghuman it Dios nak naambit sa Ida.

Henesis 9:6 ပူးပေါင်းရင်းမြစ်များ

Mateo 26:52

Ag nagsiling si Hesus sa naglabo, “Balikan kinang Imo talibong sa tagob. Kung sa talibong ikaw nabubuhi, sa talibong ra ikaw mamamatay.

Pahadag 13:10

Kung sin-o man kag ingbuot it Dios nak mapriso ay talagang mapipriso. Ag kung sin-o man kag ingbuot nak mamatay sa matayom ay talagang mamamatay sa matayom. Kada ngani kag mga sinakupan it Dios ay dapat magtiis ag magpaninrugan sa inra pagtu-o.

Santiago 3:9

Kali ay inggagamit nato sa pagdayaw sa Ginoong Dios nak ato Tatay, ag kali ay ingagamit ra nato sa pagpasipala sa ato isigkatawo aber sinra ay inghuman it Dios nak naambit nak gador sa Ida.

Henesis 5:1

Imaw kali kag nakasuyat nahanungor sa mga inanak ni Adan. It katong gingtuga it Dios kag tawo, inghuman nida kag tawo nak pay tuyar sa ida.

Roma 13:4

kumo kaling mga pinuno ay pay mga suguon it Dios para sa imo ikakaado. Pero kung kag imo inghimo ay mayain, dapat nak mahadlok dahil inggwa talaga sinra it gahom nak magparusa aber ultimo, kumo sinra kag mga ingsugo it Dios nak Ida inggagamit pramas magparusa sa mga naghihimo it mayain.

Henesis 4:14

Kung apalayason ako Nimo riling duta ag mapayado sa Imo pagbantay, sa ako paglibot-libot sin-o mang makakita sa ako, ako ay amatyon.”

1 Corinto 11:7

Kag rason kung asing kag kayake ay indi dapat magtabon it uyo sa oras it inro pagtitipon sa pagdayaw sa Dios ay dahil sida kag nagpapakita nak pay kahitsura it Dios ag balor Nida. Pero kag kabade ray kag nagpapakita it balor it kayake,

Henesis 42:22

Nagsabat si Ruben, “Kita ngani. Di baga ingbawalan kamo nako nak indi giunhon sida? Pero waya ninro gipatihe katong ako bisaya, kada ngasing ingsusukot kita sa ida pagkawagit.”

Exodo 20:13

“Indi kamo magpangmatay.”