Henesis 4:11 - Bag-ong Kasuyatan

¹¹ Kada ingsusumpa ka Nako, ag ngasing, apalayason ka Nako rili sa duta nak inghunuban it rugo it imo manghor nak imo ingmatay.

Henesis 4:11 ပူးပေါင်းရင်းမြစ်များ

Galasya 3:10

Pero tanang nagsasalig sa pagtuman sa Kasuguan ni Moises ay aparusahan it Dios hastang sa waya't katapusan, kumo nakasuyat sa Sagradong Kasuyatan nak, “Aparusahan it Dios kag tawo nak waya gitutuman it tanang nakasuyat sa Kasuguan.”

Henesis 3:14

Pagkatapos, ingbisayahan it GINOONG Dios kag sawa, “Dahil dili sa imo ginghuman, Ako sumpa ay imo maaaguman. Sa tanang hadop dili sa kalibutan, aber sa mga maanar o maila man, pagsumpa sa imo ay yabaw sa tanan. Imo bituka kag imo ikamang, makaon ka it taybo hastang sa waya't katapusan.

Pahadag 12:16

Ugaling kag duta kag nagbulig rahang kabade, kumo kali ay naggis-ak nak pay ginghigop kinang tubi nak ingbugwak it bakunawa.

Henesis 4:14

Kung apalayason ako Nimo riling duta ag mapayado sa Imo pagbantay, sa ako paglibot-libot sin-o mang makakita sa ako, ako ay amatyon.”

Henesis 5:29

ag ingpangayanan nida kali nak Noe, dahil nagsiling sida, “Imaw kali kag mata-o sa ato it kahilwayan halin sa hirap sa pagpangabudlay rili sa duta nak ingsumpa it GINO-O.”