Henesis 3:6 - Bag-ong Kasuyatan

⁶ Namasran it kabade nak katong bunga ay pay kamumuot, ag kaiila gikaunon. Nagustuhan ra nida nak magkaon it katong bunga agor magiging maayam sida, kada naghugot sida it bunga ag ida kato ingkaon. Pagkatapos, naghugot ray sida it usa pa ag ingta-o nida sa ida asawa ag ingkaon ra it kali.

Henesis 3:6 ပူးပေါင်းရင်းမြစ်များ

1 Juan 2:16

Kali ay dahil tanang mayain nak asa kalibutan ay buko halin sa ato Tatay sa langit, kundi halin yang dili sa duta. Naumir dili kag mayaing hanrom it ato mga yawas, mga ginghihingabot it ato mata, ag pagpahambog it ato mga butang.

1 Timoteo 2:14

Ag usa pa, buko si Adan kag naluko ni Satanas, kundi kag kabade, ag sida kag unang nakasala.

Henesis 6:2

It kato ay inggwa it mga ingsisiling nak mga kayake nak anak it Dios, ag tong nakita ninra nak abang ganda kaling mga kabade nak anak it tawo ay nagpili sinra it aber sin-ong inra magustuhan, ag inra kali gingpangasawa.

Mateo 5:28

Pero kali kag Ako masisiling sa inro. Aber si-o mang tawo kag magmuyat nak inggwa't mayaing hanrom sa usang kabade ay pay nahimoy nida kag pagpangawatan sa ida tagipusuon.

Henesis 39:7

Ngani, sida ay namut-an it asawa it ida amo ag kali ay nagsiling sa ida, “Kitay sa ako higraan.”

Henesis 3:17

Ag sa kayake kali kag Ida ingbisaya, “Dahil sa pagpati sa imo asawa, ag dahil sa pagkaon it bawal nak bunga, di baga siling Nako, ‘Aya kina gikauna,’ Kada kag duta ay Ako gingsusumpa. Sa imo ginghuman, imaw kali kag gaba, hastang ikaw ay buhi rahali sa duta, bag-o makakaon ay mahirap it rugkay sa raga.

Henesis 3:12

Nagsabat ray kag kayake, “Kali nganing kabade nak Imo ingta-o sa ako it imaw ka nagta-o sa ako it bunga it katong kahoy, kada nagkaon ako.”