Henesis 3:18 - Bag-ong Kasuyatan

¹⁸ Kag matubo rili'y mga tanom nak siiton, magabon ra kag mga hilamunon. Mga tanom sa kabukiran kag imo akaunon.

Henesis 3:18 ပူးပေါင်းရင်းမြစ်များ

Mateo 13:7

Kag ibang binhi ray ay nagtugpa sa duta nak inggwa it mga siiton nak hilamunon. Nagtinubo kali, ugaling nagpakagapa kag mga hilamunon ag nayumos kag mga nagtubo nak binhi ruto.

Hebreo 6:8

Pero kag raga nak karamong nagtutubo nak mga halimunon ag mga siiton, ay asumpaon kina it tag-iya ag asunugon yangey dahil kina ay waya't puyos. Imaw ra asumpaon ag aparusahan it Dios kag tawo nak nagiging tuyar rahang raga.

Roma 14:2

Halimbawa, inggwa it tawo nak nagpapati nak puyde nidang isuya kag aber niong klasing suya, ag inggwa ray it tawo nak mayuda kag pagtu-o nak kag ida ingsusuya ay mga utan yang.

Henesis 3:17

Ag sa kayake kali kag Ida ingbisaya, “Dahil sa pagpati sa imo asawa, ag dahil sa pagkaon it bawal nak bunga, di baga siling Nako, ‘Aya kina gikauna,’ Kada kag duta ay Ako gingsusumpa. Sa imo ginghuman, imaw kali kag gaba, hastang ikaw ay buhi rahali sa duta, bag-o makakaon ay mahirap it rugkay sa raga.

Henesis 3:19

Sa pagtrabaho ikaw ay apanggauson, bag-o ka magkainggwa it inro makakaon. Kali ay aagwantahon hastang imo kamatayon, hasta sa pagbalik it imo yawas sa raga, nak kung hariin ikaw ay Ako gingtuga, ikaw ay taybo yang, kada mabalik ka sa duta.”