Henesis 3:12 - Bag-ong Kasuyatan

¹² Nagsabat ray kag kayake, “Kali nganing kabade nak Imo ingta-o sa ako it imaw ka nagta-o sa ako it bunga it katong kahoy, kada nagkaon ako.”

Henesis 3:12 ပူးပေါင်းရင်းမြစ်များ

Roma 10:3

Dahil waya sinra it pagkaayam kung pauno kag tawo ay puyde nak himuon it Dios nak matarong sa Ida pagmuyat, kada padayon yang kag inra pagtinguha nak magkainggwa it karapatan sa Ida atubangan parayan sa inra maadong buhat. Ag buko sinra hanra nak magpasakop sa Ida, agor makaagom it pagka-matarong nak ingtata-o it Dios.

Lukas 10:29

Pero sa kagustuhan it kaling tawo nak maipakita nak maayam sida kung ni-o kag tama, ay nagpangutana ray sida liwat kang Hesus, “Nak si-o kag ako kayungot?”

Henesis 2:18

Pagkatapos, inghuman it GINOONG Dios kag kayake, nagsiling Sida, “Buko maado nak magpangabuhi kag kayake nak ausa. Mahuman Ako it usang kaibhanan nak magiging katuwang nida.”

Henesis 2:22

Kaling gusok ay inghuman Nida nak kabade ag ingraya ruto sa kayake.

Henesis 2:20

Ingpangayanan it kayake kaling tanang iba't-ibang mga hadop ag mga pispis rutong duta. Pero waya gihapon sida it nakita nak ida magiging kaibahan ag katuwang.

Henesis 3:11

Nagpangutana kag Dios sa ida, “Sin-o kag nag-uma sa imo nak ikaw ay uba? Ingkaon baga nimo katong bunga nak ingsiling nako sa inro nak indi ninro gigkaunon?”