Henesis 17:4 - Bag-ong Kasuyatan

⁴ “Imaw kali kag Ako kasugtanan sa imo. Ikaw ay magiging tatay it maramong mga nasyon.

Henesis 17:4 ပူးပေါင်းရင်းမြစ်များ

Henesis 35:11

Nagsiling pa kag Dios sa ida, “Ako kag Dios nak Makagagahom. Magpakaramo kamo. Kag imo mga inanak ay magiging usang nasyon ag magkakainggwa't maramong lahi nak mahalin sa imo mga inanak, ag kag iba sa inra ay magiging mga hari.

Henesis 12:2

“Aparamuon Nako kag imo mga inanak, ag ahumanon Nako sinra nak bantog ag makusog nak nasyon. Apakamaaduhon Nako kag imo pagpangabuhi, ag mababantog kag imo pangayan. Apakamaaduhon ka Nako agor parayan sa imo kag ibang mga nasyon ay makakabaton ra it mga pagpakamaado.”

Henesis 48:19

Pero nagrason si Jacob, “Ayam nako Toto kag ako ginghihimo, ayam nako. Mauswag ra si Manase ag kag ida mga inanak, ugaling mas magiging mauswag kisa sa ida kag ida manghor nak si Epraim. Ag kag ida mga inanak ay magiging mas maramo nak maragkong mga nasyon.”

Henesis 32:12

Di baga nagsiling nak gador Ikaw sa ako nak, ‘Apakamaaduhon ka Nako ag aparamuon Nako kag imo mga inanak, tuyar sa ramo it baybay sa ragat nak indi mabilang-bilang.’ ”

Henesis 16:10

Ag aparamuon Nako kag imo inanak hastang indiey mabilang sa karamuon.

Henesis 13:16

Aparamuon Nako kag imo mga inanak hastang indiey kayang bilangon. Kung paunong kag taybo sa duta ay indi kayang bilangon ay imaw ra kag imo magiging inanak.

Henesis 25:23

Kada, nagpangutana sida sa GINO-O ag kag sabat it GINO-O sa ida ay, “Kinang asa imo bituka ay kapir, ag sinra ay magiging ruhang nasyon. Kag inra lahi ay mabuyag sa usa'g-usa. Ag sinra ay magiging magkalaban pa, ugaling magiging mas makusog kag usa kisa sa usa. Ngani, kag maguyáng kag maserbisyo sa manghor.”

Exodo 6:4

Gingpapaninrugan ra Nako kag Ako kasugtanan sa inra nak ita-o kag duta it Canaan, kag duta nak inra gingtineran it kato bilang mga nagpapangdayunan yang.

Henesis 28:3

Kabay pa nak pakamaaduhon ka it Dios nak Makagagahom, ag sa imo pag-asawa taw-an ka Nida it maramong anak, ag kag imo mga inanak ay magiging maramong lahi.