Henesis 13:12 - Bag-ong Kasuyatan

¹² Si Abram ay nagpabilin sa duta it Canaan ag si Lot ay nagpadayon sa pagsaydo-saydo mayungot sa mga banwa rutong patag hastang makaabot mayungot sa Sodoma, kung hariin nida ingtukor kag inra mga istaran nak tolda.

Henesis 13:12 ပူးပေါင်းရင်းမြစ်များ

Henesis 19:29

Imaw kali kag natabo kung paunong nakalibre sina Lot sa pagsira it Dios sa mga banwa nak asa patag, dahil waya gilimti it Dios kag ida sabat sa mga pangabay ni Abraham.

Henesis 19:1

Pagkagab-i it katong adlaw nak kato ay nag-abot sa syudad it Sodoma katong ruhang anghel nak nagpatuyar sa hitsura it mga tawong kayake. Si Lot ay nag-iingkor ruto sa lugar nak ingtitipunan it mga maguyangey it Sodoma. Kaling lugar nak kali ay rapit sa pwertahan pasuyor sa syudad. Pagkakita nida sa ruhang kayake ay nagtulay sida ag sinra ay ida ingsapoy. Nagsuong sida sa inra atubangan,

Henesis 14:12

Kaibahan sa mga gingbihag ninra ay si Lot nak kumangkon ni Abram nak nag-iistar sa Sodoma, kaibahan ra kag ida pamilya, mga sinakupan ag kag inra mga ari-arian.

1 Corinto 15:33

Aya gipatihe kinang kabisayahan, kundi magrahan kamo para indi kamo maluko. “Kag mga mayaing kaibahan ay nakakasira sa maadong pamatasan.”

Henesis 19:25

Ag ingsira it GINO-O kag tanang banwa sa patag sa tunga it mga baguntor, kaibahan kag mga tawo, mga hadop ag tanang mga nagtutubo ruto sa duta.

Henesis 13:11

Kada gingpili ni Lot para sa ida sarili kag tanang patag it Jordan ag nag-us-osey sida pa-subatan. Tuyar kali kag pagbinuyagan ni Abram ag ni Lot.

Henesis 14:2

Nagkausa sinra ag inra inglabanan sina: Haring Bera it Sodoma, Haring Birsa it Gomora, Haring Sinab it Adma, Haring Semeber it Zeboyim ag Hari it Bela nak tong huli ay naging Zoar. Ruto sinra naggera sa kapatagan it Sidim mayungot sa Minatay nak Ragat.

Henesis 19:24

Pagkaabot ninra ruto, hingan pa yang gipauyana it GINO-O it mga nagbabagang bato, asupre ag kayado kag Sodoma ag Gomora.