Exodo 40:16 - Bag-ong Kasuyatan

¹⁶ Gingtuman matuor ni Moises kag tanang gingsugo sa ida it GINO-O.

Exodo 40:16 ပူးပေါင်းရင်းမြစ်များ

1 Corinto 4:2

Ag usa pa, “Kinahangyan nak kag mga ingtugyanan it tuyar nak responsibilidad ay masasaligan.”

Mateo 28:20

Tudlu-e ra sinrang tumanon kag tanang sugo Nako sa inro. Ag tanra-e ninro, Ako ay puat kaibhanan ninro hastang sa katapusan it kalibutan.”

Hebreo 3:2

Sida ay matutom sa pagtuman sa Dios nak imaw kag nagpili sa Ida, tuyar kang Moises nak matutom ra sa pagrumaya sa panimayay it Dios it kato.

Hebreo 3:5

Matuor, si Moises ay matutom sa ida pagserbisyo sa bug-os nak panimayay it Dios, pero sida ay tuyar yang sa usang suguon raha. Kali ay halimbawa yang sa ipahadag it Dios nak matatabo sa palaabutong panahon.

Exodo 40:15

Ag bub-an ra nimo sinra it lana tuyar sa imo inghimo sa inra tatay, agor sinra ay maserbisyo sa Ako bilang mga saserdote. Kaling paggahin sa inra bilang mga saserdote ay mapadayon hastang sa pagbalhin it inra mga henerasyon.”

Henesis 6:22

Ag ingtuman matuor ni Noe kag tanang ingsugo sa ida it Dios.

Exodo 7:6

Ingtuman matuor nina Moises ag Aaron kag gingsugo sa inra it GINO-O.