Exodo 3:20 - Bag-ong Kasuyatan

²⁰ Ngani, matatagman ninra kag Ako rakong parusa ag maaaguman ninra kag mga kahahadlok nak pasilot. Ag pagkatapos it kina, asugtaney kamo nida nak maghalin.”

Exodo 3:20 ပူးပေါင်းရင်းမြစ်များ

Binuhatan 7:36

“Sida kag nagpamuno sa inra halin sa pagkaulipon sa Ehipto, pagkatapos nak maghuman sida it mga katitingayang milagro ag tanra ruto sa Ehipto, sa Mapuyang Ragat, ag hasta ruto sa disyerto, sa suyor it kwarentang (40) tuig.

Exodo 9:15

Aber it kato nak raan puydey ka tan-a Nakong matyon, kamo it imo mga sinakupan, parayan sa pesti nak ikakamatay ninrong tanan.

Exodo 6:6

“Kada, silinggan kali sa mga Israelinhon, ‘Ako si Yahweh. Ataw-an Nako kamo it kahilwayan halin sa mga pagpahirap it mga Ehiptohanon, ahaw-ason Nako kamo halin sa pagkaulipon, atubson Nako kamo parayan sa Ako gamhanang damot, ag matugpa sa inra kag Ako rakong mga paghusgar.

Exodo 12:39

Pagpahuway ninra, gingyuto ninra kag inra minasang arina nak waya't pangpaalsa. Gingraya ninra kali halin sa Ehipto tong sinra ay ingtabog ruto, dahil wayaey sinra it oras nak maghikot pa it inra bayon.

Exodo 11:1

Ngasing nagsiling ray kag GINO-O kang Moises, “Usa yangey nak silot kag Ako iparaya kang Paraon ag sa mga Ehiptohanon. Pagkatapos it kali, asugtaney kamo nida nak maghalin dili. Buko yang kina, halos ida pa kamo atabugon agor makahaliney.

Exodo 6:1

Ngasing nagsiling kag GINO-O kang Moises, “Ngasing makikita nimo kag Ako ahimuon kang Paraon. Indi yang sida mapipilitan nak kamo ay pahalinon, atabugon pa kamo paliwas sa ida duta.”

Henesis 15:14

Pero aparusahan Nako katong nasyon nak maihig sa inra ag pagkatapos, sinra ay mahalin ruto nak maramong raya.

Exodo 4:21

Ag nagsiling kag GINO-O kang Moises, “Pag-abot nimo sa Ehipto, parayan sa Ako gahom himuang gador kag tanang milagro nak Ako ingsugo sa imo sa atubangan ni Paraon. Ugaling apatugason Nako kag ida tagipusuon pramas indi nida gisugtan nak maghalin kag Ako mga katawuhan.

Exodo 13:3

Nagsiling ray si Moises sa mga Israelinhon, “Ako mga kasimanwa, rumruma ninro kaling adlaw, nak imaw kali kag adlaw nak kamo ay gingliwas it GINO-O sa Ehipto. Kamo ay Ida ra ginglibre sa pagkaulipon ruto parayan sa Ida rakong gahom. Indi kamo magkaon it tinapay nak inggwa't pangpaalsa.

Exodo 13:9

“Kaling paghiwat it pista nak kali ay nupay tanra sa inro mga damot ag sa inro mga yupa, agor indi ninro malimtan nak ibisaya kag kasuguan it GINO-O. Dahil parayan sa Ida rakong gahom Ida kami gingliwas sa Ehipto.

Exodo 15:6

Kag Imo tuong damot, amo GINO-O, ay makagagahom. Ingwagit kag amo mga kaaway parayan sa Imo rakong gahom.

Exodo 15:11

Si-o sa inra mga dios kag makakapantay sa Imo, amo GINO-O? Si-o kag makakapantay sa Imo nak makagagahom ag balaan? Si-o kag makakapareho sa Imo nak gingkakahadlukan dahil sa Imo mga ginghihimo nak mga katitingayang milagro?