Binuhatan 9:4 - Bag-ong Kasuyatan

⁴ Natumba sida ag nakarungog it Boses nak nagsisiling, “Saulo, Saulo, asing imo Ako ingpapahirapan?”

Binuhatan 9:4 ပူးပေါင်းရင်းမြစ်များ

1 Corinto 12:12

Tuyar kali, ausa kag yawas it tawo pero inggwa't iba't-ibang parti. Ag imaw ra kag tungor sa ato nak nagtutu-o kang Kristo. Kita ay maramo, pero kita ra ay naging usang grupo nak pay mga parti it ausang yawas ni Kristo.

Roma 11:22

Kada, parayan dili makita nato kag rako it kaluoy ag kag kahahadlok nak paghusgar it Dios. Para rutong mga lahi it Hudyo nak waya nagtutu-o sa Ida, ay naaguman ninra kag Ida paghusgar tong sinra ay ging-utoy sa puno. Pero para sa inro nak nagtutu-o, ay naaaguman ninro kag Ida rakong kaluoy. Ag padayon nak ipakita Nida kag Ida kaluoy sa inro kung mapadayon ra kamo sa pagtu-o. Pero kung indi kamo, ay Ida ra kamo isikway.

Henesis 22:11

pero ing-ayaba sida it anghel it GINO-O halin sa langit sa pagsiling, “Abraham, Abraham!” Nagsabat sida, “Hali ako GINO-O.”

Henesis 16:8

Siling it kali sa ida, “Hagar, kabulig ni Saray, hariin ka gihalin ag pariin ikaw?” Nagsabat si Hagar, “Naglayas ako sa ako amo nak si Saray.”

Epeso 5:30

kumo kitang mga nagtutu-o sa Ida ay tuyar sa mga parti it Ida yawas.

1 Corinto 4:7

Asi ngani nak ingkikilaya ninro kag inro sarili nak mas nakakayabaw kisa sa iba? Inggwa baga kamo it abilidad nak waya igtaw-an it Dios? Ay kung tuyar, asing inro ingpapagmarako nak pay kamo kag inghalinan it kina?

Juan 21:15

Pagkapamahaw ninra, nagpangutana si Hesus kang Simon Pedro, “Simon nak anak ni Juan, palangga talaga baga Ako nimo yabaw pa sa inra pagpalangga sa Ako?” Sabat ni Pedro, “Oho Gino-o, ayam Nimong palangga Ka nako.” Siling ray sa ida ni Hesus, “Pakauna kag Ako mga tureting karnero.”

Mateo 25:40

“Akong hari ay masabat, ‘Matuor kaling Ako ingsisiling sa inro. It katong inghimo ninro kina para sa aber usa sa mga kubos nak Ako mga hali ay pay sa Ako ra kina ninro ginghimo.’

Henesis 3:9

Pero ging-ayaba kag kayake it GINOONG Dios sa pagsiling, “Hariin ikaw?”

Juan 20:16

Siling ni Hesus sa ida, “Maria!” Nag-atubang si Maria kang Hesus ag napasiling sa bisayang Hebreo, “Raboni!” nak kag gustong bisayahon ay Maestro.

Juan 18:6

Pagkasiling ni Hesus nak, “Ako si Hesus,” napaisol sinra ag waya ninra namalaye nak sinra ay napangtumba.

Lukas 10:41

Ugaling kag sabat sa ida it Gino-o ay, “Marta, Marta, nagpapaka-kalibog ka ag masyarong napapaka-sahoy sa maramong bagay.

Exodo 3:4

Tong nakita it GINO-O nak nagliko sida papayungot riling kahoy, gingtawag Nida sida halin sa tunga it kaling kahoy, ag nagsiling, “Moises, Moises!” Ag nagsabat si Moises, “Hali ako.”

Binuhatan 5:10

Sa nak raan, natumba sida sa atubangan ni Pedro ag namatay ra. Pagbalik it katong mga binata, nakita ninra nak sida ray kag namatay, kada sida ay ingbadawan ray ninra paliwas, ag gingyubong sa tupar it ida asawa.

Binuhatan 9:5

Ag sida ay nagsabat, “Gino-o, sin-o Ikaw?” Nagsabat kag Boses, “Ako si Hesus, nak imo ingpapahirapan.