2 Corinto 6:2 - Bag-ong Kasuyatan

² Dahil ingpasuyat it Dios kag Ida gingsisiling nak, “Sa oras nak Ako inghanra para kaluy-an ka, ingrungogey Nako kag imo pangamuyo. Ngani, pag-abot it tamang adlaw nak aluwason ka, ay ingbuliganey ka Nako.” Kada, ako ingsisiling sa inro, “Panimati! Ngasingey kag tamang oras nak mapasa-imo kag kaluoy it Dios. Ngasingey kag tamang adlaw nak ikaw ay maluluwas.”

2 Corinto 6:2 ပူးပေါင်းရင်းမြစ်များ

Hebreo 4:7

Pero pagkalipas it mahabang panahon, gingpaayam ray it Dios sa mga tawo parayan sa salmo ni David nak inggwa gihapon it pagkakataon para makasuyor sinra sa kapahuwayan nak Ida ging-aman para sa inra. Kag gingsiling ni David ay, “Ngasing, kung narurungganey ninro kag gingbibisaya it Dios sa inro, daey igpatugasa kag inro tagipusuon.”

Hebreo 3:13

Kag inro dapat himuon sa bawat adlaw habang inggwa pa it nabibilin nak adlaw sa inro kabuhi, ay pakusugay ninro kag pagtu-o it usa'g-usa para waya sa inro it magtugas kag tagipusuon parayan sa pangluko it kasal-anan.

Hebreo 3:7

Kada ngani kita ay dapat magpati sa gingsisiling it Ispirito Santo nak, “Ngasing, kung narurungganey ninro kag gingbibisaya it Dios sa inro,

Lukas 4:19

Ingsugo ra Nida Ako nak ibantala sa Ida mga katawuhan nak nag-abotey kag tuig it pagluwas it Gino-o sa inra.”

Lukas 18:37

Inggwa't nagsiling sa ida, “Marayan dili si Hesus nak taga-Nazaret.”