ZAKARI 9:16 - Boy Lonana

¹⁶ Yawe Loosina hin suɗusi ki hu buu namma, asi ɦuguni suu vi suu mamsina na. Tli tasi ko ndal gogoy mayra jivira, asi hin ɓo lina kay ndaŋga mamba.

ZAKARI 9:16 ပူးပေါင်းရင်းမြစ်များ

EZAYI 62:3

Aŋ hin ko Yawe ni a jum mayra dlaɗ ŋgol cocora, Aŋŋi a tokolora kawi ko Looŋŋa a li luuna u ndaɗta.

Boy Ma Ayra Ma LUK Ɓiirimma 12:32

«Lagi ndaaɗi, yoori suu ewna. Bugi hurum min a ɦagi mulla ni nam daŋ may.

Magaara Vi Sa Jok Vun Lona AGE 2:23

Hu buu namma Yawe ma Saɓakŋa Kom Belna di ana an hin tlaŋu Zorobabel goŋ Salatiyelna saan ma sunda. Jawe di na. An hin tiniŋŋi ko ndal walak ma tin tampoŋŋana na. Yawe ma Saɓakŋa Kom Belna di ana aŋŋi sa an manam kina.»

Boy Ma Ayra Ma JAŊ Ɓiirimma 10:27

Timigii mansina humun delenu. An wasiya, asi tuɗ un may.

EZEKIYEL 34:31

«Agi ni yoori mansina. Yoori suu ka taa hu sene mannana. Agi ni suu warna. Anni Loogina may. Di ni Bu Suuna Yawe.»

JEREMI 31:11

Yawe hoŋ Yakob ay gussa, nam hurum haɗ kamu. Nam buɗum ay ki ko sa saɓak cocona.

EZAYI 60:14

Suu may suu lasagina hin mba cok yasi ga fokogiya, suu may suu panagina halaŋ hin mba goɓ ga u segiya. Asi hin yagi ana, «Ҥoŋzi ma vi Yawena,» «Siyon ma vi ma teteɗ ma vi suu Israelna.»

EZAYI 60:3

Njaf suuna halaŋ hin poy ni u kiɗik maŋga, mulina lay hin tuɗ ni u kiɗikka hin li kaŋga.

SOOLLA 100:3

Wagi ki ana Yawe ni Lona. Nam laygi ni namu, aygi ni mamu, suu mamsina ni yoori suu ka hu katlaŋ mambana.

ZAKARI 8:23

Yawe, ma Saɓakŋa Kom Belna, ɓak ana, hu buu namma wanni suuna doogo hu njaf vun ma suuna ɓakamma hin taɓ tasi eg sa Juif maa dew vam vun baraw mamma hin di ana, «Ami min a tuɗ u agiya, kay ami hum ana Lona ka u agiya.»

EZAYI 40:10

Gologiya, Bu Suuna Yawe nam mbay ni u saɓakŋa, bigim ndakam ki gasi a ti mul mambara, warak mamma ka tuɗ ay ki fokom jew may.

SOFONI 3:20

Hu buu namma an hin hoŋogi ay voo, hin li ni hu buu ma an hin tokogi kay tagina. Segi hin tii ki kay yam mbassa, an hin mbuɗugi suu ŋgolona duk suu kay ndaŋgarana, Yawe di ana an hin mbuɗugi dlaagira jewra ki jivira ni irigi gaw.

MISE 7:14

Taa suu maŋsina u tokolo maŋga, yoori maŋsina, ka ki duk bubura kay tasiya, duk usuna. Ko asi ti haɗna hu Basan u Galaad ko ndal ay hu buu ma fok jew dayna na.

JEREMI 23:3

«An may ni hin tok u suu man suu hinna kay tasiya, hu mbassa an njayasi ki hura halaŋ. An hin hoŋosi ay hu kaana asi hin zul coco lay, fi begera coco lay.

MISE 5:4

Nam kay tamba hin li ni a heɓpa. Hu li ma Asiri suu kay mbas maygira, hin tooygi ziygi kiyo, aygi hin sunuygi suu taa yoona kiɗisiya kamu, mulina kalavandi may.

JEREMI 31:10

Njaf suuna humugi boy ma vi Yawena haa. Jokogina ha ki maŋ suu ha ki fun lumma day dayna, dagi ana, sa njay suu Israelna ki keŋ lina fiɗina ka tokosi eg tasiya. Nam ka golosi ko ndal sa taa suuna gol suu mamsinara na.

ZAKARI 10:6

An hin ɦal saɓakŋa maŋ zi ma Yudana. An hin suɗ ziŋ Josefna kiyo. An hin hoŋosi kolo balamasiya kay ana hurun haɗ kasiya, ko ndal ana an noyosi ka ki gindira na, kay an ni Yawe Loosina. An hin humusiya.

KALKIRA 28:9

Aŋ yow ɦinira yaɗ ana oniks mba', ɓii sem suu Israelna kaɗu.

KALKIRA 28:21

Ҥinira li ni kay ndum suu Israelna, ndaɗ li ni doogo yam mba' ko sesi na may. Ndaɗ hin ɓiiri ni ko tampoŋŋa na, taaragelay ni u seɗu kay ana njaf suuna ni doogo yam mba'.

EZAYI 54:12

An min fiyek gulumuna kolo ni u ɦinira yaɗ ana rubissa. Vun grekŋa ni u ɦinira taɗ weleɗta, ŋguyum yam ki halaŋ u ɦini mayra gus loɓ cocora.

EZEKIYEL 34:11

«Kay ndaɗta Bu Suuna, Yawe, di ana, an hin mba hal yoori mansina, golosi ni u tanda.

EZEKIYEL 34:12

Ko ndal sa ma taa yoorina gol yoori mamsina jivi hu li ma asi njay kina na hu li ma nam coli dukusina, an may ni hin gol yoori mansina, tokosi ay ki hu li ma asi ay ki njay huna duk li ma kuɗna gi lina ndufun cocona.