ZAKARI 9:10 - Boy Lonana

¹⁰ Nam hin bulum pupus ma duuna ki hu Efrayim lay, hu Yerusalem lay. Nam hin kus gu mburra duuna kiyo, hin mba heɓpa ay maŋ suuna. Nam hin ti mulla fun lumma ŋgolna ta ta tew fun lum ma hiŋŋa, col fun lumma ta ta tew ha ki keŋ mbassa ma daɓ ayna.

ZAKARI 9:10 ပူးပေါင်းရင်းမြစ်များ

SOOLLA 72:17

Sem yi ha ni na gak gak, suuna geleɗem sem ha na din din ko ndal faɗta na. Suuna gi deɓpa maŋ tasi u semu, njaf suuna halaŋ di kam ana ma jivi coco ɦayna.

SOOLLA 72:3

U ɗegee ndaɗta tlena halaŋ ka furiya. Ҥinira lay ka wi jivi ndaɗta.

SOOLLA 85:8

Yawe, takami ɗegee maŋga, ɦami suɗ maŋga may.

SOOLLA 89:26

An hin ɦam lum ŋgolna ni mamu, ay hu lum ŋgol ma dukŋa ta ta mbo lum ma Efratana ni varamu.

EZAYI 11:10

Hu buu namma ni mul ma wilina col ay hu njaf David ma goŋ Jesena hin col ki fok suuna a va ma suuna wam halaŋŋa. Njaf suuna halaŋ hin halamu, daŋ may mamba hin lini bibiŋilla.

EZAYI 2:4

Nam hin li ni a sa ma ka ii ɓakŋa duk njaf suunana. Nam hin gi ii dlara duk njaf suuna bolowo. Ŋgewegi masi suu duuna asi hin dlasi ki kawira. Saɓii masisina asi hin dlasi ki maragamba. Suuna hinni ka li dlara duu duk tasi oloɗi. Sa ka haɗ yal ma duu oloɗi lay.

EZAYI 49:6

Nam dan ana, «An yaŋ a saan ma sunda ni ka kay a mbaa njaf suu vi Yakobma, a suɗ ki ni suu Israelna holɗi. An manaŋ ay ki ni a kiɗikka fok njaf suuna halaŋ. Kay ana suɗ manda li ha ki ni kay yam mbassa halaŋ halaŋ.»

EZAYI 60:12

Njaf suuna u muli suu ka min a sunugiɗina hin ba kiyo, njaf suu asina halaŋŋi hin dik kiyo.

Magaara Vi Sa Jok Vun Lona OZE 1:7

Na may zi ma vi Yudana hin minimu, an hin suɗusi ki u Yawe Loosina. An hin ka suɗusi ni u gu mbuuruɗi lay, u ŋgewɗi lay, u duunaɗi lay, ka u kuluminaɗi lay, ka u suu li duuna u kuluminanaɗi lay.»

Magaara Vi Sa Jok Vun Lona OZE 2:18

Va hin li hu buu nammana ni, Yawe di ana ndak hin yan ana, «Njufunu». Ndak hin ka yan ana, «Baal manna, malanna,» oloɗi.

Magaara Vi Sa Jok Vun Lona OZE 2:20

An hin vi galamba u asi hu buu namma, u mbuuri suu hu senenana lay, u laygi suu huulonana lay, u tlesuu ɦaram u vun dikisi kay ndaŋgarana lay. Gu mbuurura, ŋgewra lay, duuna lay, an hin bulumusi kiyo, tle asina hin ka li hu mbassa oloɗi. An hin ɦal voɗta maŋ suuna asi buu senna u heɓpa.

MISE 4:8

Ndak, ɦinira Yersalemba ta ka juɓ u suunara. Ndakŋi ko gina pii kolo fiyek ma gol yam zina na. Ndak hin tok a fi saɓak mak ma ay fok jewna, Yerusalem hin tok a mbuɗ zi ŋgol ma vi mullana.

MISE 5:4

Nam kay tamba hin li ni a heɓpa. Hu li ma Asiri suu kay mbas maygira, hin tooygi ziygi kiyo, aygi hin sunuygi suu taa yoona kiɗisiya kamu, mulina kalavandi may.

MISE 5:9

Yawe di ana, gologi va ma hin li hu buu namma na. An hin yowoŋ kulumi maŋsina kiyo, an hin njayaŋ pupus maŋŋa kiyo.

Magaara Vi Sa Jok Vun Lona AGE 2:22

An hin to dlamba vi mulinara kiyo, hin bulum saɓak ma vi muli suu vi suunana kiyo, an hin to pupusna ki may, ci suu jaŋamma kiyo, kulumina u suu jaŋasina hin puk kaŋgaa, gegelay kaŋga fun ŋgewra vi wayammara.

SUNDA 10:36

Lona sun boy mamma ay maŋ suu Israelna, nam dasi Boy ma Ayra ana heɓpa ni hu Yesu Kristu nam dew ni Bu Suuna vi suuna halaŋ.

2 KORINTNA 5:18

Dla ndaɗta halaŋ mbay ni ko Lona, nam Kristu taɓaygi duk ɦoŋoygi u namu, ɦay sunda a mbaa suuna a taɓ duk ɦoŋga u nam may.

2 KORINTNA 5:20

Ami varak balam Kristu a di boyna ko Lona u tamba yagi funumira na. Ami cenegi u sem Kristu hinigi taɓ duk hoŋogi u Lona.

GA 8ATAMBARA 11:24

Li ma agi tuɗ hurum cana bel hin mbuɗ ki ni magina, col ay ŋgoo bagi hu fulla Libanda day, col ay fun mbo lum ma Efratna ta ta fun mbo lum ŋgol ma u fiɗiginana, hin ki halaŋŋi mbas magira.

WIRA ŊGAYRA 11:15

Sa sunda huulona ma kiɗisiyana bu difna, della di ay kolo huulona eŋga ana, «Saɓakŋa a kak mulna kay ndaŋgara cecemi ni maŋ Bu Suuna mayna, u Kristu mamma, nam hin kakŋi a fafatɗa.»