ZAKARI 8:3 - Boy Lonana

³ Yawe ɓak ana, An hin hoŋ ay eg Siyon, kak hu ɦoŋzi ma Yerusalemma. Asi hin yi sem Yerusalem ma daŋŋa ana, ɦoŋzi ma ɗegeena, ɦinira vi Yawe, ma Saɓakŋa Kom Belna, ɦinira teteɗta.

ZAKARI 8:3 ပူးပေါင်းရင်းမြစ်များ

SOOLLA 2:6

Nam di ana, «An mbuɗ mul manna ki teteɗ ni anu, tinim kay ɦinira Siyon, ɦini mayra teteɗta ɦini manda.»

SOOLLA 48:1

Soolla vi goryoŋ Korena.

KALKIRA 29:45

An hin kak duk suu Israelna, An hinni a Loosina.

EZAYI 1:21

Ni ana mege? Ҥoŋzi ma ɗegeena mbuɗ ki gawlaŋŋa ni nanage? Nam ay ni ɦoŋzi ma ɗegeena, dlara ɗegeera ay ni huwa. Cemi mbuɗ hu ni suu ci maɗna.

EZAYI 1:26

An hin tin suu kaɓakŋa ko fok jewra na, suu ɗoɓ ii dlara ko jewra na lay. Ni suuna mbuɗ yaŋ ana ɦoŋzi ma ɗegeena, zi ma bay cora.

EZAYI 11:9

Va ma co ka li kay ɦini manda teteɗtaɗi, ɓalakka kaɗi, kay yam mbassa halaŋ hin oy ki u wira vi Yawe, ko ndal mbona oy ki hu lummara na.

EZAYI 12:6

Gagi soolla furira agi suu cuki hu Siyonna, kay ma teteɗ ma vi suu Israelna nam ŋgol cocoo, nam ka dukugiya.

EZAYI 32:16

Dlara ɗegeera hin li hu li ma ŋgoo bagi namma, gasira hin li hu li ma pi ŋgusugi suu tira huna may.

EZAYI 60:14

Suu may suu lasagina hin mba cok yasi ga fokogiya, suu may suu panagina halaŋ hin mba goɓ ga u segiya. Asi hin yagi ana, «Ҥoŋzi ma vi Yawena,» «Siyon ma vi ma teteɗ ma vi suu Israelna.»

EZAYI 65:25

Bosogona u gor timigiina ti ko tasi dew, dlona u mbutlina ti ko tasi dew. Guyugina gugum ndaŋgara ni tiisina. Asi ka li va ma co eg saɗi. Ka ɓalak vaɗi lay, kay ɦini manda teteɗta, di na ni Yawe.

EZAYI 66:20

Suuna hin mbaaragi gorsegi suu ay ki hu li ma daŋŋana aya, mbaarasi ay ko poora na maŋ Yawe. U kulumina u pus pusna u tlena gani kolo kay kulumina, lay ma buuna lay, koro ma Makkana u jamballa, mbaaasi eg ɦini manda teteɗta. Ko ndal suu Israelna ɦal tlena ay man ŋgoo bagi hu fullara na may.

EZAYI 8:18

Anu, u gor suu Yawe ɦansinana, ami ni a suu tak ki kay dlara duk suu Israelna. Ni u sem Yawe, ma Saɓakŋa Kom Belna, ma ka kaki kay yam ɦinira Siyonna.

JEREMI 14:9

Ni kay me aŋ mbuɗ taŋ ki ko sa ma mbuɗ ki ndaana na, ko ndal sa duuna ka ndak a suɗ sa oloɗira na ni nanage? Doliɗi ni aŋ Yawe ka dukumiya. Ami humuŋ seŋ ki lay. Aŋ hinimi kiɗi.

JEREMI 26:18

«Mise ma Moresetna, ma li sunda jok vun Lona, hu li ma Ezekiyas a mulna hu Yudana di suu Yudana halaŋ ana, Bu Suuna, ma Saɓakŋa Kom Belna, ɓak anaba, Siyon, suuna hin laɗ ki baraɗna ko senena na, Yerusalem hin mbuɗ ki ni didiŋga zozoɗta, yam zira vi Lonara ma kolona hin mbuɗ ki ni ko bubura na.

JEREMI 31:23

Yawe, ma Saɓakŋa Kom Belna, Lona vi suu Israelna, ɓak anaba, hu li ma an hoŋosi ay wa ni asi hin ɓak boy namma hu mbassa Yudara u ɦoŋziimma halaŋ, «Ko Yawe paɗ vunum ki kaku, li ma jivina, ɦinira teteɗta.»

JEREMI 33:16

Hu buu namma ni Yuda hin suɗ ki may, Yerusalem hin kak u heɓpa may. Gola ni seɗ ma suuna hin yaɗ u namma, «Yawe ni jivi maygira».

EZEKIYEL 48:35

Fiyek gulumun ma ŋguy kay ɦoŋzinana li halaŋŋi meter buɓ buɓ dleeŋe. «Sem ɦoŋzi namma asi yam ana Yawe Samma ni ana Yawe ka tani.»

DANYEL 9:16

Bu Suuna, u sun maŋga ɗegeera, ko yaaŋga u huruŋ ma zalina li kay Yerusalem ziiŋŋa, ɦini maŋga teteɗtaɗi ni kay suluk mamina u cora vi somoyomira, Yerusalem u suu maŋsina mbuɗ ni va ma ŋgulla maŋ suu ŋguy kamina halaŋ.

MISE 4:1

Hu fokka lina hin mbaa, ɦinira vi Yawera hin li ki tinira kolo kay ndarayaɗna, ndaɗ hin ti mulla kasiya. Njaf suuna hin hoŋ irisi ha kolo kaɗu.

SOFONI 3:13

Suu Israel suu hinna hin ka li cora oloɗi, asi hin ka kaboyna oloɗi, sa hin ka humusi boy ma ganyam funusi oloɗi. Asi hin taa yoorina hin koɗ tasi lay, sa hin ka mbuɗusi ndaana oloɗi.»

ZAKARI 1:16

Kay ndaɗta Yawe ɓak ana, an hoŋ ay eg Yerusalem u jivi manda, ziinda hin min ki kolo may, Yawe, ma Saɓakŋa Kom Belna, di na, hin waɗ zewna ha kay Yerusalem.

ZAKARI 12:6

Hu buu namma wanni an hin mbuɗ muli suu Yudana ko ndal kura ŋgali u gunara na, ko ndal dolla muni duk usuna na. Asi hin ci suu keŋesina ki halaŋ halaŋ bik njuf may, bik gulu may. Na may Yerusalem hin li kakira ni hu liiɗ ma dewna.

ZAKARI 14:10

Mbassa halaŋ hin mbuɗ ki senena, col ha kay Gueba ta ta tew hu Rimmon keŋ Yerusalem mbayawna. Ndaɗ hin mbuɗ ki kolo ŋgolla, eg liiɗu, col ha vun grek ma vi Benjaminna ta ta tew ha ki hu li ma vun grek ma basina ta ta tew ha ki hu vun grek ma keŋŋa, col ay eg gulumun ma vi Hananeelna ta ta tew ha ki hu li ma em tlena vi mulna na.

ZAKARI 8:16

Gologi gaɗta agi hin li uɗta. Agi dagi gasira ki maŋ tagiya, hu li ma kaɓakŋa wanni agi dagi ni gasira a mba heɓpa ayra.

ZAKARI 8:19

Yawe, ma Saɓakŋa Kom Belna, ɓak ana, laara laɗ hu til ma fiɗina, hu ma vadlna, hu ma kiɗisiyana, hu ma doogonara hin mbuɗ ki hu zi ma Yudana ni buu ma furira u luuna. Na may minigi gasira u heɓpa.

Boy Ma Ayra Ma JAŊ Ɓiirimma 1:14

Boyna mbuɗ ki sana, kak dukuygiya, nam ka u oora u gasira coco may. Nammi goo ma dew ma ami wam bibiŋil mamba col ay vi Bumba.

Boy Ma Ayra Ma JAŊ Ɓiirimma 14:23

Yesu hoŋom dira ana, «Sa ma mininna, hum u boy ma an damma, Bun hin minimu, Bun may an may, ami mba lak hurumu.

2 KORINTNA 6:16

Ziŋi Lonara ndak taɓ ko taɗ u fulina vi suu bay vina nanage? Ami ni Ziŋ Lona ma iirina ko Lona u tamba dira na, «An min kak dukusiya, poy u asi lay. An hin li a Loosina asi hin li a suu manna may.»

KOLOSNA 2:9

Hu li ma Lona gi Kristu ki a sana ni kay nam tamba ka hurum hu gaw may.

WIRA ŊGAYRA 21:10

Musuk Lonara mbay kanu sa sunda huulona tlan tani tuɗun kay yam ɦinira fiyekka koloo, nam takan ɦoŋzi ma teteɗna, Yerusalem ma wilina mbay kolo huulona, sunum ay ni Lona tamba gaw.

WIRA ŊGAYRA 21:27

Va ma njenje ka hin kal hu ɦoŋzi nammaɗi. Sa ma hin tam a li dlara njenjera ka hin kal huɗi lay, sa ma ka boyna ka kalɗi lay. Cuk hu ni suu sesi ɓiiri hu magaarana doy hol, ni magaara vi Goo Timiinara.

WIRA ŊGAYRA 21:3

An hum della di ay kay dlamba mulla eŋga ana, «Cecemi li kakŋa vi Lona ka duk suuna, nam hin kak u asiya, asi hin lini suu mamsina may, Lona tamba hin lini a Loosina, asi hin li a suu mamsina may.