ZAKARI 8:23 - Boy Lonana

²³ Yawe, ma Saɓakŋa Kom Belna, ɓak ana, hu buu namma wanni suuna doogo hu njaf vun ma suuna ɓakamma hin taɓ tasi eg sa Juif maa dew vam vun baraw mamma hin di ana, «Ami min a tuɗ u agiya, kay ami hum ana Lona ka u agiya.»

ZAKARI 8:23 ပူးပေါင်းရင်းမြစ်များ

EZAYI 60:3

Njaf suuna halaŋ hin poy ni u kiɗik maŋga, mulina lay hin tuɗ ni u kiɗikka hin li kaŋga.

EZAYI 55:5

Gola njaf suu aŋ ka wasiɗina lay aŋ hin yasiya. Njaf suu waŋ ka dewɗina lay hin liŋ ay mbay egeŋu. Kay ana Yawe ni Looŋŋa. Na daŋ may ni kay ma teteɗ ma vi suu Israelna mbuɗuŋ a sa ma bibiŋilnara.

1 KORINTNA 14:25

Saa mamba ŋgay hurum kay tam dewra hin mba ki kiɗiki, ni nam hin goɓ yam kaŋga cen Lona anaba, «Lona ka dukugi gasi.»

EZAYI 45:14

Yawe di suu Israelna ana, sunda suu Egiptena laɗta, u warak ma vi suu Etiyopina u suu may suu ay hu ɦoŋzi ma Sebana, suu wuli fiyeki cocona, halaŋ ca ni hin mba ki varagiya. Asi hin cuɗugi ugi ni u galina cuki sesiya, asi hin goɓ ga fokogiya, cenegi di ana, Lo ma daŋ ma ko magina na kaɗi, aragelay kaɗi.

EZAYI 66:18

An wasi sun masira u saa masira lay. An hin mba ni tok yam njaf suuna halaŋ, hu li ma asi mba wa ni asi hin wan bibiŋil manda.

URA TIN AYRA 31:7

Bugi mbaɗan irin cocoo, nam mbuɗun warak manna zeɗ zeɗ sem doogo. Na may Lona hinim ka a nam lan va co egenɗi.

SUNDA 19:12

Baraw ma ay cuki ta Polna u baraw mamba va zamalla asi yowosi ay mba ŋgenesi eg suu tuguɗira. Tuguɗira hinisiya asi mbuɗ ki jiviya, fulina kal ki hu suuna.

EZAYI 4:1

Hu buu namma ni boyogina kiɗisiya tok kay njuf ma dewna, dam ana, «Ami hin tami ni ti mamina, cukumi ni baraw mamina may, aŋ tlami zolona ki kamiya, ami lak halaŋŋi u seŋu.»

EZAYI 3:6

Buu ma hin mbaa ni, suu hu taraŋga dewra sa vi wayamma kemmi dam ana aŋ u baraw jivina taŋ may ni kak kami a mulna duk dlara co wanda.

DI BOLLA 11:2

Ɓorow bege maŋga duk u suu kiɗisiya kala, kalavandi kala, kay aŋ ka wi dla cora hin a mbay fokkaɗi.

JOB 19:3

Gola agi ŋgulun ki yagi ca ni na doogo. Tagi ka lagi zolo ko lassa agi lasan wandaraɗi su?

1 DLAŊ MULINARA 12:18

Nam kal ay ki fokosi hin ɓakasi boyna dasi ana, «Lini agi mbay egenni u heɓpa a njununda ni an hin li ni na tok u hurun halaŋ a taɓ tan u agira may. Na may li ni a ganan yan maŋ suu babali mansinana ni, na ɗaŋŋi ko dla co li konɗi, ko Lo ma vi somoyoygina wi dla ndaɗta gaɗ iriɗ lay.»

2 MULINA 2:6

Eli di Elize ana, «An ceneŋŋi ceniya kak ka tani, kay Yawe sununni hu lum ma Yurdanna.» Nam hoŋom dira ana, «U sem Yawe ma ka iiri din dinna, u seŋ aŋ taŋga, an ka ɓorow ki u aŋgi.» Asi hin tuɗ ni u tasi jak.

MISE 5:5

Asi hin taa yoorina kay mbassa Asiri u ŋgewegina, kay mbassa Nemrodta u ŋgewegina lay. Nam tamba may ni buɗuygi ay ki ko Asiri hu li ma nam suu ay kay mbas maygira hin tooygi ii haka maygira kina.

URA TIN AYRA 31:41

Aŋ gol gige an li basara varaŋ cemi na dok-mba'. An laŋ sunda basara doogo yam fiɗi kay gorɓii maŋ suu mbana, li basara karkiya kay yoori maŋsina may, aŋ mbuɗun warak manna zeɗ zeɗ seŋ doogo.

Boy Ma Ayra Ma LUK Ɓiirimma 8:44

Ndaɗ pereɗ ay ŋgoo Yesu ŋgenem vun baraw mamma na ni busuna ka uɗ gaw.

NDUMBA 14:22

duk suu asina halaŋ suu wan ŋgol manda ki u irisina, wi dlara mbuɗ mbuɗta an laɗ ay hu Egiptera lay, u dlara an laɗ aya ŋgoo bagira lay, asi hin li dlara a tukunda ki yasi ca ni doogo, ka min a humun vununɗi,

JOSUWE 8:35

Boy ma Moiz ɓiirim kana halaŋ Josuwe hin maa ka ki bay ndumum ki fok suu Israelnaɗi, fok boyogina u kemba, fok suu koyogi suu ka dukusina bel lay.

EZAYI 45:24

Asi hin di ki u vunusi ana, suɗta u saɓakŋa ni vi Yawe dew daŋ. Suu ŋgulunna halaŋ hin mba ki fokonu, asi hin mbuɗ ki zolona.

EZAYI 60:14

Suu may suu lasagina hin mba cok yasi ga fokogiya, suu may suu panagina halaŋ hin mba goɓ ga u segiya. Asi hin yagi ana, «Ҥoŋzi ma vi Yawena,» «Siyon ma vi ma teteɗ ma vi suu Israelna.»

SOFONI 3:19

An hin kaɓakŋa kay suu lasakŋa halaŋ, hu buu namma wanni an hin suɗ timigii suu dalira kiyo, an hin tok timigii suu viɗ kina kay tasiya. An hin mbuɗugi suu ŋgolona, segi hin fi ŋgara hu mbassa agi fi dlara zolona huruɗta halaŋ.

2 DLAŊ MULINARA 15:9

Nam tok suu Yudana u suu Benjaminna ay halaŋ. Suu Israel suu hu deera vi Efrayim, Manase, u Simeonna tok ay ki um lay. Asi bolow cocoo. Hu li ma asi wi ki ana Yawe, Loomma, ka u namuna.

ESTER 8:17

Hu ɦoŋzi ma bagi maanagelay hu ɦoŋzi maanagelay ma gaɗta vi mulnara tew ki huna suu Juifna gi boboora li furira, li luuna u furira. Suu hu mbassana bolow mbuɗ tasi ki suu Juifna kay ana asi mbuɗ ki ndaana ko suu Juifna.