ZAKARI 8:16 - Boy Lonana

¹⁶ Gologi gaɗta agi hin li uɗta. Agi dagi gasira ki maŋ tagiya, hu li ma kaɓakŋa wanni agi dagi ni gasira a mba heɓpa ayra.

ZAKARI 8:16 ပူးပေါင်းရင်းမြစ်များ

EFESNA 4:25

Kay ndaɗta hinigi kaboyna kiyo, lini gegelay ni di gasira maŋ ndaramma kay aygi halaŋŋi hu mbalatara dewra.

ZAKARI 7:9

«Yawe, ma Saɓakŋa Kom Belna, ɓak ana, Kaagi ɓak ma gasina, gegelay li ni dlara ɗegeera u oora kay wayamma.

SOOLLA 15:2

Ni sa ma tuɗ u voɗta vi Lonara, sa ma li dlara huu Lona miniɗta, ni sa ma di gasira col ay hurum dayna lay.

ZAKARI 8:19

Yawe, ma Saɓakŋa Kom Belna, ɓak ana, laara laɗ hu til ma fiɗina, hu ma vadlna, hu ma kiɗisiyana, hu ma doogonara hin mbuɗ ki hu zi ma Yudana ni buu ma furira u luuna. Na may minigi gasira u heɓpa.

EZAYI 9:7

Bu Suuna kaɓakŋa kay njaf suu vi Yakobma, ɓak namma ndi ni kay suu Israelna.

VUN ŊGOLNA 12:19

Sa ma ɗegeena basa na din din kay ndaŋgara. Sa ma kaboyna buu mamma hu duliyara ni ko cemek iira ɦawa na.

VUN ŊGOLNA 12:17

Sa ma di dlara gasira tak ki ni sunda ɗegeera. Sa ma dikina ma bay gasina tak ki ni kaboyna.

WIRA ŊGAYRA 21:8

Kay suu may suu maŋina, u suu bay ɗegeena, suu li dlara njenjera, suu ci maɗna, su li zoŋga, suu kumuna, suu goɓ fulina, u suu ka boyna, liisi ma kakŋa hin lini duk mbo lum ma ŋgal kura u suufra, ni miɗ ma mbana.

1 TESALONIKŊA 4:6

Kay dla ndaɗta ni sa ma li ganyamba u dlara co eg wayambi, suu li dla cora ko ndaɗta nana Bu Suuna hin kaasi ɓakŋa kasiya, ami dagi boy namma ki jew lay.

EFESNA 4:17

Gola ni va ma an col a dam u sem Bu Suuna poyogi ko suu bay vina tuɗ u saa masira cora na oloɗi.

MATIYE 5:9

Furira ka kay suu loɓ tasi a heɓ duk gorsesina, Lona hin yasi a goryomu.

MISE 6:12

Ҥoŋzi ma suu begera hurumma li ni dlara saɓakŋa, suu hu zi nammana ɓakŋi boy ma ganyamba, ay funusi u sinisi ni boy ma viɗ suuna kina.

MISE 6:8

Aŋ sana, asi haɗaŋ tlesuu jivina wa, tlesuu Yawe min ana aŋ lasiyana. Va daŋ kaɗi, ni humba gasira, minda ɗegeera may, tuɗta aŋ tuɗ hu voɗta vi Lona u voɗoɗta may.

AMOS 5:24

Na may, ko sa ɗegeena li u saɓakŋa ko yo ma ɓaɗna na, gasira ko ndal mbo ma ka ci kiɗina na.

AMOS 5:15

Noyogi dla cora kiyo, minigi ni dlara jivira, kaagi ɓakŋa u voɗomu, kala Yawe Lona ma saɓakŋa hin wi hahaw suu hin vi Yosefna.

DLAŊ LEVIRA 19:11

«Aŋ kulɗi, aŋ kaboyɗi, lagi ii tagi a tli vaŋ ndaraŋŋana ki u ganyambaɗi.

JEREMI 22:3

Yawe ɓak anaba, njunugi kay ma ɗegeena u ma jivina, buɗugi suu suu saɓakŋa lasasina kiyo, lasasiɗi, lasagi sa mbay ŋgayra varaginaɗi. Goo haw kuyuna u cara donoraɗi lay. Voogi busu suu li va kaɗina kaŋga hu li nammaɗi.

EZEKIYEL 18:8

Nam ka ndi vaam kay sa a mboɗi, nam ka ndi tlena u mbo cocoɗi lay. Nam ka tin kom eg dlara guniɗi. Nam ka ii ɓak ma ndi duk hoŋ suu mbana ni u gasira.

EZEKIYEL 45:9

«Bu Suuna, Yawe, di ana, Agi muli suu Israelna dla coogira buu ni ŋgol cocoo, ndak wa na ga, hin lassa agi lasan suu mansinara lagi ni dlara irin jivira na ɗow, ka agi dikin suu mansina ki kay mbas masira oloɗi. Hin njaf suu Israelna lak hu u mbassa hin wandara. Di ni Bu Suuna Yawe.

SOFONI 3:13

Suu Israel suu hinna hin ka li cora oloɗi, asi hin ka kaboyna oloɗi, sa hin ka humusi boy ma ganyam funusi oloɗi. Asi hin taa yoorina hin koɗ tasi lay, sa hin ka mbuɗusi ndaana oloɗi.»

ZAKARI 8:3

Yawe ɓak ana, An hin hoŋ ay eg Siyon, kak hu ɦoŋzi ma Yerusalemma. Asi hin yi sem Yerusalem ma daŋŋa ana, ɦoŋzi ma ɗegeena, ɦinira vi Yawe, ma Saɓakŋa Kom Belna, ɦinira teteɗta.

SOOLLA 34:15

Hin dla cora kiyo, li ni dlara jivira, hal a li ni heɓpa duk suuna.