ZAKARI 8:12 - Boy Lonana

¹² Na may an hin mba heɓpa aya, gugutlura hin vuɗa, ndaŋgara hin jiv tlena, huulona hin gi mbaɗagira, an hin ɓorow tle asina ki maŋ suu usi hinna.

ZAKARI 8:12 ပူးပေါင်းရင်းမြစ်များ

GA 8ATAMBARA 33:13

Kay Josef ni dam di ana, mbas mamba Yawe paɗ vunum ki kaɗu, ko ɦalla jivira ay huulonara si kam ko mbaɗagira na, u mbo may ay kaŋga hu zul ŋgollana lay.

URA TIN AYRA 27:28

Ko Lona ɦaŋ mbaɗagira ay kolora, sene maŋŋa jiv tlena cocoo, wana u sum veŋŋa laŋ cocoo.

MATIYE 6:33

Halagi Mul Lonara u ɗegee mamba jewe. Tlesuu hin halaŋŋa Lona hin ɦagisina.

ZAKARI 8:6

Yawe, ma Saɓakŋa Kom Belna, ɓak ana, Lini u suu hinna gol dla ndaɗta irisi loɓo ni, hu buu namma ni an tanda ndak a wi dla ndaɗta irin loɓ lay su? Yawe, ma Saɓakŋa Kom Belna, di na.

Magaara Vi Sa Jok Vun Lona AGE 2:19

Na ni ii wa ka kaŋga hu veena ko su? Gugutlura lay, tulumma lay, conora lay vuɗ ka na ndeɗi. Hu buu ma karamma an hin paɗ vunun ki kasiya.»

Magaara Vi Sa Jok Vun Lona AGE 1:10

Ni kay ndaɗta huulona ka gagi mbaɗagira kagi oloɗi, ndaŋgara ka jivigi tlegena oloɗi lay.

JOEL 2:22

Lagi ndaaɗi, mbuuri suu bagina, haɗ ma bagina hoŋ ɗuffa wa, ŋgusugina vuɗa, ŋgus tulumma u gugutlura vuɗ lay.

Magaara JAK Ɓiiriɗta 3:18

Suu min heɓpa egesina zaa ni heɓpa may. Va ma asi hin a famma ni iiri mayra ɗegeera.

1 KORINTNA 3:21

Kay ndaɗta sa ŋga tam kay ndarambi, kay tlena halaŋŋi maygisina.

Magaara Vi Sa Jok Vun Lona OZE 14:5

An hin suɗusi ki ko dla coosira, an hin minisi u huu ma jivina, yaanda tli ki kam wa.

EZEKIYEL 36:30

An hin hinigi ŋgusugina vuɗ coco lay. Tlena jiv hu senena ɦay lay. Kay ana ka zolo cagi fok njaf suu ɦawanɗi may cagi oloɗi lay.

EZAYI 61:7

Pan ma suuna panagina u zolona ka lagi oloɗi, agi hin yowosi nus ndaŋga masira ay ki a jona. Furi magira hin li ha ni na gak gak.

EZAYI 30:23

Nam hin sagi mbona a horokŋa. Agi hin zaa tlena kaŋgaa, tlesuu agi hin feɗesina ŋgol cocoo, jivi ɦay lay. Hu buu namma ni yoori magisina ndak fi li ma ti haɗna, li ma haɗna egesi ŋgol cocoo.

URA TIN AYRA 26:12

Hu basa ndaɗta Isaak zum senena hu mbas ndaɗta, nam feɗ ŋgolo, irim ne cocoo. Kay Yawe paɗ vunum ki kamu.

EZEKIYEL 36:12

An hin hin suu mansina tuɗ kolo kay yaku, suu man suu Israelna. Ndak hin mbuɗ ki ni masiya. Ndak hin ki ni a va joosina. Ndak ka a casi goryosi ki oloɗi lay.

VUN ŊGOLNA 19:12

Yara vi mulnara ni ko ndal dlona gi ŋgoɓpara na. May oo mamba ni ko ndal mbaɗagira gi hum usunara na.

SOOLLA 72:3

U ɗegee ndaɗta tlena halaŋ ka furiya. Ҥinira lay ka wi jivi ndaɗta.

GA 8ATAMBARA 33:28

Suu Israelna njaf ma vi Yakobma ka laki u ɗigilla, ndaŋga masira jif wana u sum veŋŋa cocoo. Huulona ka gasi mbaɗagira ay kay ndaŋgara tew tew.

GA 8ATAMBARA 32:2

Ko haɗ manda si ha ki ko yo lona na. Ko boy manna soo ga ko mbaɗagira na. Ko yo lona ɓaɗ kay usu ma ŋgolomma na.

1 MULINA 17:1

Eli sa ma ay hu ɦoŋzi ma Tisbena hu mbassa Galaadta mba di mulna Akab ana, «U sem Yawe, Lona vi suu Israelna, ma ka iiri tew tewna, ma an ka sunum wanna, basara hin fok cara ni lo ka siɗi, mbaɗagi ka gi kay ndaŋgaraɗi lay, bay an di an na baɗi.»

DLAŊ LEVIRA 26:3

«Lini agi li u gaɗ manda, lini agi humun kaɓak manna jiviya,

SOOLLA 85:12

Gasira day ay ga duk ndaŋgara, ɗegeera sii ay ga ni huulona may.

Magaara Vi Sa Jok Vun Lona OZE 13:3

Ni kay ndaɗta asi hin li ni ko ndal ɗugulla maɗiira na, ko ndal mbaɗagira yoŋgora jakkira na, ko ndal usuna viriw ki kolo day duk semeɗnara na, ko ndal ndoosna sel ay ki fun vunnara na.

Magaara Vi Sa Jok Vun Lona AGE 2:18

Kakagi u juɓpa hu buu ma karamma ta ta hu fokka, col ha hu buu ma dok mba' yam fiɗina hu til ma dleeŋena ay hu buu ma gi u zira vi Yawera kaŋgana ni kakagi u juɓba.

JEREMI 31:12

Asi ka mbaya. Asi ka gi soolla furira ay kolo kay ɦinira Siyonda. Asi ka sulul ay kay tlesuu jivi suu vi Yawena, kay wana, kay sum veŋŋa, kay mbul ma heɓma, kay yoori suu gorina u suu ŋgolona. Asi hoŋ ki dliɗta ko sene ma mbaɗagira gamma na. Asi hin ka loɓ ki oloɗi.

EZEKIYEL 34:28

Njaf suu daŋŋa ka ndak a ɦurumusi tlegeyesi ki oloɗi. Vabakgi suu kay mbas ndaɗta ka vasi oloɗi lay. Asi hin lakŋi u heɓpa. Sa ma dlakasi ŋgususi ki ka oloɗi.

EZEKIYEL 36:9

Na daŋ may an hoŋ irin ay egeku. An mbuɗ irinni maku. Suuna hin horokok yaku, hin zaa tlena kak lay.

JOEL 2:19

Yawe hoŋ dira maŋ suu mamsina, «Na ɗaŋ, an ka ɦagi wana haa, summa u mbul ma heɓma, agi hin hoɓogiya. An hin ka mbuɗugi ki zolo duk suuna a fafaɗtaɗi.

SOFONI 3:13

Suu Israel suu hinna hin ka li cora oloɗi, asi hin ka kaboyna oloɗi, sa hin ka humusi boy ma ganyam funusi oloɗi. Asi hin taa yoorina hin koɗ tasi lay, sa hin ka mbuɗusi ndaana oloɗi.»

MALASI 3:11

An hin doorogi baari suu ti tlena ki kagi, ka asi tagi vuɗ tlesuu kay ndaŋga magirana kiɗi, ka a sene gugutlu magira ɓeŋ ki bay vuɗtaɗi, Yawe, ma Saɓakŋa Kom Belna, di na.