ZAKARI 7:5 - Boy Lonana

⁵ «Di suuna halaŋ u muli suu li ɓivunna ana, hu li ma agi lagi laara u yoo tara hu til ma vadlna u ma kiɗisiyana ta ta basara dok kiɗisiyara na ni agi lagi laa ndaɗta ni kan ko su?

ZAKARI 7:5 ပူးပေါင်းရင်းမြစ်များ

2 MULINA 25:23

Hu li ma suu ŋgolo suu asgaarina u asgaari suu gori suu Yudana hum ana mul ma Babilonna tin Gedaliya ka a mulnawa ni, asi mba fam hu Mispa tana u suu masi suu duuna usiya. Ni Ismael ma goŋ Netaniyana, Yohanan ma goŋ Karena, Seraya ma goŋ Tanehumetna ma ay Netofana u Yazaniya ma goŋ Makana.

2 MULINA 25:25

May, hu til ma kiɗisiyana ni Ismael ma goŋ Netaniyana goŋ ŋgolo Elisama ma ay hu deera mullana, mbay u suuna um doogo, mba ci Gedaliya kiyo, ci suu Yudana u suu Kalde suu ka cuki dukusina ki lay.

EZAYI 43:23

Agi mbaaran timigii suu ŋgal a ɓivunna kaɗi lay, agi ŋgaan ka u ɓivun magi ma agi lammaɗi lay, an may ni ka vagi ɦal magira tinaɗi may, ka fuurugi u mbul ma his jivinaɗi may.

EZAYI 58:3

Asi dan ana, ami li laara aŋ ka wamiɗi ni, jivira ni arage? Lini ami hoŋ yami gaa, aŋ ka wamiɗi lay ni, nanage? An hoŋosi dira ana, hu li ma agi li laara ni agi ka li paa magira may, agi ka las suu li sunda fokogina lay.

JEREMI 25:11

Mbas ndaɗta u ŋgoloɗ halaŋ hin mbuɗ ki ni jo ma senena, li ma hahawra. Suu huna halaŋ hin li sunda maŋ mul ma Babilonna i basara dok kiɗisiya.

JEREMI 29:10

Na ɗaŋŋi Yawe ɓak anaba, hu li ma basara dok kiɗisiyara jak ki kay Babilon wa ni an hin gologiya, hin tak dla mayra an vi vunun kaɗ a laɗ kay hoŋogi ay hu li nammara.

JEREMI 52:12

Hu til ma vadlna, hu buu ma doogona, hu basara doogora, Nabukodonosor a mulna hu Babilonda, Nebuzaradan sa gol u mulna, gol u suu ŋguy kay mul ma Babilonna mba hu Yerusalem.

DANYEL 9:2

hu basaɗamba dewra a mulna, an Danyel hal ndum basara hu magaara ko boyna vi Yawe di sa jok vun lona Jeremiera a faɗ u ɓeŋga vi Yerusalemba basara dok kiɗisiyara na.

Magaara Vi Sa Jok Vun Lona OZE 7:14

Asi yan ha kolo ni ka u hurusi ma ay kurufu daynaɗi. Hu li ma asi yoo tasi hu liisi ma buuna ni, asi jii tasiya kay joɓ wana u sum veŋ ma wilinara. Asi tak yasira eŋga ki ni egenu.

ZAKARI 1:12

Sa sunda vi Yawe hoŋ dira ana, «Yawe, ma saɓakŋa kom belna, aŋ hin juɓmi ara na ta ta a hin wi hahaw Yerusalem u ɦoŋzi ma Yudana suu huruŋ ɓeŋ ki egesi basara dok kiɗisiyana ni ge?»

ZAKARI 7:3

A joɓ muli suu li ɓivunna hu Zira vi Yawe ma Saɓakŋa Kom Belna u suu jok vun Lonana ana, «An tii ni tiiri hu til ma vadlna doo tan ki kay tlena ko an li dla ndaɗta ay ki jew basara bolowra na su?»

ZAKARI 7:4

Na ɗaŋŋi Yawe, ma Saɓakŋa Kom Belna, dan boy mamma ana,

ZAKARI 7:6

Hu li ma agi tagi may, cagi mayna, agi ti may, ci may ni magi agiɗi su?

ZAKARI 8:19

Yawe, ma Saɓakŋa Kom Belna, ɓak ana, laara laɗ hu til ma fiɗina, hu ma vadlna, hu ma kiɗisiyana, hu ma doogonara hin mbuɗ ki hu zi ma Yudana ni buu ma furira u luuna. Na may minigi gasira u heɓpa.

MATIYE 23:5

Tlesuu asi lasi halaŋŋa ni ana suuna wasiya. Ni kay ndaɗta asi ɓii magaara gaɗta ɓii ni, njunuɗ kosiya. Asi ɗee tlesuu magaara gaɗta ɓiiri huna vun barawi masisina ŋgol lay.

MATIYE 6:16

«Agi li laara ni, mbuɗ tagi ki hahawra ko suu ŋga tasina naɗi. Asi mbuɗ irisi ki hahawra zeɗ, a suuna wasi ana asi ka li laara. An dagi ni gasiya, suu asina fi warak masina ki kaŋga tani wa.

MATIYE 6:2

«Aŋ li ɦal va maŋ sa hawra ni, sawal kolo a suuna hum dukgi. Suu ŋga tasina li dla ndaɗta hu Zira Tokka, hu voɗta lay, ni asiya. Asi li na ni ana suuna ŋgaasiya. An dagi ni gasiya, suu asina fi warak masina ki kaŋga tani wa.

MATIYE 6:5

«Agi li a cen Lona ni, lagi ko suu ŋga tasina naɗi. Asi min a cen Lona coli hu Zira Tokka, keŋ voɗta lay, a suuna wasiya. An dagi ni gasiya, suu asina fi warak masina ki kaŋga tani wa.

1 KORINTNA 10:31

Lini agi ti lay ci lay li megelay ni lagi tlena halaŋ u geleɗta eg Lona.

2 KORINTNA 5:15

Nam miɗ kay suuna halaŋ kay suu ka iirina mba kak iiri kay tasi oloɗi, kakŋi kay sa ma miɗna, hin paɗ ki kolo iiri kasina.

KOLOSNA 3:23

Lini agi li ni sunda lay ni, laɗ u hurugi halaŋ ko agi li ni sunda vi Bu Suuna na, ka ni sunda vi suuna ɦawaɗi.