ZAKARI 7:14 - Boy Lonana

¹⁴ An torosi cukusi ha ki kay suu asi ka wasiɗina halaŋ. Bulum mbassa ka ki ŋgorosi dagan gaw may. Sa ka tuɗ duk ɦoŋga na cowcow oloɗi. Furira asi li laɗ kay ndaŋgarara mbuɗ ki yoora.»

ZAKARI 7:14 ပူးပေါင်းရင်းမြစ်များ

GA 8ATAMBARA 28:64

Yawe Loogina hin njayagi ki kay yam mbassa halaŋ, hu li namma agi hin sunni loogi suu ɦawa suu somoyogi lay agi tagira lay ka wasiɗi, gugunina u ɦinira ceɗira.

GA 8ATAMBARA 28:33

Wa ma agi horokomma u vuɗ tlegeyegi suu agi zaarasina halaŋ hin tasi ki ni suu agi ka wasiɗina. Agi ka fi saɓak ma a yow va ay vi suu daŋŋa na ɗow ni kaɗi.

JEREMI 23:19

Saɓak semeɗ ma vi Yawena, saɓak yara vi Yawera mba wa. Babaana ka paɗa. Nam ka paɗ kay suu dlara vasina.

GA 8ATAMBARA 4:27

Yawe hin njayagi ki duk suuna, njafagi hin hin duk njaf suu hu duliyarna ni na ew daŋ. Yawe hin tuɗugi hu li ma nam min tuɗugi huna.

ZAKARI 2:6

An joɓom ana, «Aŋ tuɗ arage?» Nam hoŋon dira ana, «Ŋga fiyek Yerusalem, a waɗ fiyekeɗ ki may bubuuɗ ki may.»

SOFONI 3:6

Lona di ana «An bulum suuna kiyo, zigini suu fiyek mini kolo keŋ gulumunnana an toosi ki lay. An bulumusi voɗ masira ki lay, sa ka jak voɗ oloɗi, ɦoŋzi masina ki hawaɗiya, sa ka oloɗi, sa kak hu zi ka oloɗi.

ZAKARI 9:14

Yawe hin kal ay ki kolo kasiya. Sin mbuuru mamba hin weleɗ ko welera huulonara na. Yawe Lona hin bu tokolomma. Nam hin tuɗ ha duk babaa may ma dalina.

HABAKUK 3:14

Aŋ cokosi yam muli masisina ni u mbuuru masira tok, asi ɗaŋŋi mbay ko ndal babaana na a suɗun ki u heɓpa, ko ndal asi ci sa ma asi suu kamma ki ŋgay gumunda na.

NAHUM 1:3

Gasi, Yawe, hurum ka mbuɗ ya zakgi, u saɓakam ma ŋgolna nam ka hin va jak ki kambi. Hu li ma nam tuɗ huna, babaa ma ŋgolna li umu. Ɗugulla ni gugum ma tum kolo u semma.

AMOS 1:14

An hin cuk kura kay gulumun ma Rabbana, ndaɗ hin ŋgal ziginina kiyo, hu buu ma hin yi kolo a duunana, hu buu ma babaana paɗ walna.

DANYEL 8:9

Goo mek taa na ew day ay ki eg mek taa dukusi dew wul ki ŋgol cocoo. Kolo duk na, daliya u maɗiina hu mbas mayra jivi cocora.

JEREMI 52:30

Daɓ dagan hu basara dok mba' yam hindi ta Nabukodonosor a mulnara, Nebuzaradan ma ŋgol asgaana yow suu Yudana tuɗusi ki mbaɓura 745. Taɓ halaŋŋi suuna 4,600.

JEREMI 44:6

Na ɗaŋŋi yaanda mba kasiya. Kura ko wanda na. Ndaɗ ŋgal ɦoŋzi ma Yudana u voɗta Yerusalemba kiyo. Asi mbuɗ ki ni didiŋga hu jonara, li ma hahawra. Ni dlara ka cecem wanda daŋ may.

JEREMI 36:19

Suu ŋgolo suu li sunda di Baruk ana, «Tuɗ ŋgay taŋu, Jeremi lay. Ka sa wi li ma agi ka hunaɗi.»

JEREMI 30:23

Babaa ma vi Yawena, yara mba wa, semeɗ ma ŋgolna hin liya, nam paɗ mbiriwinda kay yam suu dlara vasina.

JEREMI 5:15

An hin mbaagi suuna ay kagi agi suu Israelna, suu ay dayna. Yawe di na. Suu ka gasiɗina, suu u gu ma basina, suu aŋ ka wasi vun masinaɗi layna, suu aŋ ka wasi dlaasiraɗi layna.

EZAYI 21:1

Gola ni dlara di ki kay ŋgoo bagi vun lum ma ŋgolna. Ko babaa ma col ay mbayawna na, ni na may mba hu fulla. Col ay i hu mbassa suuna laɗ ndaaraɗ cocora.

EZAYI 17:13

Njaf suuna halaŋ ka soo ko mbo ma ɓaɗna na. Bu Suuna ka gaɗasiya asi njay ki hu mbassa dayra, dol ki kolo ko bolla dol u semeɗnara na. Asi dol kolo u semeɗna ko ndal ii meera na.

SOOLLA 58:9

Asi mbuɗ ni ko villa hin ki ii faɗtara na, ni ko goo ma vuɗ ki bay tilim ndakka, wi faɗta kaɗira na.

2 DLAŊ MULINARA 36:21

Gola boy ma Yawe dam ay fun sa ma jok vun Lona Jeremina li ki ni ko ndaɗta na, ma di ana, «Mbassa hin hin ki ɦawaa ta ta basara dok-kiɗisiya, ta ta basa mamba koɗ tara daɓ ki tuwa, kay a warak ki ni balam koɗ tara mbassa fi koɗ ta kaɗira ta asi li ka u gaɗtaɗi ndaɗta.»

GA 8ATAMBARA 28:49

«Yawe hin sunugi njaf suu col ay ki na dayna ay kagiya, ay hu vun ndaŋgara do dora, pii ko ndal bakŋa a piira na, ni njaf suu agi ka humusi vun masinaɗi layna.

DLAŊ LEVIRA 26:33

Agi tagira may ni an hin dikigi ki duk njaf suu daŋŋa, suuna hin mun duuna u agiya, ɦoŋzi magina hin mbuɗ ki ni bagira, zina halaŋ hin hawaɗ kiyo.

DLAŊ LEVIRA 26:22

An hin sunugi vabakgi suu cona ay kagiya, asi hin cagi goryogi kiyo, cagi yoori magisina ki may, asi doorogi ki kay voɗta tuɗta, voɗ magira mbuɗ ki ni ko duk gura ɦawa na.

EZAYI 66:15

Yawe hin mbay ni u kura, pus pus mam ma kulumina ni ko babaana na, oy u yaamba ku cocora balaf mam ma gaɗ suuna ni sin kura.

EZAYI 60:15

Jew ni suuna noyogi kiyo, sa ma minigi kaɗi, sa ma mba a heɗegi kaɗi lay. Cemi ni ka na oloɗi, agi mbuɗ ni li ma furira a fafaɗta, furi ndaɗta ha ni na gak gak.

JEREMI 12:10

Bolow suu taa suuna ɓeŋen gugutlu manda kiyo, tayan sene manna ki kaŋga u sesiya. Sene man ma jivi namma asi mbuɗum ki fulla, va ka huɗira.

EZEKIYEL 5:10

Hu ɦoŋzi magina ni somira hin kom goryosiya. Gorra hin kom somoyosi may. An hin lagi dlara ti huuna egegiya, ugira hinda an hin njayasi ha ki aragelay halaŋ halaŋ duk njaf suu daŋŋa.

EZEKIYEL 12:19

Aŋ hin jok boy namma ki maŋ suu hu mbas ndaɗtana, ana Bu Suuna, Yawe, di suu cuki hu Yerusalem kay ndaŋgara vi suu Israelna ana, asi hin ti tiisina ni u ndaana, hin ci yona ni u ndaana lay, kay yam mbassa hin oy ki u suu daŋŋa tlesuu huruɗ jewna ka li oloɗi, kay dla cora vi suu li cuki huna laɗta.

EZEKIYEL 22:15

«An hin dikiŋ suu huruŋŋa ki duk njaf suu daŋŋa halaŋ halaŋ. Dla cora ka huruŋga an hin bulumuɗ kiyo.

JOEL 2:3

Kura ŋgal fokom may, ŋgorom dagan sin kura ŋgal may. Ndaŋgara fokommi ko ndal sene ma Edenna na ŋgorom dagan fulla ki ɓeŋira. Va dew lay ka suɗ kombi.

ZAKARI 8:1

Yawe, ma Saɓakŋa Kom Belna, dan boy mamma ana,

Magaara Vi Sa Jok Vun Lona OZE 9:17

Loonna hin zuɗusi kiyo, kay ana asi humum kaɗi. Asi hin gijaŋ poy kolo duk njaf suuna.