ZAKARI 7:12 - Boy Lonana

¹² Hurusi mbuɗ ki hurusi diɓilikka ko kawina na a hum haɗta u boy ma Yawe, ma Saɓakŋa Kom Belna, ɓakasina u musuk mamba ay fun suu basi suu jok vun Lonana. Yawe, ma Saɓakŋa Kom Belna, hurum mbuɗ ki yara cocoo.

ZAKARI 7:12 ပူးပေါင်းရင်းမြစ်များ

EZEKIYEL 11:19

«An hin ɦasi huu ma wilina u ŋgussa wilira. An hin paɗasi hurusi ma sooy eŋ ko ndal gogoyra nana kiyo, an hin ɦasi huu ma lumuɗna hurusiya.

2 DLAŊ MULINARA 36:16

Na may suu Israelna pan suu vun sunda, pan suu jok vun Lona lay, ka min a hum boy ma Yawe dammaɗi ta ta Yawe tak yaamba ki egesiya. Asi ka ndak a suɗ ki ko dlara oloɗi.

SUNDA 28:27

Kay suu asina hurusi mbuɗ ki giniŋi, asi ŋgel humusi kiyo, dug irisi ki lay. A irisi wiɗi, a humusi humbi lay. A hurusi humbi lay. Lona di ana asi mbuɗ irisi ay egen a an garaɗasi kiɗi lay.»

EZEKIYEL 36:26

An hin kalagi hurugi ni huu ma wilina, hin kalagi hurugi ni ŋgussa wilira lay. An hin paɗagi hurugi ma sooy ko ɦinira nana kiyo, hin kalagi ha hurugi ni huu ma lumuɗ ko tliwna nana.

SOOLLA 50:17

Aŋ sa ma ka ŋgelen gaɗ mandana, aŋ sa ma cukun boy manna ki ŋgoroŋ daganna.

MARK 4:12

Kay, Wira asi wiya, ka wi ki ɗal ɗalɗi. A humba asi humma, ka wam um kiɗi. Lini asi wam umu ni, asi ndak hoŋ irisi eg Lona, nam hin hinisi coosira kiyo.»

MATIYE 13:15

Suu asina mbuɗ ki giniŋi. Asi ŋgel humusi kiyo, dug irisi ki lay, ana irisi wiɗi, humusi humbi lay, saa masira ka wi va a pereɗ irisi egen a an suɗusi kiyo naɗi lay.

EZEKIYEL 2:4

Suu may suu yasi eŋŋa hurusi sooy coco lay. An min sunuŋ egesiya, aŋ tuɗ dasi ana, gola Bu Suuna, Yawe, ɓak ay na.

EZAYI 6:10

Mbuɗ saa suu asina ki giniŋga, ŋgelesi humusi kiyo, dugusi irisi ki ka wiɗi may. A asi hum u humusiɗi, ka hurusi a saa dlaɗi lay, asi ka ndak a hom ki a garaɗ tasi kiɗi lay.»

2 PIYER 1:21

Boy ma suu jok vun Lona damma halaŋŋi ka u minda vi sana kay tambi, ni Musuk Lonara njun usiya kay ndaɗta asi ɓak kay Lona ni na.

Boy Ma Ayra Ma LUK Ɓiirimma 8:12

Suu ɦiw ni ko njaf ma yak keŋ voɗta na. Asi hum Boy ma vi Lonana na ni, Satanna yowosina ki hurusi gaw. Ka hinisi a tin hurusi a suɗ kiɗi.

ZAKARI 7:7

Ni boy ma Yawe ɓakam ki fun suu basi suu jok vun Lona hu li ma Yerusalem kaki u heɓpa enna, ɦoŋzi maɗna ŋguy kaɗ lay, lii dalina u mbas mayra kaŋga ura suuna ka hurusi bolow coco lay.»

JEREMI 26:19

Na ni mul ma Yudana, Ezekiyas, u suu mamsina hin cam ki su? Asi hoŋ yasi ga u Yawe ni hoŋi na ɗowɗi su? Yawe hin doo dla cora nam gin a lasira egesira ki kasiya. Aygi may ɗaŋŋi hal a laygi ni dla cora.»

JEREMI 17:1

Cora vi suu Yudana ki kaŋga ɓiiri u kawina, ki saɓak cocoo. Ndaɗ ki ɓiiri hurusi kurufu u vun kawi ma eŋŋa, ki kolo kay otel masi ma li ɓivunna lay.

JEREMI 5:3

Yawe, iriŋ ka tinira ni a gol gasiraɗi su? Aŋ waɗasiya, va ka ŋgenesiɗi. Aŋ casi ki lay. Asi ka humuŋ gaɗ maŋgaɗi. Asi mbuɗ vogosi ki eŋga su gogoyra. Asi ka min a hoŋ ayɗi.

EZAYI 48:4

An wi ana agi yagi eŋ cocoo, delegi ki sooyra ko ndal kawina na. Vogogi eŋga ko kawi ma tlawna na.

JOB 9:4

Nammi yal cocoo, neey coco lay. Sa ma ndak a hin vam u dlara ni gege?

2 DLAŊ MULINARA 36:13

Mulna Nabukodonosor suu tam fokommi u sem Lona. Na may Sedesiyas hin mbuɗ a sa ma babalira u namma. Nam so yam ki ni ka min a hoŋ ay eg Yawe, Lona vi suu Israelnaɗi.

EZAYI 46:12

Humungi vunun haa, agi suu yagi kaɗina, agi suu may suu ka min dlara ɗegeeraɗina.

EZEKIYEL 14:5

Hoŋ diinda hin vi suu Israelna cocoo kay asi ɦuɗun ha ki egesi day ni u goɓpa asi goɓ fulinara.

KALKIRA 7:13

Na lay ni Faraw so hurum gak ka min a hum usiɗi. Nam ka hum vun gi Moiz u Aaron ko Yawe dasi ayra naɗi.

EZAYI 65:12

An may ni ndumugi halaŋŋi a ŋgaɗ kira, agi halaŋ hin goɓ vun givigi ga a ŋgaɗagi kira. An yagiya agi hum kaɗi, an njaɗ lay ni agi humun vunun kaɗi, agi li dlara ka irin jiviɗira, agi vi tagi ni eg dlara an ka miniɗɗira.

JEREMI 7:20

Na ɗaŋŋi Bu Suuna Yawe ɓak anaba, yaanda hin li hu li namma kay suu warna u mburina lay, kay ŋgusugi suu duk buburana u vuɗ tlesuu kay ndaŋgarana, ni kura hin ka tew kiɗira.

JEREMI 17:23

Asi may ni hum kaɗi, tin humusi kaɗi lay. Asi so delesi ki eŋga ka min a humbi lay, ka vi u gaɗtaɗi lay.

JEREMI 42:21

An li dagi boy namma ki cecem may agi ka humugi del Yawe Looginaɗi. Agi ka hum dlara nam danda ay magira na ndeɗi lay.

ZAKARI 1:2

«Yawe ɓeŋ hurum ki coco eg somoyogiya.»