ZAKARI 7:11 - Boy Lonana

¹¹ Na may asi tin humusi ka kay boy nammaɗi. Asi yow pel bikisi koloo, ŋgel humusi ki ka hum boy nammaɗi.

ZAKARI 7:11 ပူးပေါင်းရင်းမြစ်များ

NEHEMI 9:29

Aŋ neesi ana asi hoŋ ay eg gaɗ maŋga lay ni. Asi u yasira eŋga li ni dlaasira, ka hum u gaɗ maŋgaɗi. Asi li sulukŋa eg gaɗ maŋga, sana ndak a li uɗ hin kak iirira. Asi yow jiirisiki kolo na heeŋ, so delesi ki may, ka min humbi.

Magaara Vi Sa Jok Vun Lona OZE 4:16

Gasi, Israel yaɗ ay jew eŋ daŋ may, ko ndal mbutla ka min a sa tlaɗ va kaɗɗira na. Cecem wan daŋga Yawe hin cukusi kay haɗna ko ndal gor timigiina na.

JEREMI 8:5

Ni kay me na ɗaŋ ge, suu Yerusalem agina, viɗ tagi ki ŋgolla cocora u dla cora laɗta na ni kay mege? Asi vi vunusi eŋga kay saa masira bay uɗta, asi ka min a hoŋ ayɗi.

SUNDA 7:57

Asi tum soora na ŋguk ŋguk ŋgel humusi ki kay boy namma, asi ɓaɗ tasi ha kam na zak zak u dlaasira halaŋ halaŋga.

ZAKARI 1:4

Lagi dlaŋ somoyogiraɗi, asi suu jok vun Lona ay jewna dasi ana, Yawe, ma Saɓakŋa Kom Belna, di ana, hoŋogi ay ɗaŋ, hinigi voɗ magira cora u dlagira cora kiyo, may asi hum kaɗi, tin saarasi ka kanɗi lay, Yawe di na.

EZEKIYEL 3:7

Suu Israelna ka hin humuŋgi, kay asi ka min a hum unɗira. Kay suu Israelna halaŋŋi yasi eŋ cocoo, hurusi sooy ɦay lay.

JEREMI 35:15

An sunugi suu man suu sunda suu jokon vununna ha egegi tew tew lay asi dagi ana agi homogi kiyo, gegelay kay tuɗ mamba cora, gasi mbuɗugi dlaagira lira ki zeɗ liŋigi kay cee loogi suu ɦawana a goɓosiɗi, agi hin kakagi ni kay ndaŋgara an ɦagira ki magilay, maŋ somoyogi layra. Na may ni agi tinigi humugi kaɗi lay, humungi kaɗi lay.

HEBRENA 12:25

Gologi tagi jivi ɗaŋ humugi vun sa ma ɓakagina. Suu hum vun sa ma gaɗasi kaŋga kay ndaŋgara tani kay tlesuu kolo huulona kaɗina, suɗ kaki ko daŋgaynaɗi. Lini aygi hoŋoygi ki dagani ka hum vun sa ma ka ɓakaygi ay kolo daynaɗi, ni aygi ka suɗ kiɗi.

SUNDA 7:51

«Agi suu yagi kaɗina, njun hurugiya, ŋgel humugi ki kay yira vi Lona. Tew tew ni agi ka hum vun Musuk Lonaraɗi, ko somoyogi na may.

SOFONI 3:2

Ndaɗ hum yira kaɗi, ndaɗ vi haɗta ka kaɗɗi, ndaɗ hum vun Yawe kaɗi, ndaɗ ɦuɗ taɗ ay ka eg Looɗnaɗi.

DANYEL 9:5

Ami li suluku, ami li cora, ami mbuɗ ki suu cona, suu duu u Lona, ami noyoŋ gaɗ maŋga ki lay.

JEREMI 44:16

«Gasi daŋ may aŋ dami boy namma ni u sem Yawe may, ami ka humuŋgi.

JEREMI 36:31

An hin li yara u namu, u suu mam suu sunda lay, u njafam lay kay maɗ ma asi camma, an hin cukusi suu hu Yerusalemma ay kasi u suu Yudana, dla cora an di ana an lasira egesira halaŋ kay asi humun kadi.»

JEREMI 17:23

Asi may ni hum kaɗi, tin humusi kaɗi lay. Asi so delesi ki eŋga ka min a humbi lay, ka vi u gaɗtaɗi lay.

JEREMI 13:10

Suu may suu co suu ka min a humun boy mannaɗina, tuɗ fok u su vunna, liŋ ki u loogi suu daŋŋa a goɓosira. Asi mbuɗ ki cora ko gandi namma ka jivi oloɗira na.

JEREMI 11:10

Asi hoŋ tasi ki hu suluk ma vi somoyosi ma ka min a humun boy mannaɗina. Asi may ɗaŋŋi liŋ tuɗ ki u loogi suu daŋŋa a goɓosiya. Suu Yudana u suu Yerusalemma may ni buɗ galamba an vaɗ u somoyosira kiyo.

JEREMI 7:24

Na may asi hum kaɗi, na lay asi tin humusi kaɗi. Asi li ni dlara u min masirara kay yasira eŋga. Asi hin dlara ɦan hurusira tani ɦanni ŋgorosi na ɗow.

EZAYI 6:10

Mbuɗ saa suu asina ki giniŋga, ŋgelesi humusi kiyo, dugusi irisi ki ka wiɗi may. A asi hum u humusiɗi, ka hurusi a saa dlaɗi lay, asi ka ndak a hom ki a garaɗ tasi kiɗi lay.»

NEHEMI 9:26

«Na may asi mbuɗ ki honira, li yara u aŋu. Asi noyoŋ gaɗ maŋga ki ŋgoorosi dagan na day, asi ci suu jokoŋ vunuŋ kina, suu neesi ana asi hoŋ egeŋuna kiyo. Asi li suluk ma ŋgolona egeŋ cocoo.

NEHEMI 9:17

Asi min ka humbi. Humusi gasi ka kay dlara mbuɗ mbuɗ ta aŋ laɗ egesiraɗi. Asi tin saarasi ni a hoŋ hu liisi ma mbaɓura. May aŋ taŋga, aŋŋi Lo ma ɦal heɓpa, jekjeke lay, oo coco lay, ka ɓeŋ huruŋ zakgi lay, ɗegee coco lay, aŋ noyosi ka kiɗi.

2 DLAŊ MULINARA 33:10

Yawe ɓak mulna Manase u suu mamsina lay ni sa ma caa yam kay boy mamma kaɗi.

KALKIRA 10:3

Moiz u Aaron tuɗ vi Faraw dam ana, «Yawe, Lo ma vi suu Hebrena, di ana, Aŋ hin a hoŋ yaŋ ga fokonni saɓa tuge? Hinin suu mansina asi tuɗ sununu.

MATIYE 13:15

Suu asina mbuɗ ki giniŋi. Asi ŋgel humusi kiyo, dug irisi ki lay, ana irisi wiɗi, humusi humbi lay, saa masira ka wi va a pereɗ irisi egen a an suɗusi kiyo naɗi lay.

EZAYI 46:12

Humungi vunun haa, agi suu yagi kaɗina, agi suu may suu ka min dlara ɗegeeraɗina.

JEREMI 5:3

Yawe, iriŋ ka tinira ni a gol gasiraɗi su? Aŋ waɗasiya, va ka ŋgenesiɗi. Aŋ casi ki lay. Asi ka humuŋ gaɗ maŋgaɗi. Asi mbuɗ vogosi ki eŋga su gogoyra. Asi ka min a hoŋ ayɗi.

JEREMI 5:21

Humugi boyna haa, suu saarasi u to'onosi kaɗina. Irisi ka kasi may asi ka wiɗi, humusi ka lay asi ka humbi.

JEREMI 7:26

Na may asi humun kaɗi. Asi tin humusi kaɗi, asi so yasi kiyo. Asi ki suluk su somoyosiya.

JEREMI 17:27

Lini agi humungi ka kay buu ma vi Lonna ŋgaɓam ki duk ndarayammanaɗi, ka saa kay tlira tli nekka hu buu nammaraɗi lay, kay kalla kal hu vun grek ma Yerusalemma hu buu ma vi Lonnaɗi lay ni, an hin ŋgal kura vun grek namma ndaɗ hin ŋgal zigini suu jivi suu Yerusalemma ki lay, hin ka tew kiɗi lay.

JEREMI 42:21

An li dagi boy namma ki cecem may agi ka humugi del Yawe Looginaɗi. Agi ka hum dlara nam danda ay magira na ndeɗi lay.

EZEKIYEL 5:6

Cemi ni Yerusalem hin ci wayra u dlara an daɗta. Li dla cora su njaf suu may suu ɦawana, ŋgelen gaɗ manda su mbassa daŋga ŋguy kaɗta. Asi hinin dlara an daɗta kiyo, tuɗ ka u gaɗ manda ɗegeeɗi.

EZAYI 28:12

Nammi sa ma dasi ana, «Gola ni koɗ tara ɗaŋ, hin sa ma ki loɓina koɗ tamu, musukka cuk ga wa.» Na may asi ka min a humbi.

EZAYI 65:12

An may ni ndumugi halaŋŋi a ŋgaɗ kira, agi halaŋ hin goɓ vun givigi ga a ŋgaɗagi kira. An yagiya agi hum kaɗi, an njaɗ lay ni agi humun vunun kaɗi, agi li dlara ka irin jiviɗira, agi vi tagi ni eg dlara an ka miniɗɗira.

JEREMI 19:15

Na ɗaŋŋi Yawe, ma Saɓakŋa Kom Belna, Lona vi Israel ɓak anaba, an hin mbaa suuna ay kay ɦoŋzi namma, kay suu ŋguy kamma lay dla cora an min a laɗ egesira kay ana asi so delesi kiyo, ka min humun boy mannaɗi.

EZEKIYEL 14:5

Hoŋ diinda hin vi suu Israelna cocoo kay asi ɦuɗun ha ki egesi day ni u goɓpa asi goɓ fulinara.