ZAKARI 7:10 - Boy Lonana

¹⁰ Cara donora u goo ma kuyuna, sa mbay ŋgayrana u sa hawra yowosi tlegeyesiɗi, dukugi wanni sa dew lay saa a li dla co eg wayambi.»

ZAKARI 7:10 ပူးပေါင်းရင်းမြစ်များ

JEREMI 5:28

Ɗoori coco lay. Asi ti u dla cora ni asiya. Asi ka ŋga sa ɗegeena oloɗi, ka saa kay sa kuyunaɗi lay, dlaasira li kosi jiviya. Asi ka saa kay dlaŋ suu hahawraraɗi lay.

1 JAŊ 3:15

Suu halaŋ ana hurusi haɗ eg gorsesina na asi ni suu ci maɗna, agi wi ana sa ci maɗnana nam ka fi iirira daɓ kiɗiraɗi.

Magaara JAK Ɓiiriɗta 5:4

Suu li sunda hu sene magina agi min ka warakasi sunusi kiɗi. Agi humugi sek masira haa, suu feɗegi waagina vona tii masina kal hum Lona, Bu Suuna ma Saɓakŋa Kom Belna wa.

EZAYI 1:23

Muli maŋsina mbuɗ ni suu babalira, taɓ vunsi ni u suu kulna. Asi halaŋ minni tlesuu suuna ɦasisinana. Asi cuɗ ni sem li ma a fi warakŋa huna. Asi ka li kem suu kuyuna jiviɗi, ka hum tii ma vi boyogi suu dononaɗi lay.

SOOLLA 72:4

Ko nam li dlara jivira kay suu hoŋ yasi gana, nam lini a suu suɗ suu wihawra, nam ba suu las ndarayasina ki may.

SOOLLA 21:11

Aŋ hin gasi njafasi ki kay ndaŋgara halaŋ, aŋ hin bulumusi deeresi ki duk njaf suu hu duliyarana bel.

1 KORINTNA 6:10

suu kulna, suu ŋgiziɗ tlen vi suuna, suu guruɗ u summa, suu ŋgul ndarayasina, suu kaboyna, asi halaŋ ka fi Mul Lonaraɗi.

MATIYE 23:13

«Hahawra ka kagiya agi suu wi magaara gaɗta u suu Farisenna, agi ni suu mbambana, agi dug vun ziŋ Mulla Huulonara ki ii suuna. Agi tagira ka kal huɗi lay. Suu cuk huna agi ka hinisiɗi lay. [

MALASI 3:5

An hin ɦuɗ tan ha egegi a kaɓakŋa. An hin kaɓakŋa kay suu vi kumuna, kay suu li zoŋga, kay suu suu tasina, kay suu hoŋ til suu li sunda ki kaŋgana, kay sa kuyuna u cara donora, kay suu las suu ka hu njaf masinaɗina, suu ka lan ndaaranɗi layna, Yawe, ma Saɓakŋa Kom Belna, di na.

ZAKARI 8:17

Saaragi hurugi kurufu a lagi dla cora duk tagiɗi. Minigi suura bay uɗtaɗi kay tle asina halaŋ an ka minisiɗi. Yawe di na.

AMOS 4:1

Humugi boyna haa, dogoni mbutli suu Basanna, agi suu ti haɗna ay kay ɦinira Samarira doorogi suu maŋina kiyo, lasagi suu hawra lay, dagi malayagina ana, ɦal ay tlesuu cira.

EZEKIYEL 22:29

Suu hu ɦoŋzinna li dla cora, li dlara kulla lay. Asi yow tlesuu vi suu wihawra u suu hawra kiyo. Asi ɓaɗ tlesuu vi koyogi suu tuɗ kolona ki u saɓakŋa.

EZEKIYEL 22:12

Huruŋ olo ni suu daŋŋa vi warakŋa a tuɗ ci maɗna. Suu daŋŋa ka joɓ balna ko ndaryasina u mbona. Asi yow tlena ko ndarayasi suu vok zina u saɓkŋa. Asi ka ɦeɓesi kay a fi mbo ma bay umma. Humuŋ maa ki kan gaw may. Di ni Bu Suuna Yawe.

EZEKIYEL 22:7

Huruŋŋi sa ka hum vun bum u sum oloɗi. Asi las koyogi suu cuki dukusina cocoo. Huruŋŋi asi yow tlesuu vi gor suu kuyuna u boyogi suu doonora kiyo.

JEREMI 18:18

Asi di ana, «Tuɗuygi halaygi dlara eg Jeremi. Aygi hin faygi boy ma jivina fun muli suu li ɓivunna, faygi gaɗta fun suu wi yal dlara, faygi boyna fun suu jok vun Lona. Tuɗuygi ɓeŋeygina ki u boy ma cona, tiniygi yaygi kay boy mammaɗi.»

VUN ŊGOLNA 6:18

Huu ma saa dla mayra cora. Sem ma ɓaɗ a tuɗ li dla cora.

VUN ŊGOLNA 3:29

Tin huruŋ ki a li dla cora eg banaŋŋaɗi, nam ka kaki egeŋŋi saa mamba ay tini ni kaŋu.

SOOLLA 140:2

Ҥi, Yawe, suɗun ki ko suu cona, golon ko suu las suuna.

GA 8ATAMBARA 27:19

«Sa may ma li ii sa ma poy kolona, sa ma kuyuna, u cara donora kay vaammana sa namma ba ki wa. Suu halaŋŋa hoŋ dira ana, Amin.

KALKIRA 23:9

Aŋ las ŋgay ma cuki varaŋŋaɗi, agi lay wi dlara ŋgayra ki jiviya kay agi ay ki ŋgayra hu Egipte.

SOOLLA 36:4

Dlara kal ay ki funumba halaŋŋi ganyamba, nam maa ki kay a li dlara jivira.

JEREMI 7:6

Yowogi tlesuu vi sa mbay mbeera dukuginaɗi, sa kuyuna u cara donoraɗi. Voogi busu suu li va kaɗina ki kaŋga hu li nammaɗi. Kay hahaw magira liŋigi kay cee loogi suu daŋŋaɗi.

JEREMI 21:12

Suu vi Davidna, Yawe ɓak anaba, kaɓak ma ɗegeena maɗii hu buuna tew tew, buɗugi suu suu saɓakŋa lasasina kiyo. Li ka naɗi ni yaanda hin mba kagi ko ndal kura na. Ndaɗ hin ŋgal lina, sa ka ndak a caɗ kiɗi, ko dlaasira cora asi laɗta.

JEREMI 49:11

«Ndak haɗ huruk kay goryok suu kuyunaɗi, an hin wulusi ni anu. Boyogi mak suu hin ki donorana saa ni kan anu.»

EZEKIYEL 18:12

Nam li mbeleŋ ma yow begera vi suu wi hawra ki lay. Nam li dlara kulla lay, va ma nam deŋem ka balna nam ka hoŋommaɗi lay. Nam gol irimmi u fulina, li ni dla mayra cora tew tew.