ZAKARI 6:6 - Boy Lonana

⁶ Kulumi suu pupusna njuni kelesi tasi warna tuɗ hu mbassa mbayawra. Suu tasi haɓagina tuɗ ha kay ceeresiya. Suu tasi ndalina tuɗ ni hu mbassa dalira may.

ZAKARI 6:6 ပူးပေါင်းရင်းမြစ်များ

EZEKIYEL 1:4

Gola ni dlara an waɗta, babaa ma ŋgolna col ay ii mbayaw na, ɗugulla ŋgolla ay um may, ɗugulla yaɗ ki ŋguy u kura, duk gayra ni vana weleɗ ay hu cocora ko ndal kawi ma haɓma welera na.

JEREMI 51:48

Na ɗaŋŋi huulona, ndaŋgara u tlegesuu hurusina halaŋ hin gi soolla kay Babilon. Gasi daŋ may ay ii mbayawni suu duuna hin mbay kaɗu. Yawe di na.

JEREMI 6:1

Hinigi Yerusalem suu vi Benjaminna, halagi lii daŋŋa kagi a ŋgayra. Buugi tokolomma hu Tekoa, hu Bet-Kerem, takagi dlara, ay ii ko ma mbayawna na ɗow, hahawra ka mbaya, ni dla cora ŋgolla.

JEREMI 4:6

Yagi yira hahawra ha ii ko ma vi Siyonna na. Tuɗugi kak u ŋgusuna. Cologi duk hu voɗtaɗi. Ni hahawra an ka mbaaɗ ay ii ko ma mbayawnara ni dla cora ŋgolla.

DANYEL 11:40

«Hu li ma daɓpa wanni, mul ma dalina hin duu u namu, mul ma mbayawna hin sulul ha kam u pupus mamma, u suu mam suu duuna u kulumina u lumba ŋgolora bolow coco lay, nam hin tli mbassa, jak ta ta keŋ hiŋŋa.

JEREMI 25:9

An ɦal voɗta maŋ suu mbayawna halaŋ asi mbay kagiya. Yawena di na. An yi Nabukodonosor, mul ma Babilonna, saan ma sunda, an mbaasi ay kay mbas ndaɗta kay suu huruɗna kay njaf suu keŋesina halaŋ lay. An ɗogosiya an mbuɗusi ki a li ma suuna tii tii ma hahawra hurumma mbuɗum ki jo ma senena.

DANYEL 11:9

Nam hin kay mulla dalira hin hoŋ hu mbassamu.

JEREMI 46:10

Na may buu namma Bu Suuna Yawe, ma Saɓakŋa Kom Belna, ni buu ma sa sugulna, sa sugulum u suu mam suu babilira. Ŋgewra ci suuna, hoɓ ki u asiya, guruɗ ki u busuɗusi lay. Ni buu ma furira vi Bu Suuna Yawe, ma Saɓakŋa Kom Belna, hu mbassa mbayawnara fun mbo lumma Efratna.

WIRA ŊGAYRA 6:5

Goo Timiina haw vun tampoŋ ma hindina ki haw ni, an hum del va ma hindina duk tlesuu iirina di ana, «Mbaya.» An gol irinu ni wi kulum ma warna. Sa ma fuli kamma va ma ŋga nekka ka komu.

EZAYI 43:6

An di mbayawra ana, «Ҥansina aya,» di dalira ana, «Vasi haɗi.» Goryon suu ay ki hu mbassa dayra hoŋonsina aya, u goryon suu tamagina suu ay hu vun ndaŋgara dodora bel bel.

EZAYI 30:6

Gola ni dlara kay tlebagi suu dalina. Asi hin yow ay hu mbassa dalira na. Ay hu mbassa yoora u hahawra u mbassa haw yona dlona ma gi ŋgoɓpa, makira u dragoŋ ma pii kolona, kolo kay korra may, ka ŋgoo jamballa may. Asi mbay u ɦiz masira u bege masira may, kolo kay kora may, ka ŋgoo jamballa may, ni maŋ suu ka lasi vaɗina.