ZAKARI 6:13 - Boy Lonana

¹³ Sa ma min Ziŋ Yawera ni namu. Nammi sa mulla hin kak u namma, nam hin kak kay dlam mamba a ti mulla. Mul ma li ɓivunna hin kak kay dlam mamba may, asi u dlasi jak vunusi hin li ni dew kay dlara asi daɗta.

ZAKARI 6:13 ပူးပေါင်းရင်းမြစ်များ

SOOLLA 110:4

Yawe suu tam kiyo, nam ka hoŋ vunum daganɗi, «Aŋŋi a mul ŋgol ma li ɓivunna a fafaɗta, ni kay balam Melkisedek.»

HEBRENA 3:1

Kay ndaɗta agi gorsen suu vina suu Lona yagina, gologi Yesu, Lona sunum ay a mba li a mul ŋgol ma li ɓivunna kay vira ami ka ɓak kaɗta.

EZAYI 22:24

Suu vo taraŋ vi bumma halaŋ hin ɦam ŋgolla ni nam dew. Su ŋgolona u suu gorina halaŋ col ha kay gugunina ta ta doyogina lay ni um ga halaŋ halaŋ.

EZAYI 11:10

Hu buu namma ni mul ma wilina col ay hu njaf David ma goŋ Jesena hin col ki fok suuna a va ma suuna wam halaŋŋa. Njaf suuna halaŋ hin halamu, daŋ may mamba hin lini bibiŋilla.

EZAYI 9:6

Mul mamba hin li ha ni na din din heɓpa uɗ ka doɗira. Ni kay dlamba mulla vi David u mul mamba. Nam hin tin mulla coloɗ eŋŋe, ni kay gasira u ɗegeera col ha cemmi tuɗ ha na gak gak, saɓak ma vi Yawe, ma Saɓakŋa Kom Belna, hin li dla ndaɗta.

SOOLLA 21:5

Nam joɓoŋ kak ma iirina, aŋ ɦamma. Aŋ ɦam buu ma fiyek ma um ka doɗina.

WIRA ŊGAYRA 3:21

Suu col eŋ su kay ndaŋgarana an hin yowosi egenu kak u asi kay dlam manda mulla, ko an ti lay kak eg Buna kay dlam mamba mulla.

1 PIYER 3:22

Nam i kolo kaki kay bik ko Lona ma njufna. Nam kak mulna kay suu sunda huulona u suu ŋgolona u suu saɓakŋa ha kolo huulona.

HEBRENA 6:20

Ni li ma Yesu kal ha hu fokoygi jewna, ni maygiya. Nam mbuɗ ki mul ŋgol ma li ɓivunna a fafatɗa hu voɗta vi Melkisedek.

KOLOSNA 1:2

Maŋ suu vina vi Lona suu ka hu Kolosna asi ni gorseygi suu ɗegeena hu Kristu. Ko Buygi Lona ɦagi oora u heɓpa.

ROMMA 5:1

Aygi mbuɗ ɗegee ii Lona ni u vira, cecemi aygi faygi heɓpa u Lona ni kay Bu Suuna Yesu Kristu.

ZAKARI 6:11

Aŋ tli doonora u lor min jumba mulla, tiniɗ kay yam Josuwe, goŋ Yossadakŋa, mul ŋgol ma li ɓivunna.

ZAKARI 4:14

Nam dan ɗaŋŋi ana, «Ni suu wara suu mba' suu ŋgaɓasi ki a li sun mbulnana, suu col fok malaŋ ndaŋgarana halaŋ halaŋŋa.»

MISE 5:4

Nam kay tamba hin li ni a heɓpa. Hu li ma Asiri suu kay mbas maygira, hin tooygi ziygi kiyo, aygi hin sunuygi suu taa yoona kiɗisiya kamu, mulina kalavandi may.

JEREMI 23:6

Hu coki mamba ni Yuda ki suɗiya. Israel kak u heɓpa. Gola ni sem ma asi hinimma kamma, «Yawe ni ɗegee maygira.»

EZAYI 54:10

Lini ɦinira jok uɗ ki hin liiɗ ka lay, lini lii kolo mbuyna geŋeɗ lay, bana manda u agira ka jokgi. Galam manda vaɗ u agira ka bulum kiɗi. Galam manda an ɦagi heɓpara ka daɓ kiɗi. An daŋ boy namma ni an daŋ may, an Yawe hurun oy u mind tew tew.

URA TIN AYRA 14:18

Melkisedek mul ma Salemma mbay u komnjoɗira u summa may, nam ay ni mul ma li ɓivunna vi Lo ma Kolona.

SOOLLA 110:1

Soolla vi David. Yawe di Bu Suuna manna ana, «Kak hu bik kon ma njufna, an cukuŋ suu babali maŋsina ki uŋ ga a gu ma aŋ tin seŋ kamma.»

EZAYI 9:7

Bu Suuna kaɓakŋa kay njaf suu vi Yakobma, ɓak namma ndi ni kay suu Israelna.

JEREMI 23:5

Buuna hin mbaa, Yawe di na, ma an hin ɦal goona hu njafna vi Davidna. Nam hin ti mulla u saɓakŋa. Nam hin njun kay ma ɗegeena u ma jivina hu mbassa.

JEREMI 33:15

Hu coki ndaɗta hu li namma gaw may ni, an hin wul gogor gu ma ɗegee ma vi Davidna, ma hin njun kay ma ɗegeena u jivira hu mbassa.

ZAKARI 4:9

Zorobabel gi u zi ndaɗta kaŋga u kommi namu, kom hin daɓaɗ sunuɗ ki ni nam lay, agi hin wi ki ana Yawe, ma Saɓakŋa Kom Belna, sunun ay egegi ni namu.

2 SAMUEL 7:13

Nammi sa ma hin min zira u senna. An hin wulum mul mamba kolo a fafaɗta.

SOOLLA 21:4

Aŋ ɦam heɓpa, paɗ vunuŋ ki kamu, aŋ kuluɓum jum lorra kamu.

EZAYI 9:5

Kay vuɗuygi gogoo maa ka dew. Goona ka dew ɦaygina aya, Lomoro ta mulla ay ɓali bikimu. Suuna hin njaɗ ha ki kay semu. «Ma jivi cocona, ma haɗ suuna, Lo ma saɓakŋa, Buy ma din dinna, mul ma heɓpa.»