ZAKARI 6:12 - Boy Lonana

¹² Aŋ hin dam ko wanda na, Yawe, ma saɓakŋa kom belna, di ana, Gola ni sa sem ana gogorguna na tlena halaŋ hin day kaŋga u semu. Nammi sa hin min ziŋ Yawera.

ZAKARI 6:12 ပူးပေါင်းရင်းမြစ်များ

ZAKARI 3:8

Hum haa, Josuwe, mul ŋgol ma li ɓivunna, aŋ u ndaryaŋ suu ka moli fokoŋŋa, suu asina ni va ma takka, An ka hoŋ saan ma sunda aya ma yam ana, gogor guna na.

JEREMI 33:15

Hu coki ndaɗta hu li namma gaw may ni, an hin wul gogor gu ma ɗegee ma vi Davidna, ma hin njun kay ma ɗegeena u jivira hu mbassa.

JEREMI 23:5

Buuna hin mbaa, Yawe di na, ma an hin ɦal goona hu njafna vi Davidna. Nam hin ti mulla u saɓakŋa. Nam hin njun kay ma ɗegeena u ma jivina hu mbassa.

EZAYI 11:1

Na may ko sari gu ma ay gana na, mul ma daŋŋa col ay hu njaf Jese.

EZAYI 4:2

Hu li namma ni Yawe hin day ii ŋgusna koloo, humum ɗuf lay. Ŋgus namma suuna hin ŋgaam cocoo, vuɗ dlara hu mbas ndaɗtara hin li ni furira u ayra maŋ u suu Israel suu hin ndena.

EZAYI 53:2

Sa sunda wul fok Bu Suuna ni ko gu ma saariyam kal hu li ma bay yona na. Nam ka gol jiviɗi lay, va ma bibiŋil ka egembi lay. Suuna golom na ni taɗ yasi kiyo, va ma ii sa jivi ka egembi lay.

SUNDA 17:31

Nam mba buu ma dew a kaɓakŋa kay suuna u ɗegeera ni u sa ma dew ma nam ŋgaɓamma. Nam tuk dla ndaɗta u colla nam colom kolo hu miɗna iirira.»

HEBRENA 8:3

Mul ŋgol ma li ɓivunna ni kay a mbaa ɦala u tlesuu li ɓivunna maŋ Lona. Mul ŋgol maygi ma li ɓivunna lini nanagelay ni va ma nam a mbaaram fok Lona ka may.

HEBRENA 7:24

Yesu kak iiri a fafatɗa, sun mamba mul ma li ɓivunna, ka jok maŋ sa ma daŋgi.

HEBRENA 7:4

Gologi ŋgol mamba gige? Abraham buy ŋgolo ɦam yam tlesuu nam fasi ay hu duunana bel bel.

1 KORINTNA 3:9

Ami ni suu li sunda ko tami u Lona, agi ni senena vi Lona. Zii minina vi Lona may.

SUNDA 13:38

Gorsenna agi wi ki jivi ana bulumba bulum cora faɗ ni u Yesu, ni va ma di ki fok jewna. Gegelay ma vina buɗ ki hu co mamba wa, gaɗta vi Moizza ndak ka a buɗ sa kiɗi.

Boy Ma Ayra Ma JAŊ Ɓiirimma 1:45

Ŋgoo daganda Filip ŋgaf u Natanael dam ana, «Sa Moiz u suu jok vun Lona di kamma ami fam wa. Ni Yesu goŋ Yosef ma Nazaretna.»

Boy Ma Ayra Ma LUK Ɓiirimma 1:78

Lona u min mamba hin kiɗik mamba weleɗ kaygi ko faɗta na.

MARK 15:39

Mul asgaana coli fokom na kay wi ana nam bay bay ni, miɗ gaw, nam di ana, «Sa namma gasi ni Goŋ Lonna.»

MARK 15:29

Suu jak keŋ voɗ ndaɗtana panam, kisik yasi um ana, «Waw! Waw! Aŋ sa ma ana to Ziŋ Lonara ki to ni, miniɗ hu buuna hindina,

MARK 14:58

«Ami hum nam di ana, Ziŋ Lonara ta suuna miniɗ u kosira an hin tooɗ kiyo. An hin min mayra ko sa ka egeɗ ɗira, hu buuna hindi.»

MATIYE 26:61

di ana, «Sa namma di ana nam ndak to Ziŋ Lonara ki to ni, miniɗ ki kolo hu buu ma hindina.»

MATIYE 16:18

An daŋ ana aŋŋi Ҥinira, ɦini ndaɗta an min zinda kaɗu. Saɓak Maɗna lay ni ka ndak a laɗ va egeɗɗi.

ZAKARI 13:7

Ŋgewra col ki kolo kay saan ma taa yoona, kay sa tuɗ u an ma jivi cocona, Yawe, ma Saɓakŋa Kom Belna, di na. Waɗ sa taa yoona, timigiina hin njay kiyo, kon hin hoŋ waɗ suu gorina lay.

ZAKARI 8:9

Yawe, ma Saɓakŋa Kom Belna, ɓak ana, Soogi ugiya, agi suu hum boy ma suu jok vun Lona damma. Hu buu ma hin gi u zira vi Yawe kaŋga a hoŋoɗ mindana.

MISE 5:5

Asi hin taa yoorina kay mbassa Asiri u ŋgewegina, kay mbassa Nemrodta u ŋgewegina lay. Nam tamba may ni buɗuygi ay ki ko Asiri hu li ma nam suu ay kay mbas maygira hin tooygi ii haka maygira kina.

EZDRAS 3:10

Na ɗaŋŋi suu minda gi u Ziŋ Yawera kaŋga, hu li ma asi ka tin suu li ɓivunna u baraw masira egesiya, bu tokolomma lay, tin goryoŋ Azaf bu darina usi lay, a asi ŋga Yawe u gaɗta David mul ma Israelna ɦaɗta.

EZDRAS 3:8

Olo, hu basara mbara hu mbaasira hu Ziŋ Lonara hu Yerusalem hu til ma mbana, Zorobabel ma goŋ Salatiyelna u Josuwe ma goŋ Yosadakŋa u gorsesi suu usi hinna, u muli suu li ɓivunna u suu Levina u suu hoŋ ay ki hu mbaɓura Yerusalemma gijaŋ tin suu Levi suu basaɗasi su ki kay dok-mbarana a tuɗ li sun Ziŋ Yawera.

HEBRENA 10:12

Kristu li ɓivunna sem dew kay cora. Ni ɓivun ma dlaamba tuɗ ha fok na gak gakŋa ŋgoo dagan nam kak hu bik ko Lona ma njufna.

Boy Ma Ayra Ma JAŊ Ɓiirimma 19:5

Yesu kal ay ki buru u jumba mulla wayara kamu u baraw ŋgol ma tlawna cuki egem may. Pilat dasi ana, «Gola ni namu.»

EZEKIYEL 37:25

Asi hin lakŋi hu mbassa an ɦaɗ maŋ saan ma sunda Yakobpa. Mbassa somoyogi ay jew cuki hura. Asi hin cuk huruɗ ni asiya. Goryosiya u goryoŋ goryosina lay lak huruɗ a fafaɗta. Saan ma sunda David hinni mul masina a fafaɗta may.

AMOS 9:11

Hu buu namma ni an hin tli yam zira vi Davidta bowira kiyo, an hin miniɗ iriɗ ma bow kina lay. Min tlesuu ɓeŋ kina lay, an hin hoŋoɗ minda ko ndal ndaɗ ay jewra na.

2 SAMUEL 7:13

Nammi sa ma hin min zira u senna. An hin wulum mul mamba kolo a fafaɗta.

EZEKIYEL 41:1

Sana hin kalan ha ki kalafi hu zira ŋgolla hu Ziŋ Lonara. Nam ŋgaɗu. Gulumun ma keŋ li ma tuɗ ha kalafina bubuum meter hindi.