ZAKARI 3:9 - Boy Lonana

⁹ Gasi gologi gogoyra an haɗ maŋ Josuwe wanna. Iira tini kay gogoy ta dew ndaɗta na kiɗisiya. An tanda hin tiniɗ ndalaɗu. Yawe, ma Saɓakŋa Kom Belna, di na, an hin bulum suluk ma hu mbas ndaɗtana ki hu buu ma dewna.

ZAKARI 3:9 ပူးပေါင်းရင်းမြစ်များ

JEREMI 50:20

Hu li namma na ni, Yawe ɓak hu li namma na gaw ana, Asi hin hal u dla cora Israel laɗta may, ndaɗ hin viɗ kiyo. Dla cora Yuda laɗta lay ndaɗ hin viɗ ki may, ka faɗ oloɗi. An hin heɓ hurun ki eg suu an hinisi iirina.

WIRA ŊGAYRA 5:6

An wi Goo Timiina dew coli kolo duk dlamba mulla, tlesuu iiri suu fiɗina u suu ŋgolona ki ŋguy kamu. Nam gol ko ay ki jew miɗi na. Mekem kiɗisiya irim kiɗisiya lay, asi kiɗisiya ni Musuk Lonara sunusi ay ki kaŋga kay ndaŋgara halaŋ.

EZAYI 28:16

Na may Bu Suuna Yawe di ana, gola an gi ɦini ma tuk suuna belna ka hu Siyon. Ni ɦini ma gi u zina kamma, ɦini ma jivi ɦayna. Sa ma tin hurum kamma ka mbuɗ zoloɗi.

SOOLLA 118:22

Ҥinira suu min goŋga noyoɗ ki kaŋgara, hin mbuɗ a jiv goŋga ki ni ndaɗu.

ROMMA 9:33

Ɓiira di ana, «Gologi an tin hu Siyon ɦini ma daɓ semma ni ɦini ma ndi sana kaŋgana sa tin hurum kamma ka mbuɗ ki zoloɗi.»

JEREMI 31:34

Asi hin ka haɗ tasi u banayasina oloɗi, duk tasira wayaraɗi lay, ka hoŋoɗ ndumba ana, «Halagi yal ma wi Yawena», kay ana asi hin wan ki halaŋ halaŋ, kem gorira u suu ŋgolona. Yawe di na. An bulumusi dla coosira kiyo, suluk masina, an hin ka ɓak kasi oloɗi.

HEBRENA 7:27

Nam ka ko muli suu li ɓivun suu hiŋŋa naɗi, nam ka li ɓivunna hu buuna tew tew kay coomba, ŋgoo dagan li ma vi suuna na tuwara naɗi. Hu li ma nam ɦal tamma ni nam li ɓivunna sem dew, ni daɓi halaŋ gaw.

2 TIMOTE 2:19

Ni kay ndaɗta u zira Lona gaɗ namba coli jiviya, boy ma fok namma ni «Bu Suuna wi suu mamma, suu di ana asi ni vi Bu Suuna na halaŋ noy cora kiyo.»

2 KORINTNA 1:22

Nammi sa ma ɓiiriygi u semma, vo Musuk mamba huruygiya kay tak ki jivira nam ka ŋgomoɗ kaygira.

1 JAŊ 2:2

Kay me Yesu ni sa ma ɦal tam ki ana cooygira daɓ kiyo na ka co maygi aygira doy holɗi, ni cora vi suu warna halaŋ.

2 KORINTNA 3:3

Ki gasi ana agi ni magaara Kristu ɓiiriɗ fokomira ki mami lay. Ndaɗ ay ɓiiri ka u va ma sa ɓii magaa u nambi, ay ɓiiri ni u Musukka vi Lona ma iirina, ndaɗ ay ka ɓiiri hu ɦinira beɗiraɗi, ay ɓiiri duk tliw sana hurugiya.

SUNDA 4:11

Yesu ni sa ma magaara di kam ana, Ҥinira agi suu min zira noyoɗ kira mbuɗ a ɦinira garaŋga ni ndaɗu.

Boy Ma Ayra Ma JAŊ Ɓiirimma 6:27

Lagi sunda kay fu ma ɓeŋ ki ɦawanaɗi, lagira ni kay fu ma kak iiri gak gak ɦagi iirirana. Fu namma Goŋ Sanna hin ɦagina ni namu, kayme Bum Lona ɦam saɓak namma ni hu duk kom halaŋ.»

Boy Ma Ayra Ma JAŊ Ɓiirimma 1:29

Faɗta vinda wanni, Jaŋ wi Yesu mbay egemu, nam di ana, «Gola ni Goo Timiina vi Lona ma daɓ cora vi suuna kina.

ZAKARI 13:1

Hu buu namma ni mbona hin ɓaɗ hu ziŋ Davidna, suu Yerusalemma a fi kumuna kay sulukŋa u dla cora.

ZAKARI 3:4

Sa sunda huulona hoŋ dira maŋ suu coli fokomma ana, «Fokom barawi suu zozod suu egemma kiyo.» Nam hin di Josuwe ana, «Gola an yowoŋ cooŋga ki wa, hin cukuŋ egeŋŋi baraw ma luuna.»

2 DLAŊ MULINARA 16:9

Yawe ka gol yam ndaŋgara ki ni halaŋ a njun u suu hin tasi komma suu minim u hurusi belna. Dlara wanda aŋ laɗ ni ko sa ma ka wi vaɗina na, hin fok wanda aŋ ha ni eg duuna na gak gak.»

KALKIRA 28:36

Aŋ yoo lorra ko ɓo tlena na, aŋ ɓii kaɗ ko ndal tampoŋŋa na, «TETE ƊTA MAŊ YAWE».

KALKIRA 28:21

Ҥinira li ni kay ndum suu Israelna, ndaɗ li ni doogo yam mba' ko sesi na may. Ndaɗ hin ɓiiri ni ko tampoŋŋa na, taaragelay ni u seɗu kay ana njaf suuna ni doogo yam mba'.

KALKIRA 28:11

Aŋ ɓii sem suu Israelna hu ɦinira mba' ndaɗta ni u yal ma vi suu wi sun ɦinira ni ko ndal tampoŋŋa na. Aŋ ŋguyuɗ yaɗ ki u lorra na cutl, laɗ taɗ halaŋ ki u lorra lay.

SOOLLA 103:12

Ko u maɗiina ha ki day eg u fiɗigina, nam cukuygi cooygira ha ki egeygi day ni na may.

1 MULINA 1:20

Aŋ may ni sa ŋgol manna, suu Israelna halaŋ irisi ka cuki ni kaŋu, a aŋ takasi sa ma hin kak ka hu dlamba mulla vi sa ŋgol manna ŋgorom daganna.