ZAKARI 3:8 - Boy Lonana

⁸ Hum haa, Josuwe, mul ŋgol ma li ɓivunna, aŋ u ndaryaŋ suu ka moli fokoŋŋa, suu asina ni va ma takka, An ka hoŋ saan ma sunda aya ma yam ana, gogor guna na.

ZAKARI 3:8 ပူးပေါင်းရင်းမြစ်များ

SOOLLA 71:7

Dlara mbuɗ mbuɗta fan cocoo, aŋ dew ni sa ma an ŋgay tan egeŋŋa.

EZAYI 11:1

Na may ko sari gu ma ay gana na, mul ma daŋŋa col ay hu njaf Jese.

EZAYI 20:3

Yawe di ana, «Saan ma sunda Ezayi tuɗ ki siiliya, tuɓuru ka sembi lay, basara ki ca ni hindi. Ni dla mayra tak ki kay suu Egiptena u suu Etiyopinara.

EZAYI 4:2

Hu li namma ni Yawe hin day ii ŋgusna koloo, humum ɗuf lay. Ŋgus namma suuna hin ŋgaam cocoo, vuɗ dlara hu mbas ndaɗtara hin li ni furira u ayra maŋ u suu Israel suu hin ndena.

EZAYI 42:1

Bu Suuna di ana, Gola ni saan ma sunda ma an minimma, saan ma an manama ma an furiyumma, an gi Musuk manda kamu, nam hin tak ɓak ma vi njaf suunana ki halaŋ.

EZAYI 49:3

Nam dan ana, «Aŋ Israel saan ma sunda, an hin tak bibiŋil manda ki ni u aŋu.»

EZAYI 49:5

Cemi ni Yawe ɓak wa, nammi sa ma minin ay huu sun dayna, mbuɗun ki a sa sunumma, kay a hoŋom njaf suu vi Yakobma ay egemu, kay a taɓ yam suu Israelna kay tasi u mamu. Cemi ni an mbuɗ ni sa ma ii Bu Suna jivina. Saɓak manna ni nam Lona.

EZAYI 52:13

Bu Suuna di ana, saan ma sunda suuna hin ŋgaamu, dlara nam a laɗta nam hin faɗu.

EZAYI 53:11

Iiri mamba las cocoo, kay ndaɗta nam hin furi su olo, nam hin wi ki ana nam las kini ɦawaa. Nammi saan ma sun ma gasina, nam yow dla cora vi suu daŋŋa ki bolowo, kay ndaɗta nam ka ziirisi dlaasira.

EZAYI 53:2

Sa sunda wul fok Bu Suuna ni ko gu ma saariyam kal hu li ma bay yona na. Nam ka gol jiviɗi lay, va ma bibiŋil ka egembi lay. Suuna golom na ni taɗ yasi kiyo, va ma ii sa jivi ka egembi lay.

EZAYI 8:18

Anu, u gor suu Yawe ɦansinana, ami ni a suu tak ki kay dlara duk suu Israelna. Ni u sem Yawe, ma Saɓakŋa Kom Belna, ma ka kaki kay yam ɦinira Siyonna.

JEREMI 23:5

Buuna hin mbaa, Yawe di na, ma an hin ɦal goona hu njafna vi Davidna. Nam hin ti mulla u saɓakŋa. Nam hin njun kay ma ɗegeena u ma jivina hu mbassa.

JEREMI 33:15

Hu coki ndaɗta hu li namma gaw may ni, an hin wul gogor gu ma ɗegee ma vi Davidna, ma hin njun kay ma ɗegeena u jivira hu mbassa.

EZEKIYEL 12:11

Aŋ dasi ana, anni a va ma hin a kaagi ɓakŋa kagina, ko an li wanda na, dla ndaɗta hin nda lasi ni na may. Asi hin tuɗ ki ŋgayra hu li ma daŋŋa may.

EZEKIYEL 12:6

Aŋ tli tlegeyeŋ kaŋŋi irisi halaŋ, aŋ kalasi ay ki duk ndufunda, aŋ baa iriŋ kiyo, kay a iriŋ wi mbas ndaɗta oloɗi, kay an mbuɗuŋŋi a sa ma an kaɓakŋa kay suu Israelna u aŋŋa.»

EZEKIYEL 24:24

«Ezekiyel ni a sa ma takagi yalna ki fokŋa gaw. Dlara nam laɗta agi hin li ni na may. Hu li ma dla ndaɗta mba kagina, agi hin wi ki ana anni Bu Suuna, Yawe.

EZEKIYEL 34:29

An hin jivisi tlena hu sene masina cocoo, mayra ka a casi a viɗisi ki ɦoŋzina oloɗi lay. Njaf suu daŋ suu mba a lasi dlara zolo egesi ka oloɗi.

EZEKIYEL 37:24

Saan ma sunda David hin ti mulla kasiya. Asi hin tuɗ ni u neey manda. Asi hum u gaɗ manda li uɗ lay.

ZAKARI 6:12

Aŋ hin dam ko wanda na, Yawe, ma saɓakŋa kom belna, di ana, Gola ni sa sem ana gogorguna na tlena halaŋ hin day kaŋga u semu. Nammi sa hin min ziŋ Yawera.

Boy Ma Ayra Ma LUK Ɓiirimma 1:78

Lona u min mamba hin kiɗik mamba weleɗ kaygi ko faɗta na.