ZAKARI 3:4 - Boy Lonana

⁴ Sa sunda huulona hoŋ dira maŋ suu coli fokomma ana, «Fokom barawi suu zozod suu egemma kiyo.» Nam hin di Josuwe ana, «Gola an yowoŋ cooŋga ki wa, hin cukuŋ egeŋŋi baraw ma luuna.»

ZAKARI 3:4 ပူးပေါင်းရင်းမြစ်များ

2 SAMUEL 12:13

David di Natan ɗaŋŋi ana, «An li sulukŋa eg Yawe.» Natan di David ana, «Yawe u saa mamba bulumuŋ suluk maŋŋa ki wa. Aŋ hin ka miɗɗi.

1 MULINA 22:19

Mise hoŋ di hu olo ana, «Jiviya, aŋ hum boy ma Yawe damma haa. An wi Yawe kaki kay dlam mamba. Suu duu suu huulonana coli kolo u sesi egemu, kay bikim njuf may, bik gulu may.

SOOLLA 51:9

Mbusun coonda ki u conora, an hin mbuɗ ki teteɗ, mbusun kiyo an hin mbuɗ ki haɓ su baraw haɓma.

EZAYI 43:25

Anu, an bulumugi coogira ki wa, an ka saa kay suluk magina oloɗi.

EZAYI 44:22

An bulumuŋ cooŋga ki ko ɗugulla valaw kira na. An bulumugi suluk magina ki ko kuɗna valaw kira na. Hoŋ ay egenu, an suɗuŋ ki wa.

EZAYI 52:1

Dliɗ ki koloo Yerusalem, cuk saɓak maŋŋa egeŋu. Cuk baraw maŋ ma dlam ŋgolna egeŋu, Yerusalem ɦoŋzi ma teteɗna, kay hin ha fokka ni suu bay caw ɗiwisina u suu ka wi Lonɗina ka fi va huruŋ oloɗi.

EZAYI 61:10

Yerusalem ŋga Lona di ana, an furi cocoo, furi coco ni kay Yawe, iri manda furi coco kay Loonna, kay nam cukun baraw ma suɗta egenu, nam kalan hu baraw ŋgol ma kaɓakŋa, ko ndal goora min taɗ a hal njufna, ɗowba mul ma li ɓivunna tin jumba jivira kamba na, ko goora hal a i njufna min taɗ ki jivira na.

EZAYI 61:3

A ɦal jumba furira maŋ suu hu Siyon suu ka yoona, kay balam buɗ masina. Ҥasi mbul ma his jivina, ka yoora oloɗi. Cukusi baraw ma ŋga tara, ka baraw bolna oloɗi. Asi hin yasi ana, ɦoy ma suuna ŋga Lona u namma, sene ma vi Yawena, ma suuna ŋgaam u namma.

JEREMI 52:33

Nam fokom barawi mam suu daŋgayna kiyo, Joakim hin ti funa tew tew ni kay tabulla ko tam u mulna hu buuna tew tew.

EZEKIYEL 36:25

An hin yorokogi yo ma teteɗna kagiya. Agi hin mbuɗ ki teteɗ. An hin mbusugi ki ko dlaagira njenjera halaŋ, ko ɓivun ma agi goɓ fulinana lay.

EZEKIYEL 42:14

Olo ni, muli suu li ŋivunna suu tuɗ ay kalafi hu Ziŋ Lonara cuk ay ki kiɗikŋi ka tuɗ duk suuna gawɗi. Asi tuɗ ni hu zigini asina tuɗ fok baraw ma asi cukum ha egesi a sun Yawena kiyo, cuk masina egesi ca ni hin tuɗ ha ki duk suu molina ni na tuwa.»

MISE 7:18

Hin ŋgaaŋŋi u Lo manage, aŋ ma bulum cora vi suuna kina, aŋ ma ka caa yaŋ kay yaraɗi lay na. Kay minda vi tlesuu hinna, jooŋŋa ka a mbuɗ co u yaaŋgaɗi, kay ana aŋ min a lami ni jivira egemiya.

MISE 7:19

Nam hin laygi jivi mamba egeygi hu olo, nam hin tayaygi co maygira ki kaŋga u semu. Aŋ hin cukusi coosira halaŋ ha ki duk mbo lum ma ŋgolna.

ZAKARI 3:1

Yawe takan mul ŋgol ma li ɓivunna, Josuwe, coli fok sa sunda vi Yawe. Satanna may ni coli kay bikim ma njufna a kaam boyna egemba.

ZAKARI 3:7

«Yawe, ma Saɓakŋa Kom Belna, di ana, Lini aŋ tuɗ hu voɗ manda, lini aŋ li u gaɗ manda, aŋ taŋga hin ti mulla kay ziinna aŋ hin golon huu taraŋ ziinna, an hin kakaŋ ki duk suu ki coli tani wanna.»

ZAKARI 3:9

Gasi gologi gogoyra an haɗ maŋ Josuwe wanna. Iira tini kay gogoy ta dew ndaɗta na kiɗisiya. An tanda hin tiniɗ ndalaɗu. Yawe, ma Saɓakŋa Kom Belna, di na, an hin bulum suluk ma hu mbas ndaɗtana ki hu buu ma dewna.

MATIYE 22:11

«Mulna kal ay ki hu taraŋga a gol suu nam yasina wanni, kaf sa hiŋŋa ay duku ni, baraw ma luuna ka tambi.

Boy Ma Ayra Ma LUK Ɓiirimma 1:19

Sa sunda huulona dam ana, «Ni an Gabriel ma col ay fok Lona a lam sun mambana. Nam gan ay ni a daŋ Boy ma Ayra kiyo.

Boy Ma Ayra Ma LUK Ɓiirimma 15:22

Bum di maŋ suu lam sun mamba ana, Yowogi baraw ma jivina ay toŋgo zak. Cukumma tamu, kalam walakka kay komu, cukum tuɓuruna sem may.

Boy Ma Ayra Ma JAŊ Ɓiirimma 1:29

Faɗta vinda wanni, Jaŋ wi Yesu mbay egemu, nam di ana, «Gola ni Goo Timiina vi Lona ma daɓ cora vi suuna kina.

ROMMA 3:22

Lona min mbuɗ suuna ɗegee u hurusi ma tini kay Yesu Kristuna, nam lini kay suu tin hurusi kay Kristuna halaŋ, nam ka ɓorow ii suunaɗi.

ROMMA 6:23

Warak ma cora ɦamma ni miɗna, ɦala ɦawara vi Lona ni iirira bay daɓpa, taɓi u Bu Suuna mayna Yesu Kristu.

1 KORINTNA 6:11

Suu ɦiw ay dukugi ko ndaɗta na. Coosira mbus ki wa, agi hin tagi kini maŋ Lona, agi mbuɗ ki cecemi ɗegee fok Lona u sem Yesu Kristu, u Musuk Lonara.

2 KORINTNA 5:21

Kristu coomba kaɗi Lona mbuɗum ki sa ma li dlara cora kay cooygira kay aygi mbuɗ ki suu ɗegeena fokom nam Lona.

KOLOSNA 3:10

Kay mege agi cukugi sa ma wilina ki kagi wa, sa ma wilina mbuɗ ha fok wili na tew tew tli tam ko Lona ma minimma na, gak gak nam wi Lona ki gasi.

HEBRENA 8:12

An hin bulumusi coosira kiyo, humun hin ka a gan kay coosira oloɗi.»

WIRA ŊGAYRA 5:11

An gol irinu, hum del sunda huulona ŋgolo, asi ay goy bup bup ŋgolo. Asi ŋguy kay dlamba mulla, tlesuu iirina u suu ŋgolona.

WIRA ŊGAYRA 7:14

An hoŋom dira ana, «Aŋ wasi ni aŋgi su, Bu Suuna manna.» Nam dan ɗaŋŋi ana, «Ni suu cuk ay ki hu lassa ŋgolona. Asi mbus baraw masira ŋgolla kiyo, ndaɗ mbus ki haɓpa ni u busuna vi Goo Timiina.