ZAKARI 2:9 - Boy Lonana

⁹ Yawe di ana, an tanda may ni an hin kakŋi huwa. An hin li kaɗ ni ko ndal gulumun maɗna na u kura, an hin li a saɓak ma huruɗna ni anu.»

ZAKARI 2:9 ပူးပေါင်းရင်းမြစ်များ

EZAYI 19:16

Hu buu namma ni suu Egiptena mbuɗ ki ni ko boyogina na, dlak ndaana hu li ma asi wi ko Yawe ka geŋeɗna, ma Saɓakŋa Kom Belna hin col kolo duu u asiya.

ZAKARI 6:15

Suu ay ki keŋ day dayna hin mbay li sunda hu ziŋ Yawera. Agi hin wi ki ana, Yawe, ma Saɓakŋa Kom Belna, sunun ay egegi ni namu. Dla ndaɗta hin mba li ni agi humugi vun Yawe Loogina.

ZAKARI 4:9

Zorobabel gi u zi ndaɗta kaŋga u kommi namu, kom hin daɓaɗ sunuɗ ki ni nam lay, agi hin wi ki ana Yawe, ma Saɓakŋa Kom Belna, sunun ay egegi ni namu.

EZEKIYEL 39:10

Asi ka a tuɗ njun gu oloɗi lay, ka ka gu ma kaŋga oloɗi lay. Asi ŋgal kura ni u tlesuu duu asina na go go. Asi hin las suu may suu lasasina, hin ɦurum suu may suu ɦurumusi kina may. Di ni Bu Suuna, Yawe.

EZAYI 14:2

Suu daŋŋa ŋgolo hin vasiya, mba tinisi ki hu mbas masira. Kay yam ndaŋgara vi Yawera suu Israelna hin ɓorowoɗ kosiya, suu may suu asi ay varsi ŋgayrana, asi hin cukusi ki fokosi a mborɓii masisina, asi hin mbuɗ a ŋgolora kay suu lasasi ayna.

EZAYI 11:15

Yawe hin so mbo lum ma Egiptena kiyo, nam hin maɗ kom kay mbo lum ma Eufratna, ni u semeɗ ma cuk ay ki funumma. Nam hin ɓorowosina irim ki zeɗ zeɗ kiɗisiya. Suuna hin tuɗ hu lumma ni u sesi ɦawaa.

Boy Ma Ayra Ma JAŊ Ɓiirimma 16:4

An dagi boy namma na ni a buu masi namma ndak wa a asi li dla ndaɗta ni, agi wi kagi ana an dagi ki fok jewe.» «An dagi tle asina ay ka jewɗi ni kayra an ka u agira.

Boy Ma Ayra Ma JAŊ Ɓiirimma 13:19

Cecemmi, an dagi dla ndaɗta ha ki fok jew bay ndaɗ mbaa, dla ndaɗta mba wa ni, agi vi hurugi ana, Anu, an kaa.

ZAKARI 2:8

Nam dam ana, «Liŋa, ɓak ha maŋ goozoŋ ma ha wanna dam ana, Yerusalem hin hinni a ɦoŋzi ma ki malina, kay suu bolowna u mbuuri suu bolow suu ka huruɗna.

SOFONI 2:9

Ni kay ndaɗta Yawe, ma Saɓakŋa Kom Belna, Lona vi Israel suu tam u iiri mamba ana, Moab hin mbuɗ ki ko Sodom na, goryoŋ Amonna ko Gomor na. Asi hin mbuɗ ki ni sene ma wayra, mbuɗ ki ni li ma vuvuna, ndaŋgara bulumuɗ ki a fafaɗtara. Suu mansina usira hinda hin ɦurumusi tlegeyesiya, suu man suu hinna hin kak hu mbas ndaɗta.

HABAKUK 2:17

Gasi saɓak ma aŋ lam ay hu Libanna pereɗ kaŋ wa, mbuuri suu ɓeŋ tlegena kina hin casi kiyo kay busu suuna, kay dla cora laɗ hu mbassara, hu zi ma ŋgolna u suu ɦurumma halaŋ.

HABAKUK 2:8

Ko aŋ ɦurum suuna bolowra na, njaf suu hinna halaŋ hin ɦurumuŋu, kay busu ma vi suunana kay saɓak ma aŋ lam kay mbassana, hu zi ma ŋgolna u suu ɦurumma halaŋ.

JEREMI 28:9

Na may ni lini sa jok vun Lona ɓak kay heɓpa, ni hu li ma dlaamba tak taɗ kina, suuna hin wi ki ana gasi sa jok vun Lona namma sunum ay ni Yawe.»

JEREMI 27:7

Njaf suuna halaŋ hin sunumu, nam tamba lay, goromma lay, gorom ŋgolona lay. Kam nam tamba may ɗaŋŋi lina hin mba kamu, suu bolowna u muli suu saɓakŋa hin lasamu.

EZAYI 33:23

Zew maŋŋa buɗ ki kolo wa, ka njuni ga oloɗi. Sa ka hinisi a tak dlara duu oloɗi lay. Suuna hin ɓorow tlesuu yowosi hu jonana kosi cocoo. Suu dalira lay hin yow tlena coco lay.

EZAYI 33:1

Hahawra ka kaŋ aŋ sa ma ɓalak tlena kina, ma sa ɓalakaŋ aŋ taŋga ka ki ɗewɗina. Aŋ sa ma kaf dlara ha kay suuna sa kafaŋ taa ka kaŋ ɗewɗina. Hu li ma aŋ hin ɓalakka ɓalak tlenara wa ni aŋ taŋga hin ɓeŋ ki may. Aŋ hin kaffa kaf suuna u dlara wa ni taŋga asi hin kafaŋ u dlara ni na may.

EZAYI 13:2

Kolo kay ɦinira yaɗ ki ɦawara tak dlara ay ki huwa, saagi walla koloo, kisigigi kogiya, kay a suu duuna ɦuɗ tasi ay vun grekŋa vi suu ŋgolona.

EZAYI 10:32

Hu buu namma gawni, asi tew ki hu Nob, asi ka yorok kosi kay ɦinira Siyonda, kay zi ma Yerusalemma may.

EZAYI 48:16

Ҥuɗugi tagi ay egenu, humugi haa, ay hu gijaŋŋa day an di dla taa ka ki ŋgay gumunɗi. Hu cokira dla ndaɗta lira ni an kaa. Cemi ni Bu Suuna Yawe, sunun ay u Musuk mamba.

ZAKARI 2:11

Tuɗuygiya, Siyon, pii kiyo, ndak mayra ha ki kaki hu Babilonda.

EZAYI 4:5

Kolo kay ɦinira Siyonda halaŋŋi Bu Suuna li ɗugulla kolo u ndoosna kay suuna, njeŋge ni nam lasi kiɗikka kasi may kay bibiŋilla vi Lonara li kolo a gol yam zina halaŋ.

EZAYI 12:6

Gagi soolla furira agi suu cuki hu Siyonna, kay ma teteɗ ma vi suu Israelna nam ŋgol cocoo, nam ka dukugiya.

EZAYI 26:1

Hu buu namma ni asi hin gi sool ndaɗta hu mbassa Yudara. Ami ka u ɦoŋzi ma saɓak cocona. Bu Suuna ka gol gulumun ma gi kay zi nammana.

EZAYI 33:21

Sa ŋgolna hin kak u aygiya, ni Yawe u tamba. Nam hinni a ɦoŋzi ŋgol ma mbo lumma huna, ma voɗ mbona gi hu zeɗ zeɗna. Lum kawi ma duuna ka jak hu oloɗi, lum kawi ma ŋgol ka calaɗ mbo lum namma oloɗi.

EZAYI 60:18

Hin ha fokka ni della ya ta las suuna ka njaɗ hu mbas magira oloɗi. Ka li ii hagara u suu ŋguy kay mbas magiranaɗi lay. Aŋ hin tin sem gulumun maŋŋa ni ana, «Suɗta.» Vun grekŋa aŋ hin yammi ana, «Geleɗta.»

EZAYI 60:19

Hin fokka ni faɗta ka li kiɗikka kagi faali ni ndaɗɗi, tilna ka li kiɗikka njeŋge ni nambi lay. Yawe u tamba hin li a kiɗik magira ni nam a fafaɗta. Loogina hin a bibiŋil magira ni nam dew.

JEREMI 8:19

Asi hum yira ndaana suu mansina yaɗ ay hu ndaŋgara dayra. Yawe ay ka hu Siyonɗi su? Mul mamma ay ka huɗi su? «Ni kay me asi lan dla cora egen u fuli masisina nige, u dla mayra bay uɗta col ay hu lii daŋŋarage?»

JOEL 2:27

Agi hin wi ana an ka hu Israel, anni Yawe Loogina, lo ma daŋ kaɗi. Suu mansina hin ka mbuɗ ki zolo a fafaɗtaɗi.

SOFONI 3:15

Yawe yowok ɓak ma gin kak nekŋa ki wa, nam tin ii babali makŋa ha ki hu li ma daŋŋa wa. Mul ma Israelna, Yawe, u tamba ka varaku. Ndak ka li ndaa ko dla coraɗi.

ZAKARI 9:15

Yawe, ma Saɓakŋa Kom Belna, hin njun kasiya. Gogoyra hu kawsura ci suuna, to tlena kiyo. Asi hin ci busuna hurusi ko sum veŋŋa na. Asi hin hoɓ kiyo nam suu kasi ko busuna sulul ki kaŋga hu tas ma voom ɦu a yamam eg suunana na, ko ndal mek tlena moli hu givin ma togolla na.