ZAKARI 2:6 - Boy Lonana

⁶ An joɓom ana, «Aŋ tuɗ arage?» Nam hoŋon dira ana, «Ŋga fiyek Yerusalem, a waɗ fiyekeɗ ki may bubuuɗ ki may.»

ZAKARI 2:6 ပူးပေါင်းရင်းမြစ်များ

EZEKIYEL 17:21

Suu duu mam suu nam manasina asi hin casi ki u ŋgewna. Suu suɗ dew dewna hin njay ki may. Ni agi hin wi ki ana an ni Yawe. Di dla ndaɗta ni an daŋ may.»

EZAYI 48:20

Cukugi ay ki duk suu Babilonna, liŋigi ki ko suu Kaldena. Della ka ɓak aya, dasira ha ki u furira, jokogi boy namma ha ki kay yam mbassa halaŋ, dagi ana, «Yawe buɗ zoŋ mamma Yakob ay ki wa.»

WIRA ŊGAYRA 18:4

Ŋgoo daganda an hum della ay kolo huulona di ana, «Suu manna cukugi ay kiyo hiniɗu, taɓagi u cooɗtaɗi, kay dla cora mbaaraɗta kaɗta mba fagiɗi.

EZEKIYEL 11:16

Aŋ tuɗ dasi ana, Bu Suuna, Yawe, di ana, lini an njayasi ha ki na day duk njaf suu daŋŋa lay, dikisi ki hu mbassa daŋga lay, hu mbassa asi tuɗ ha ki hura an ay ni a ziisira gaw.

GA 8ATAMBARA 28:64

Yawe Loogina hin njayagi ki kay yam mbassa halaŋ, hu li namma agi hin sunni loogi suu ɦawa suu somoyogi lay agi tagira lay ka wasiɗi, gugunina u ɦinira ceɗira.

URA TIN AYRA 19:17

Hu li ma suu sunda huulona cukusi ha ki doŋ kaana ca ɗaŋŋi maa dew dam ana, «Liŋa, suɗ iiri maŋga kiyo, gol iriŋ ay daganɗi col duk hu li ma ɦawanaɗi lay. Liŋ ta ta tuɗ kay ɦinira kay aŋ ba kiɗi.»

ZAKARI 2:7

Gola wani sa sunda huulona, ma ɓak u anna ɦuɗ tam ha ki may. Sa sunda huulona ma daŋŋa ka tuɗ ay ŋgafam may.

AMOS 9:9

Gasi, gologiya, an hin ɦal voɗta, an hin dlamaɗ suu Israelna duk ɦoŋ suuna halaŋ ko ndal yik wana hu bewra ka hin ŋgetlna cuk kaŋga duk kira na.

EZEKIYEL 5:12

Keŋ suu magisina ma hindina hin daɓ ki miɗna ko tuguɗi mbogomma ɗowba mayra hin ndi kasiya. Keŋ ma hindi ma hin mba wanna, ŋgew ma duuna hin casi ki may. U suu hin hin ndena an njayasi ha ki duk njaf suu daŋŋa ni u ŋgewina kay ceeresi dagan hu may.

JEREMI 51:50

Agi suu suɗ ko ŋgewnana, cukugi tagi voɗo, cologi dukgi. Ay ki day lay ni yagi Yawe, ko saara vi Yerusalemba hoŋ ay kagiya.

JEREMI 51:45

Agi suu mansina, selegi ay ki huruɗu. Gegelay suɗ tam ko yara ŋgolla vi Yawera.

JEREMI 51:6

Liŋigi ki hu Babilon gegelay ŋgay tamu. Li ka naɗi ni agi hin viɗ kiyo hu li ma ndaɗ hin warak ki kay dla cooɗtana. Yawe liim ma sa sugulna mba wa. Nam warakaɗ ni va ndaɗ minimma.

JEREMI 50:8

Liŋigi ki hu Babilon, mbassa vi suu Kaldenara. Selegi ay kiyo, mbuɗugi ki ko ŋgekgi suu tuɗ fok ndarayasina na.

JEREMI 31:10

Njaf suuna humugi boy ma vi Yawena haa. Jokogina ha ki maŋ suu ha ki fun lumma day dayna, dagi ana, sa njay suu Israelna ki keŋ lina fiɗina ka tokosi eg tasiya. Nam ka golosi ko ndal sa taa suuna gol suu mamsinara na.

JEREMI 31:8

An hin mbaasi ay ki hu mbassa ii mbayawra, hin tokosi eg tasi hu vun ndaŋgara ma daɓma. Dukusi ni suu dugina ka lay, suu dalira ka lay, boyogi suu wiina ka lay, suu ndak ki a vuɗtana ka lay. Asi hoŋ ay tani suuna bolow cocoo.

JEREMI 15:4

An hin lasi ki ni a dlara tak mayra mbuɗ suu muli suu kay ndaŋgarana ndaana u ndaɗ halaŋga. Ni kay Manasse ma goŋ Ezekiyasna, mul ma Yudana, dlara nam laɗ hu Yerusalemba halaŋ.

JEREMI 3:18

Hu li namma ni suu vi Yudana hin taɓ ki u suu Israelna. Asi col ay hu mbassa mbayawra hin mbay ko tasi dew hu mbassa an ɦaɗ ki maŋ somoyosi a jonara.

JEREMI 1:14

Yawe dan ana, «Ni ii ko ma mbayawna dla cora hin li saɓaki ŋgolla kay suu hu mbassana halaŋ.

EZAYI 55:1

Agi suu may suu laara cagina mbaagi ay eg mbona, sa ma gursu ka kombina lay mbaya, joɓogi tlesuu tira tagiya, mbay cagi sum veŋŋa u mbiira bay gussa.

RUT Magaara Njaɗ Dlara vi Rut 4:1

Booz tuɗ kak vun grekŋa hu li ma asi kaɓakŋa huna, nam gola ni wi sa ma a yow jona ko tam ugi Noomi dewna jak tuɗta. Booz dam ana nam cola, mbay kak ga tani, nam mba kak kaŋga may.

MATIYE 24:31

Nam hin sun suu mam suu sunda huulona ay u tokolomma kosiya. Asi hin mba tok suu Lona manasina ki eg tasiya, kay yam mbassa halaŋ ay fun ndaŋgara dodora, u maɗiina, u fiɗigina, mbayaw lay, dali lay.»

MARK 13:27

Nam hin sun suu sunda huulona ay foko, a tok suu Lona manasina ki kay tasiya, kay yam mbassa halaŋ ay vun ndaŋgara dodora u maɗiina, u fiɗigina, mbayaw lay, dali lay.»

SOOLLA 44:2

Ҥi, Lona, ami hum ki u humumiya, kay dlara aŋ laɗ ay jew u somoyomira, somoyomi haɗamira ka lay.

EZEKIYEL 5:10

Hu ɦoŋzi magina ni somira hin kom goryosiya. Gorra hin kom somoyosi may. An hin lagi dlara ti huuna egegiya, ugira hinda an hin njayasi ha ki aragelay halaŋ halaŋ duk njaf suu daŋŋa.

DANYEL 11:4

Hu li ma nam kak ki kaŋga jivi wa ni, mul mamba hin ɓorow iriɗ ki keŋ lina fiɗi, ka maŋ suu hu njafamma oloɗi, ka li saɓak ko nam ti kasira naɗi, kay mul mamba sariyaɗ ka oloɗi, ndaɗ hin ha ki ni maŋ suu daŋŋa.

JEREMI 31:38

Buuna ka mbaa, Yawe di na, ma ɦoŋzina hin hoŋom ki minda maŋ Yawe, col ay kay gulumun ma Hananeelna ta ta tew ki eg vun zira keŋga.

ZAKARI 1:16

Kay ndaɗta Yawe ɓak ana, an hoŋ ay eg Yerusalem u jivi manda, ziinda hin min ki kolo may, Yawe, ma Saɓakŋa Kom Belna, di na, hin waɗ zewna ha kay Yerusalem.