ZAKARI 2:5 - Boy Lonana

⁵ An tli irin kolo na ni, an wi tlena. Sana u zew ma ŋgara kom viiya.

ZAKARI 2:5 ပူးပေါင်းရင်းမြစ်များ

EZAYI 4:5

Kolo kay ɦinira Siyonda halaŋŋi Bu Suuna li ɗugulla kolo u ndoosna kay suuna, njeŋge ni nam lasi kiɗikka kasi may kay bibiŋilla vi Lonara li kolo a gol yam zina halaŋ.

SOOLLA 3:3

Suuna ŋgolo njaɗ kan ana, «Suɗta ka kam fok Lona oloɗi.»

ZAKARI 9:8

An hin kakŋi eg ziinda, hin goloɗ tew tew ko suu jakka, hin hoŋ ay jak olona. Sa hin ka fi yal ma mbuɗ maŋi hu voɗta oloɗi, kay ana cecem wanda an ka goloɗ irin tinira kaɗ na ta.

WIRA ŊGAYRA 21:23

Ҥoŋzi ma ŋgolna ni fatɗa u tilna ka hu oloɗi, weleɗ hu ni ŋgolla vi Lonara gaw. Goo Timiina ni pindilla gaw may.

EZAYI 12:6

Gagi soolla furira agi suu cuki hu Siyonna, kay ma teteɗ ma vi suu Israelna nam ŋgol cocoo, nam ka dukugiya.

SOOLLA 48:3

Ҥinira fiyek ndaɗta jivi cocoo. Ҥoŋzi ŋgol ma vi mulna namma furi huu suu hu duliyarana halaŋ. Ha ki hu keŋ ma daɓ ay mbayawna ni, ni ɦinira Siyonda, ni ɦoŋzina vi mul ŋgolna.

EZAYI 33:21

Sa ŋgolna hin kak u aygiya, ni Yawe u tamba. Nam hinni a ɦoŋzi ŋgol ma mbo lumma huna, ma voɗ mbona gi hu zeɗ zeɗna. Lum kawi ma duuna ka jak hu oloɗi, lum kawi ma ŋgol ka calaɗ mbo lum namma oloɗi.

Boy Ma Ayra Ma LUK Ɓiirimma 2:32

Nammi sa hin takaŋ seŋ ki fok suuna buruna. Sem suu maŋ suu Israelna hin tii ki um halaŋ.»

SOOLLA 48:12

Ҥinira Siyonda ka furiya, goryoŋ Yudana halaŋ ka aya, ni kay ɓak ma aŋ kaamma.

SOOLLA 46:5

Mbo lum ma namma vun kom furi suu hu ɦoŋzi ma vi Lonna cocoo, ni zi ma ki teteɗ ma vi Lonna.

SOOLLA 85:9

An hummi va ma Yawe, Lona, damma, nam di ana, «Heɓpa» maŋ suu mamsina, maŋ suu ɗegeena. Mariyaɗ asi hoŋ hu dlaasira dawira oloɗi.

SOOLLA 125:2

Ko ɦinira ŋguy ki kay zi ma Yerusalemma na, Yawe ŋguy yam suu mamsina ki ni na may, cecemi lay a fokka lay a fafaɗta.

EZAYI 31:9

Mul masina hin paɗ liŋŋa ko ndaana. Suu ŋgolo mamsina mbuɗ ki ndaana lay. Ni boy ma vi Yawena kuumba ka hu Siyon. Zul ŋgolla kura ka Yerusalem.

EZAYI 32:18

Suu mansina hin lak hu liisina ni u heɓpa. Ni hu zi ma asi lak ki fani dla kaɗina, li ma koɗ tara.

EZEKIYEL 38:14

«Kay ndaɗta, goŋ sanna, aŋ tuɗ di dlara kiyo. Aŋ tuɗ di Gog ana, Bu Suuna, Yawe, di ana, hu li ma suu man suu Israelna ka laki u heɓpana ni aŋ hin col kolo may.

EZEKIYEL 42:20

Nam ŋga gulumun ma ŋguy kay Ziŋ Lonarana ki keŋem fiɗi bel. Keŋem halaŋŋi fun tamu meter kis kis mba' duk dok-vadl. Ni gulumun ma ɓorow ii li ma teteɗna ki u li ma ɦawanana.

ZAKARI 2:10

Tuɗuygiya, tuɗuygiya, Yawe di ana, coloygi zak hiniygi mbassa mbayawra kiyo. Yawe di ana ni hu keŋ li ma fiɗi ma semeɗna sii hu hulona ma an njayagi ki hurumma.

ZAKARI 2:11

Tuɗuygiya, Siyon, pii kiyo, ndak mayra ha ki kaki hu Babilonda.

ZAKARI 9:14

Yawe hin kal ay ki kolo kasiya. Sin mbuuru mamba hin weleɗ ko welera huulonara na. Yawe Lona hin bu tokolomma. Nam hin tuɗ ha duk babaa may ma dalina.

JEREMI 31:39

Ay fokoɗ na gay ni asi hin waɗ zew ma ŋgara ay kolo kay ɦinira Garabpa.

EZEKIYEL 47:3

Sana kal ay ki hu vun ma ii u maɗiina nana u va ma ŋga lina komu. Nam ŋga lina ii meter kis kis vadl. Nam calaɗan ha ki kay mbo namma, mbona van ii ko kot sen na ga.

ZAKARI 1:16

Kay ndaɗta Yawe ɓak ana, an hoŋ ay eg Yerusalem u jivi manda, ziinda hin min ki kolo may, Yawe, ma Saɓakŋa Kom Belna, di na, hin waɗ zewna ha kay Yerusalem.